MARK 10:2 - KARANU KABI SAMTAM

² Sateichii Farasismeinii gong mpougo ajai jutang karam jangpii n-nhiile, “Sapfiimeinii mpou nougo n-nou katu ai ajai makpo?”

MARK 10:2 Iomraidhean Croise

METIU 15:12

Teito boumei teinii tatpatsii mpou dakii tamle, “Farasismeinii go samtei shii wosii ahnyii lung deng takle katu nang timakpo?”

METIU 16:1

Sateichii Farasismei ninado Sadhumeinii gongsii mpougo jai jutang karam jangpii sating gamto tiikamangou siiti hangninii ahnyii dakii mangou matu tang karam jangpii mpou dato ahnyiinii khangle.

METIU 19:3

Sateichii Farasismei kangkanii mpouda gongsii mpougo ajai jusii n-nhiile, “Sapfiimei hangninanii kaang kata hangninii jangpiinii mpou- nougo n-nou katu ai ajaimakpo?”

METIU 22:35

Ahnyii kak kito Ajaitingshang kati ojamei hangninanii mpougo ajai jutang karam jangpii mpougo sam hangninii kachyiinhiile.

METIU 23:13

“Nlenii Kabijai katii, ajaiting- shang kati ojamei ninado Farasismei gonyii, kadaziikapii kamage tangpo! Dapodinchii sating gam sazyii mah kikam tei mei liit kalak tiisii gonyiinii takam takle; kadapokii gonyii roinapii gonyiido liit-to makle, sateichii liit lesii tiikalei ahnyii goteido maliit sutakle.

METIU 9:34

Nlenii Farasismei teinii “Sara kashyii sagong mah teimaham kito mpounii sara kashyiigo baatoile” sii tam takle.

MARK 10:1

Teito Jisunii teibam kiteito tatpat tosii Judiya lungkoi sazyiiki sateichii Jordan karyii lugang tei gong takle. Meimoinii mpou dato gong ndwi wotakle sateichii mpou-jai taiswisii Jisunii ahnyiigo ralipyiitu takle.

MARK 10:3

Mpounii ahnyiigo khekalatle, “Moses-nii gonyiigo kadalesii tam kakhatpyiipo?”

MARK 8:11

Farasismei kangkanii Jisuda gongsii mpougo chyii n-gitu takle, sateichii sating gamto kamadat hangninii tiimangoulosii khangle, mpougo jai jutang karam jangpii.

MARK 8:15

Jisunii kakhatsii ahnyiigo tamle, “Julo, Farasismei ninado Herot mah ahee kiteito gonyii sakai wolo.”

LUKNII KARYII KABI RASAM JUKAMATI 11:39

Teijangpiinii Jisunii mpou dakii tamle, “Aitoi kabijai katiimei- nanii peek, kokpou tei shyii mateile. Nlenii gonyii lungtonii kathaam karaampii sateichii kashyiipiinii tokryiile.

LUKNII KARYII KABI RASAM JUKAMATI 16:14

Sanahgo kamarei, Kabijai katiimei teinii tam kalei hangtei shii wosanii, ahnyiinii Jisugo hoksii nuile.

LUKNII KARYII KABI RASAM JUKAMATI 5:30

Sateichii kabijai katii- mei ninado ajaitingshang kati ojamei hangteinii mpou boumei phyiiryii teikii manam maraangsii ahnyii dakii tamle, “Gonyii dajangpii ha hakaleimei sateichii kem kama katiimeigo kaswisii chii leipo?”

LUKNII KARYII KABI RASAM JUKAMATI 6:7

Sateichii ajaitingshang kati ojamei ninado kabijai katiimei teinii mpoumah kama fiisii, bam ntak piinei leimik mpounii katii kanhiimeigo tii tii mbipyii lakposii mbeisii jusii leile.

LUKNII KARYII KABI RASAM JUKAMATI 7:30

Nlenii kabijai katiimei ninado ajaitingshang kati ojamei teinii Saraa mah kamaning tei ahnyii roipii mazhii sutakle, sateichii Jon dato dwi ka-mpum tei poisu takle.

JONNII KARYII KABI RASAM JUKAMATI 11:47

Teipiinii kanat kajum ting- dimei ninado Farasismei hangteinii katingmei hang gotei pang nkom wosii tamle, “Nyiinii kadapei tii- tangpo? Kadapokii sapfii mpou ainii tiikamangou siiti hangka tiitakle.

JONNII KARYII KABI RASAM JUKAMATI 11:57

Sungto reipiinii kanat kajum Tingdimei ninado Farasismei hangnii mwija pyii aitakle, katunii mpou kadaki leipo katu mei kata hangninanii tileponii ahnyiinii mpougo jumtang karam jangpii mei teinii ahnyiigo tam mangou tang karamle.

JONNII KARYII KABI RASAM JUKAMATI 7:32

Mpoumah kaang kito meimoinii samtiit kalei tei Farasismei teinii shiitakle sateichii kanat kajum ting- dimei ninado Farasismei hangteinii mpougo jum matutang karam jangpii saryii kakoimei gotei lang matu takle.

JONNII KARYII KABI RASAM JUKAMATI 7:48

Teimaham kajum mei mak-kii Farasismei hangninii kado mpougo malum womakpo?

JONNII KARYII KABI RASAM JUKAMATI 8:6

Ahnyiinii mpou gamkii tam kamashyiini dou wokabui jangpii, mpougo jaijusii sam ai ahnyiinii tam takle. Nlenii Jisunii nkwimang- sanii, bah jungnapii sazyiikii ryiitu takle.

1 KORENMEI 10:9

Sateichii mei kangkanii Bangpiigo jai kaju jangpii ahnyiigo sanhiinii tiimaga kalei takumpii, nyiinii Bangpiigo ajai jusude;