MARK 10:30 - KARANU KABI SAMTAM

³⁰ mpounii toi tinglangki kaset kalak dou katu njasii kihang, tai karhii sungka- tingmei, taipwimei, pwi-pfii ninado luhang njai haikii, sateichii gongtang karam tinglang ki kalui kaga karing tiilung doutangle.

MARK 10:30 Iomraidhean Croise

METIU 12:32

Sateichii meinah sapfii mpougo mazhii kasu sam katam meihang gotei kaleipyii tangle, nlenii rangii kamatei go mazhii kasu sam katam meihang gonii sazyii pouryii kitodo gongtang karam kiteitodo kaleipyii lakle.

METIU 13:8

Nlenii kaki hangteinii sazyii kabiki takliitsii, kangkanii njai hai, kangkanii reksarok, sateichii kangkanii tamrhii ti mati takle.”

METIU 6:33

Nlenii gonyiinii mpoumah Sating Sazyii ninado Mpoumah kasang kamajyii tei reipii fiilo sateichii mahlyii hang ai gonyii dakii kai mpampyii tangle.

LUKNII KARYII KABI RASAM JUKAMATI 18:30

ahnii tinglang aikito njai moikisii sateichii gong tang karam kiteito kalui kaga karing tiilung tei doutangle.”

JONNII KARYII KABI RASAM JUKAMATI 10:23

tei tei sateidoule, sateichii Jisunii Solomon mah nsung- bam kamwi ki, Saraa kamaning kilung teito tatsii leile.

TIILAMLWI KAPYIIMEI THA JUKAMATI 14:22

Bamlyii hang ki teito boumei lung tiisangting pyiisii kamalum kiteito taksupiinii bam matutang karam jangpii katwisii kamage kalak hangkago kaswisii nyiinii Saraa mah sating sazyiiki liit tang karamlesii tam ralipyiile.

TIILAMLWI KAPYIIMEI THA JUKAMATI 16:25

Nlenii tinghum asumkii Pol nei Sailasnii Saraa dakii riitasii ninado lhii tiisii bamle;

TIILAMLWI KAPYIIMEI THA JUKAMATI 5:41

Teipiinii ahnyiinii Jisu zei kito ka-nrou ai doumajyii lesii ntasii samtak katii katingmei doiteito tatpat takle.

ROMMEI 5:3

Sateichii airoinii makle, nlenii nyiimah kamage kalak hang kito ntale, kamage kalak teipii leh kati;

ROMMEI 6:23

Kada- pokii kem mah katiimai teinii kataile, nlenii nyii Bangpii Krista Jisu zei kito Saraanii matapii kapyii luha teinii kalui kaga karing tiilung teile.

2 KORENMEI 6:10

Nyiigo swi tiika- mage kado, tinglang kaleita nyiinii ntale; nyiinii mah kagamei takumle, nlenii mei hangkiigo nyiinii mah tiimani pyiile; nyiinii mah kado kaga takumle, nlenii kasangpii nyiinii mahlyii hangtei bamle.

PILIPIMEI 3:8

Gu Bangpii Krista Jisugo kati tei kisii maiteeng kaki jangpii mahlyii hangtei Inii kagale katupii poitakle. Mpou jangpii mahlyii hangtei Inii rat toi aitakle, sateichii mazhii kasulesii Inii poi takle.

2 THESOLONIKAMEI 2:16

Aitoinii nyii Bangpii Jisu Krista pum sekpii sateichii gonyiigo lung- syii kapyii, kalui gasii nyiigo tii-nta kapyii, sateichii jumage kapyii pai- kito bisii maning kamalum kapyii, nyii Pfii Saraa teinii gonyii lung tiisamoupyii matulo,

1 TIMOTHI 4:8

kadapokii pumzaimah tiikarali teinii cheng- niikii jangpii roinii mai bamle, nlenii Saraago kamaning teinii aitoi jangpii sateichii gong tang karam mah ringtang karam riishii jumsii kalei jangpiinii mahlyiihang jangpii maiteengle.

1 TIMOTHI 6:6

Mpou mah kabam teipii lung shaat woleponii, dormo kito hang- kasii doutang karam liipat tei leile;

JEMS 1:12

Jaikaju lehsii kaleimei sadoi bile, kadapokii jaikaju kiteito mpounii satto sekchii, mpougo lungkasyii meigo Saraanii pyiitanglesii riishii tiikabam karingmah phyiihung tei mpounii doutangle

JEMS 5:11

Julo, lung nlai kasumeigo nyiinii sadoi kabimeilesii latle, Job mah lung nlai kasumah kaang kito gonyiinii shiitakle, sateichii Bang- piinii kalui luisang kito mpougo kada takumpiinii pyiipo katu tei gonyiinii tile, kadapokii Bangpiinii lungsyii kati ninado lungset katipiinii tokryiile.

1 JON 2:25

Sateichii mpounii nyii dakii pyii tanglesii riishii tiikabam tei aile, katunii, kalui kaga karing teile.

1 JON 3:1

Julo, nyiigo Saraamah nahmei tiipyii tang karam jangpii Pfiinii nyii phyiiryiikii kadaziikapii lungsyii pyiitakpo? Sateichii nyiinii teitei miwo takle, kaang aijangpii sazyii pouryiinii nyiigo timakle, dapokii sazyii pouryiinii mpougo timakle.

MATIMANGOU KAPYII 2:9

“‘Gonyiimah kamage kalak ninado kaga tei Inii tile–Nlenii gonyiinii kasangpii mah nile! Satei- chii Jehudimei kasangsupii, ahnyii roinapiinii ahnyii Jehudimei lesii tamsii kalei, Seitanmah abemei tiisii kaleimei teinii gonyii phyiiryiikii samlat kashyii tam kalei tei Inii tile.

MATIMANGOU KAPYII 3:18

Teijangpii gonyiinii mah nikabui tiisii mipiinii rumatei kalei sona sateichii gomah peimani kaikasu mah ka-nrou tei ngoumatu kasu tiisii sateichii gomik ngoumatu tang karam jangpii, gomik kikii thei tang karam thao tei, gudato lyii wolosii Inii gonyiigo tam leile.