MARK 14:18 - KARANU KABI SAMTAM

¹⁸ Sateichii ahnyiinii mah chiilei- bangpii, Jisunii tamle, “Kasangpii Inii gonyii dakii tam leile, gonyii kak kito n-gu mah chii njoi kalei mei hangninanii n-gu schoi-choichii tangle.”

MARK 14:18 Iomraidhean Croise

METIU 26:21

sateichii ahnyiinii mah chiikalei tinglang kak, Jisunii tamle, Inii gonyiigo kasangpii tam leile, gonyii kak kito mei hangninanii n-gu schoi choikaipyii tangle.

METIU 5:18

Kadapokii Inii gonyii dakii kasangpii tam leile, sating ninado sazyii gatu kasuta, ajaitingshang ki- teito samah kado, mak-kii tow kabam geksa kacheng hangniniido, mahlyii- hang gong matwi kasuta, galakle.

METIU 6:16

“Sateichii gonyiinii malot karyii tinglang kak kabijai katiimei takumpiinii ju kashyii tei mangou sulo, kadapokii ahnyiinii malot ryii leile katu tei meinii ngou matutang karam jangpii ahnyiinii kamage mah ju tei mangou leile, ahnyiinii ahnyii mah lhang tei dou wotakle.

METIU 6:2

“Teipiinii gonyiinii mah kaga- meigo tiikaha tinglang kak, kabijai katiimeinii Ndwibam hangkito sateichii pwidi kadi hang kito meinii tam matoi matu tang karam jangpii katii takumpii gonyiinii meihang kasiiti tiisii tiisulo. Inii kasangpii gonyii dakii tamleile, ahnyiinii ahnyii mah lhang tei doutakle.

METIU 6:5

“Sateichii gonyiinii kariita tinglang kak kabijai katiimei takum sulo, kadapokii ahnyiinii meinii ngoumatu tang karam jangpii, Saraa kamaning kito sateichii pwidi kadi akaahang kito ahnyiinii kariita tei mareile. Inii gonyii dakii kasangpii tam leile, ahnyiinii ahnyii mah lhang tei doutakle.

MARK 10:15

Kasangpii Inii gonyii dakii tam leile, Mei kata kangkanii nahmei kacheng hangninii takumpii Saraa mah sating sazyii gotei dousuleponii teiki tei liitpei wolakle.”

MARK 10:29

Jisunii tamle, “Kasangpii Inii gonyii dakii tam leile, gujangpii ninado kabi rasam jangpii, kihang, taikarhii sungkatingmei, taipwimei, pwi-pfii, taa-nahmei, luhangdo kata kangkanii toi aileponii,

MARK 14:17

Sateichii tingkhiilam Jisunii keariisiinakhii gotei kaswisii gongle.

MARK 14:19

Teito ahnyii tei lung kamagetu takle, sateichii mpou dakii mei nsangnsangpii tamtu takle, “I-de?”

MARK 14:25

Inii gonyii dakii tam leile, Saraa sagong mah sazyii kito kasatai sak tang karam leimik tei gong kasuta Inii darkha riiti gamto sakloi lakle.”

MARK 14:9

Sateichii Inii gonyii dakii kasangpii tam leile, sazyii pouryii bamlyii hangki kabi rasam tamsii tat tang karam hangki sapwi mpei ainii tiikabam teido mpoupeigo maningloi tang karam jangpii tam mpat tangle.”

MARK 3:28

“Inii kasangpii gonyii dakii tam leile, Meinah mah kem hangtei ninado ahnyii mah kama hangteinii kaleipyii wobuile,

MARK 6:11

Sateichii bam kata hangninii kito gonyiigo lukaipyii sudinchiinii mak-kii shiipyii sudin- chiinii gonyiinii bam teiki teito tat kapat tinglang kak, ahnyiigo sakchyii tiikabui jangpii gonyii pi ki buinei tei padumtoi ailo.”

MARK 8:12

Nlenii Jisunii chyiidi ngaisii tamle, “Mei aimeinii kamadat hang- ninii fiikalei ai dajangpiipo? Kasang- pii Inii gonyiidakii tam leile, gonyiiha kito kamadat samah kado mangou- lakle.”

MARK 9:1

Sateichii mpounii ahnyii dakii tamle, “Inii gonyii dakii kasang- pii tam leile, aikito satsii kalei ahnyii mei kangkanii Saraa mah sating sazyii tei teimaham haisii kagong ngou kasuta taiga lakle.”

MARK 9:41

Inii gonyii dakii kasangpii tam leile, mei kata kangkanii gonyii ai Krista meile katu jangpii dwi peek kado gonyiigo pyiisak lepochiinii ah mah lang teinii madou kado gasang galakle.

LUKNII KARYII KABI RASAM JUKAMATI 11:51

Sazyii pouryii tii mpat karei sekto Lungkakalingmei hang mah zai sak kalu tei mei aiha kito tokryii matu tang karam jangpiile. Nle, Inii gonyii dakii tam leile, mei ai-ha kito tokryii tangle.

LUKNII KARYII KABI RASAM JUKAMATI 22:21

“Nlenii julo, n-gu schoi choikai kapyiipii bah tei tak kachii bam gam n-gu kaswisii bamle.

LUKNII KARYII KABI RASAM JUKAMATI 4:24

sateichii mpounii tamle, “Inii kasangpii gonyii dakii tam leile, Lungkakalingmei hangninii kagodo mpou mah Sazyii kito lukaipyii makle.

JONNII KARYII KABI RASAM JUKAMATI 1:51

Sateichii mpounii ahnyii dakii tamle, “Inii go- nyii dakii kasangpii tam leile, katunii sating gam laat kabam sateichii Saraa mah sating gamlui hangnii meinah sapfii mpou phyiiryiito pisii humsii kabam tei gonyiinii ngoutangle.”

JONNII KARYII KABI RASAM JUKAMATI 13:18

“Inii gonyii hang mah kaang kito tam makle; nlenii kalai kalumei gotei Inii tile; nlenii gumah tiirok chiikatu ah teinii guphyiiryiikii mpoupi pasui poimatu takle, sii kabi rasam kito katam tei madougong matutang karam jangpiile.

JONNII KARYII KABI RASAM JUKAMATI 13:21

Jisunii ai tamsang aisek-kii, mpou tei lung hangkapii kamage takle sateichii madupii tamle, “Kasang kasangpii Inii gonyii dakii tam leile, gonyii kak kito mei hangninanii n-gu schoi choikai tangle.”

JONNII KARYII KABI RASAM JUKAMATI 13:22

Mpounii tapii kaang kito tam leipo katu boumei hangteinii maning rarhiisanii, ahnyiimei hangninanii hangniniigo kajutu takle.

JONNII KARYII KABI RASAM JUKAMATI 13:38

Ji- sunii khekalatle, “Nang gujangpii gomah karing tei matoupyii tangpo? Kasang kasangpii Inii godakii tam leile, nangnii n-gu hangtum kashang tiisii mazhii kasu tiikasuta ruigang konglakle.

JONNII KARYII KABI RASAM JUKAMATI 21:18

Kasang kasangpii Inii godakii tam leile, Nangnii tiina kaleidou, goroi- napii nangnii kakee haikang wosii, nangnii tat kanyii bam hangki tatsii leile; nlenii nangnii ting wosekchii, nangnii gobah ntaapat tangle sateichii mei kaki hangninanii n-go kakee kakpyii sanii, nangnii mang karou bamni teikii n-go pang mang tangle.”

JONNII KARYII KABI RASAM JUKAMATI 3:11

Inii godakii kasangpii tam leile, nyiinii kati tei nyiinii tam leile sateichii nyiinii ngoukalei mah kaang kito nyiinii sakchyii pyii leile, nlenii gonyiinii nyiimah sakchyii tei lukaipyii makle.

JONNII KARYII KABI RASAM JUKAMATI 3:3

Jisunii mpougo Khekalatle, “Inii n-go kasangpii tam leile, mei kata hangninanii manaaloi suleponii, mpounii Saraa mah sating sazyii tei ngoupei wolakle.”

JONNII KARYII KABI RASAM JUKAMATI 3:5

Jisunii khekalatle, “Inii godakii kasangpii tam leile, mei kata hang- ninanii dwi ninado rangii kito manaa kasutanii ahnii Saraa mah sating sazyii kitei liitpei wolakle.

JONNII KARYII KABI RASAM JUKAMATI 5:19

Teipiinii Jisunii ahnyiigo khe- kalatle, “Inii gonyii dakii kasangpii tam leile, Pfiinii katiihang tei ngou- supiinanii nah sapfii mpou teinii mpou roinapii samah kado tiipei wolakle; kadapokii mpounii katii katiihangtei nah sapfii mpou teiniido teigotei njoisii tiileile.

JONNII KARYII KABI RASAM JUKAMATI 6:26

Jisunii ahnyii dakii khekalatle, “Inii gonyii dakii kasangpii tam leile, gonyiinii n-gu fiikaleinii tiikama- ngou siiti ngoukalu jangpiinii makle, nlenii gonyiinii tiirok tei chiiwosii moi maghii kalu jangpiiniile.

JONNII KARYII KABI RASAM JUKAMATI 6:32

Teito Jisunii ahnyii dakii tamle, “Kasangpii Inii gonyii dakii tam leile, gonyii dakii sating gamto kachii pot kapyii tei Mosesnii makle, nlenii gu pfiinii gonyiigo sating gamto kasang kachiipot tei pyiile.

JONNII KARYII KABI RASAM JUKAMATI 6:47

Kasangpii Inii gonyii dakii tam leile, malumsii kaleimei hangteinii kalui kaga karingtei doutakle.

JONNII KARYII KABI RASAM JUKAMATI 6:70

Jisunii ahnyii dakii khekalatle, “Inii gonyii keariisiinakhiigo kalai wotak makpo? Sateichii gonyii kak kito hangninanii seitanle!”