MARK 11:23 - KARANU KABI SAMTAM

²³ Inii gonyii dakii kasangpii tam leile, ‘Mei kata kangkanii zang aigo, nang tusii dwijai lungkii toikai ailo,’ sii tam leponii sateichii ah lungto maning kariirhii tei galeponii, ahnii katam tei madou supii patling tangle katu malum leponii, teitei ah dakii tiipyii tangle.

MARK 11:23 Iomraidhean Croise

METIU 14:13

Jisunii ai shii wosek-kii teibam kiteito malyii hangninii tong wosii kamakum bam hangniniiki sisii mpouroinapii tat tutakle; nlenii mei- moinii teitei shii wosek-kii ahnyiinii namdi namdi kito pipii mpoutai swi-wotakle.

METIU 17:20

Mpounii ahnyii dakii tamle, “Gonyii mah kamalum kacheng jangpiiniile, kadapokii Inii gonyii dakii kasangpii tam leile, gonyiinii njang-gaiti lwirou langkii kamalum tei leipodinchii, gonyiinii zangtung aigo tam tangle, ‘aikito luki tat tulo,’ sateichii teiteinii tat tutangle; sateichii gonyiinii tiipei kalak mah kado gatangle.

METIU 21:21

Jisunii ahnyiigo khekalatle, “Inii gonyii dakii kasangpii tam leile, gonyiinii malum leponii sateichii maning riirhii suleponii, kadhiitbang gamkii Inii tiikabam ai gonyiinii tiikabui roisupiinii ai zang ai katang godo. ‘Nang gungtusii dwijai lungkii goroinapii toikai ailo’ sii tamleponii, teitei tiitangle.

LUKNII KARYII KABI RASAM JUKAMATI 17:6

Teito Abangpiinii tamle, “Gonyii- nii njang gaiti lwirou hangninii langkii kamalum tei lei lepochiinii gonyiinii ruibang aigo ‘maa pai mpat tosii dwijai phyiiryiito lungtulo’ sii tamchii, teiteinii gonyii sam switangle.

JONNII KARYII KABI RASAM JUKAMATI 14:13

Sateichii nah sapfii mpou paikito Pfii mah pumtei kava tei ngoumatu tang karam jangpii, gonyiinii gu zei kito kakhang hangtei Inii tiipyii tangle.

JONNII KARYII KABI RASAM JUKAMATI 15:7

Gonyiinii gudato taksupii leileponii, sateichii gumah samkang hangtei gonyii dato taksupii leileponii; gonyiinii kamarei hangtei khanglo, sateichii teitei gonyii dakii pyiitangle.

1 KORENMEI 13:2

Sateichii lungkakaling mah teimaham hangtei leikado satei- chii Inii Saraa sam tam ka-mpat mah luha tei dou kado, kamakum sam hang sateichii swirek kati hangtei tiwo kado sateichii zang hang go bam tii-nlai kabui mah kamalum hangtei Inii lei kado, lungkasyii tei galeponii Inii samah kado makle.