MARK 12:14 - KARANU KABI SAMTAM

¹⁴ Teito ahnyiinii mpouda gongsii tamle, “Madhiikapyiipii, nangnii kasang sam tam leile katu nyiinii tile, sateichii nangnii meigo kado hinglei makle, kadapokii nangnii kasana kasagoi julei makle, nlenii Saraa mah kasang pwidi tei Nangnii tam ralipyiile. Nyiigo tam pyiilo, Sijar-go aha kapyii ai ajai makpo? Nyiigo pyiilo manii pyii sulopo?”

MARK 12:14 Iomraidhean Croise

METIU 22:16

Sateichii ahnyii- nii Herot tai kaswimeigo kaswisii ahnyii mah boumeigo lang magongsii tam matule, “Madhiikapyiipii, nangnii kasangle, sateichii Saraamah kasang pwidi tei kasang kasangpii ralipyiile sateichii mei kagodo hingmakle katu nyiinii tile, kadapokii nangnii mei-ju juleimakle.

METIU 22:17

Teipiinii nyiidakii tam seilo, nangnii kadalesii maningpo? Kaisar dakii aha kapyii ai ajai manii ajaimakpo?”

MARK 12:13

Sateichii ahnyiinii Jisu mah samtam kito jum kabui jangpii maningsii Farasismei ninado Herot- mei kangkago mpou dakii langkaile.

MARK 12:15

Nlenii ahnyii lung kabijai katii tei Jisunii ngou wosii tamle, “Gonyiinii n-gu dajangpii ajai juleipo? Guda sanahgyii hangninii poigonglo, tei tei Inii jule.”

MARK 14:45

Judas teinii gong sek-kii, mpounii Jiusda tatpi, “Madhiika- pyiipii!” sii tamsii mpougo matwum takle.

LUKNII KARYII KABI RASAM JUKAMATI 20:22

Nyiinii Kaisor go aha-kapyii ai ajai manii ajaimakpo?”

LUKNII KARYII KABI RASAM JUKAMATI 23:2

Sateichii ahnyiinii mpougo kama luikaipyii sii tamle, “Ai sapfii mpou ai nyii luigo tiikarampou, Kaisor sagong dakii aha-kapyiigo kanam sateichii mpou roinapiinii Krista sagong lesii katam nyiinii kadoutakle.”

JONNII KARYII KABI RASAM JUKAMATI 7:18

Mpoumah teimaham kito tam kalei ah teinii mpouroinapii mpougo tam kamatoi fiileile, nlenii mpougo lang kamagong ahgo tam kamatoi fiikalei ahteinii kasangle sateichii kasang kasu tei ah dato gale.

ROMMEI 13:6

Kadaponii ai kaang jangpii gonyiinii ahado pyii leile, kadapokii ahnyiinii tha ai jangpii taksupii lungliitsii Saraa nga kangamei tiileile.

2 KORENMEI 2:17

Kadapokii nyiinii mei kaki kakimeinii Saraamah kabi rasam gotei mai kamala pot takum- piinii jum kalei takum makle; nlenii Saraanii nyiigo langkai kapyii jangpii, Kristamah ki kaleimei nsang nsang tiisii mpou doito lung kamatei teipii nyiinii tamle.

2 KORENMEI 2:2

Kadaponii Inii gonyiigo lung tiikamage leponii, Inii lung tiikamage katu ah tei supiinii tanii n-gu tii-ntapyii tangpo?

2 KORENMEI 4:1

Saraanii mpoumah lungsyii kapyii kito aitha ai tiilosii nyii dakii pyiitakle, teijangpii nyiinii lung taimakle.

2 KORENMEI 5:11

Bangpiigo kahing katu tei kadapeigopo katu tei nyiinii tisii, malum kabui tiisii nyiinii meigo tampyiile. Nyiimah kaang kito matum madum tei Saraanii tile; sateichii gonyii lung kito gonyiinii n-gudo tile katu tei Inii maning malumle.

2 KORENMEI 5:16

Teipiinii aitoi sekpii, nyii mei hangninii kagodo meinah mah pum- zai lamto samtak tiisutakle, tinglang hangniniiki nyiinii meinah mah kamaning kito nyiinii Kristago samtak tiisii leikado, nyiinii mpougo teitiisii samtak tiiloi sutakle.

GALATIMEI 1:10

Meinah mah kamazhii doutang karam mak-kii Saraa mah kamazhii doutang karam jangpii Inii fiileipo? Mak-kii Inii mei dzyiibi tiitang karam jangpiinii tiisii leipo? Inii aitoi katang mei dzyiibi tiitang karam jangpiinii tiisii leipo? Inii aitoi katang mei dzyiibi tiisii leileponii, Inii Krista mah kikaleimei hangninii tiilak tang karamle.

GALATIMEI 2:6

Nlenii doimajang kapyiimei takumpii ngousii kalei (Inii ai ai tam leile, daponii ahnyii ai kadapeipo katu thaam kaki gudato mah kado ngou makle; Saraanii meiju jusii samtak tiilei makle.) Inii tam leile, tei kakum doi majang kapyiimei hang teinii n-gu mah kado kai mpampyii makle.

1 THESOLONIKAMEI 2:4

nlenii Saraanii nyiigo kabi rasam tam matu tang karam jangpii mazhiikapyii takumpii, nyiinii mei dzyii karanga tei tiitang karam jangpii makle, nlenii nyii lung go jaijusii kalei Saraa dzyii karanga tei tiitang karam jangpii nyiinii tam leile.