MARK 10:24 - KARANU KABI SAMTAM

²⁴ Teito mpou boumeinii mpou sam tei shii wosii sung gatakle, nlenii Jisunii nlailoisii ahnyii dakii tamle, “Gunahmei kani kahii kikii kamalum meinii Saraa mah sating sazyiiki liit tang karam ai daziikapii hungpo!

MARK 10:24 Iomraidhean Croise

METIU 19:25

Sateichii boumeinii teitei shii wosek-kii, ahnyii tei hangkapii sung gasii tamle, teitiileponii, “Tanii keikapyii karing tei dou wotangpo?”

MARK 1:27

Meihang teinii akhii patsii hangninanii hangninii dakii tamle, “Ai kadapeipo? ai kasatai rali kapyiide Mei aipounii teimaham jumsii kashyii rangii hang go kakhatle ninado mpou-sam swile!”

MARK 10:23

Jisunii mpouboumeigo ju maguisii ahnyii dakii tamle, “Mah kanimeinii Saraa mah sating sazyiiki liit tang karam ai kadaziikapii hungpo!”

LUKNII KARYII KABI RASAM JUKAMATI 16:14

Sanahgo kamarei, Kabijai katiimei teinii tam kalei hangtei shii wosanii, ahnyiinii Jisugo hoksii nuile.

JONNII KARYII KABI RASAM JUKAMATI 13:33

Nah kachengmei, tinglang shangniikii jangpii Inii gonyiigo kaswisii bam leile, gonyiinii n-gu fiitangle, sateichii Inii Jehu- dimei dakii tam kabam takumpii: Inii katat bam kitei gonyiinii gongpei wolakle, teitakumpiinii aitoi Inii gonyii dakiido tam leile.

JONNII KARYII KABI RASAM JUKAMATI 21:5

Jisunii ahnyii dakii tamle, “Nahmei, gonyii samah kado num womakde?” Ahnyiinii mpougo khe- kalatle, “Samah kado num womakle.”

JONNII KARYII KABI RASAM JUKAMATI 6:60

Mpoumah boumei hangkanii sam ai shii wosek-kii tamle, “Ai sam kahungle, tanii ai ai shiipei wobuipo?”

GALATIMEI 4:19

Lungkasyii gunahmei! Gonyii lungto Krista mah jaitalui tei tiimakhii kasuta pwinii nah kamanaa- ki kamage kalei takumpii Inii gonyii jangpii Kamagesii bamle.

1 TIMOTHI 6:17

Aitoi sazyii pouryii aito mah kanimei hang go tam kakhat pyiilo, katunii, ahnyiinii detdi matu sulo, nlenii tisek kasu kani kahii hang kikii supiinii, nyiigo samou matu tang karam jangpii mahlyii hang mah lasii kapyii Saraa dakii ahnyii mah kamaning kamalum tei sat matulo.

1 JON 2:1

Gunahmei, gonyiinii kem tiikasu tiisii Inii ai ai gonyii dakii ryii leile; nlenii mei kata hangninanii kem tiileponii, Pfii doito nyii jangpii satsii sam tampyii tang karam, kasang kamajyii Jisu Krista leile.

1 JON 4:4

Lungkasyii nahmei, gonyiinii Saraa mahle, sateichii gonyiinii ahnyiigo ngam wotakle, kadapokii gonyii dato kalei ah teinii sazyii pouryiito kalei ah sung kisii dikile.

1 JON 5:21

Lungkasyii nahmei, gonyii roinapii gonyii tingtumah param hang kiteito mpaa wolo.

MATIMANGOU KAPYII 3:17

Gonyiinii ka-nkhii kasana kamage kamarhii, mah kaga, mik kachet ninado peimani kai kasutei tisupii I mah nitakle, kani kahii hangkapii doutakle sateichii mah- kado tang kalak tiimaklesii gonyiinii tamle.