MARK 13:13 - KARANU KABI SAMTAM

¹³ Meihangnii gonyiigo gu jangpii ngourou tangle, nlenii kalui katang leh kalumei teinii keikapyii tei doutangle.

MARK 13:13 Iomraidhean Croise

METIU 10:22

Sateichii gu zei jangpii gonyiigo meihangnii ngourou tangle, nlenii kalui katang tei leh kalumeigo keipyii tangle.

METIU 24:13

Nlenii kalui katang leh kalu meigotei keipyii tangle.

METIU 24:9

“Teito ahnyiinii gonyiigo tiika- mage tang karam jangpii pyiitangle sateichii gonyiigo gitangle ninado Lui hangnii gu zei jangpii gonyiigo ngourou tangle.

MARK 13:12

Sateichii asanapiinii asanapiigo ninado Pfiinii nah-go tai matu tang karam jangpii pyiitoi tangle; nahmeinii pwi-pfiigo mazhiirou tangle, sateichii ahnyiigo gi malei tangle.

LUKNII KARYII KABI RASAM JUKAMATI 21:17

Sateichii meihangnii gonyiigo gu zei jangpii ngou routangle;

LUKNII KARYII KABI RASAM JUKAMATI 6:22

“Meinah sapfii mpou jangpii gonyiigo ngou karou, pak katoi, chyii ka n-gi sateichii gonyii jai shyiilesii pak ka-mpat tinglang kak, gonyii doibile!

JONNII KARYII KABI RASAM JUKAMATI 15:21

Nlenii gu zei jangpii ahnyiinii aihang ai gonyii dakii tiitangle; kadapokii n-gu lang kamagong ah gotei ahnyiinii timakle.

JONNII KARYII KABI RASAM JUKAMATI 17:14

Inii gosam tei ahnyii dakii pyiitakle sateichii sazyii pouryiinii ahnyiigo ngourou takle. Kadapokii Inii sazyii pouryii mah kasu takumpii, ahnyiido sazyii pou- ryii mah makle.

ROMMEI 2:7

Mei kangkanii tha kabi tei tiisii tiisii pumtei kava go sadzyii ngariit katiigo, sateichii gakalak karing go fiisii bamle. Ahnyii dateikii Saraanii kalui kaga karing tei pyii tangle.

GALATIMEI 6:9

Teijangpiinii kabi tha katii kiteito nyiinii laksude. Kadapokii nyiinii lung nkhii suleponii, nyiinii rachet tang karam tinglang kabi tei gongtangle.

HEBRUMEI 10:39

Nyiinii tailampang nlai katu ninado maga kaleimei hangtei makle, nlenii nyiinii malumsii keipyii kalumei teile.

HEBRUMEI 3:14

Kadapokii nyiinii nyiimah lung kalum tei karei sekto kalui katang tei sangtingsii jum woleponii, nyii hang ai Kristago kaswisii njai dou njoi katumei takle:

JEMS 1:12

Jaikaju lehsii kaleimei sadoi bile, kadapokii jaikaju kiteito mpounii satto sekchii, mpougo lungkasyii meigo Saraanii pyiitanglesii riishii tiikabam karingmah phyiihung tei mpounii doutangle

1 JON 3:13

Kangsanamei, sazyii pouryii- meinii gonyiigo ngourou leponii, sung gasulo.

MATIMANGOU KAPYII 2:10

Gonyiinii doutang karam kamage kalak gotei hingsulo. Julo, gonyiigo jai jutang karam jangpii seitannii gonyii kangkagonii kabang kikii toikai tangle, sateichii gonyiinii leimik kearii kamage kalak tei doutangle. Gonyiinii katai katang tei malum kabuimei tiilo, sateichii Inii gonyii dakii karingmah phyiihung tei pyiitangle.

MATIMANGOU KAPYII 3:10

Gumah lung leh kati samtei nangnii swikalu jang- piinii, sazyii pouryiito lungkalei hang go jaiju tang karam jangpii sazyii pouryii bamlyii hangki gongtang karam jai kaju tinglang kiteito Iniido n-go jupyii tangle.