MARK 10:17 - KARANU KABI SAMTAM

¹⁷ Sateichii mpounii tat kapat tinglangki, mei hangninanii mpou doi pakpi kok-kumsii mpougo n-nhiile, “Kabi Madhiikapyiipii, Kalui kaga karing doutang karam jangpii Inii dapei tiitangpo?”

MARK 10:17 Iomraidhean Croise

METIU 17:14

Sateichii ahnyiinii meimoida kagong tinglang kak mei hangni- nanii mpouda pat kok-kumsii tamle,

METIU 25:34

Teitinglangki sagong teinii mpou- bah ajiilam pang kabam meihang dakii tam tangle, ‘Patlo, Gu pfii mah satoi doukalumei, sazyii pouryii tii ka-mpat saroi sekto gonyii jangpiinii tiida kabam sagong sazyii tei douwolo.

METIU 28:8

Teipiinii ah neinii kahing ninado hangkapii ka-nta tei njasii roubam tei kalangsii toi aisii, mpoumah boumei dakii kalangsii tam tang karam jangpii pak tutakle.

MARK 1:40

Sateichii mpara tiisii kalei mei hangninanii Jisuda gongsii mpou doito kok-kumsanii tiihalosii khangle, “Nangnii n-gu bimatunyii lepochiinii tii-mbi wobuile.”

MARK 10:18

Teito Jisunii mpou dakii tamle, “Nangnii n-gu dajangpii kabipiisii lat leipo? Saraa tei supii mei kado kabi gale.

MARK 12:14

Teito ahnyiinii mpouda gongsii tamle, “Madhiikapyiipii, nangnii kasang sam tam leile katu nyiinii tile, sateichii nangnii meigo kado hinglei makle, kadapokii nangnii kasana kasagoi julei makle, nlenii Saraa mah kasang pwidi tei Nangnii tam ralipyiile. Nyiigo tam pyiilo, Sijar-go aha kapyii ai ajai makpo? Nyiigo pyiilo manii pyii sulopo?”

MARK 9:25

Sateichii meimoinii ahnyiida pakpi kalei tei Jisunii ngou wosek- kii, mpounii sara kashyii gotei n-gisii tamle, “Nang, khoi kapang lat kaga rangii, Inii n-go kakhat leile, aipou dato pat tolo sateichii mpouda nlaisang nlailiit loi sulo.”

LUKNII KARYII KABI RASAM JUKAMATI 10:25

Sateichii julo, ajaitingshang katimei hangninanii mpougo jai jutang karam jangpii tusat tosii tamle, “Madhiikapyiipii, kalui kaga karing tiilung doutang karam jangpii Inii dapei tiitangpo?”

JONNII KARYII KABI RASAM JUKAMATI 3:2

Mei aipou ainii tinghum Jisuda gongsii mpou dakii tamle, “Rabbi, (katunii Madhiikapyiipii) nangnii Saraa dato kagong ralika- pyiimei hangniniile katu tei nyiinii tile, kadapokii nangnii tiikalei siitihang ai Saraanii mpougo kaswi suleponii, meikaniido tiiwo lakle.”

JONNII KARYII KABI RASAM JUKAMATI 5:39

Gonyiinii kabi rasam hangtei fiile, dapochiinii teihang lung kiteito gonyiinii kalui kaga karing doulesii maningle sateichii gumah kaang kito sakchyii pyiikalei tei teihang teile.

JONNII KARYII KABI RASAM JUKAMATI 6:40

Kadapokii gu pfiinii kamaning kamazhii tei aile, meinah sapfii mpou gotei ngouwosii, ahgo malum kalumei hangteinii kalui kaga karing doumatu tang karam teile, Sateichii Inii ahnyiigo kalui piinei leimik tiimaringpyii tangle.”

TIILAMLWI KAPYIIMEI THA JUKAMATI 16:30

Sateichii mpounii mpoupii- nago pang patsii tamle, “Goneiwo, kalei kapyii doutang karam jangpii Inii kadapei tiitangpo?”

TIILAMLWI KAPYIIMEI THA JUKAMATI 2:37

Teito meihangnii ai shii wosii ahnyii lungtei hangkapii dengsii Pitar ninado Tiilamlwi kapyiimei ka- kimei dakii tamle, “He kangsanamei, nyiinii kadapei tiitangpo?”

TIILAMLWI KAPYIIMEI THA JUKAMATI 20:32

“Sateichii aitoinii Inii gonyiigo Saraa dakii ninado mpou mah jumage kapyii mah samtam kikii pyiitoi leile; samtam aipiinii gonyiigo tiikamakhii ninado tiimatei kaleimei ahnyii hang kak kito dou kamajyii tei gonyii dakii pyii wobuile.

TIILAMLWI KAPYIIMEI THA JUKAMATI 9:6

Nlenii tusat tosii namdi kitei liitlo, sateichii nangnii kada dapei tiitangpo katu Inii godakii tampyii tangle.”

ROMMEI 2:7

Mei kangkanii tha kabi tei tiisii tiisii pumtei kava go sadzyii ngariit katiigo, sateichii gakalak karing go fiisii bamle. Ahnyii dateikii Saraanii kalui kaga karing tei pyii tangle.

ROMMEI 6:23

Kada- pokii kem mah katiimai teinii kataile, nlenii nyii Bangpii Krista Jisu zei kito Saraanii matapii kapyii luha teinii kalui kaga karing tiilung teile.

IPISAMEI 1:18

Mpoumah kava tei ngoukabui tiisii gonyiimah lungswi hangtei laatpyii matusii, mpounii gonyiigo lat kalu tei kadapei maning kamalum jangpiipo katu sateichii mpoumah meigo pyii tanglesii riishii tiikabam kamadat satoi hangtei kadaziikapii dipo katu tikabui jangpii,

TAITAS 3:7

nyiigo keikapyiipii Jisu Krista dato rangii kamatei gotei nyii phyiiryiikii Saraanii moisii rui mpatpyii takle.

HEBRUMEI 1:14

Sating gamlui hang ai kada- peipo, teitiileponii? Ahnyiinii Saraa nga ngasii kalei ninado keikapyii karing doutang karam meigo tiiha matu tang karam jangpii mpounii m-mang kabam rangii teile.

1 PITAR 1:4

Teipiinii Saraanii mpoumah mei jangpii kaidek kabam raguiga kalak maikateeng gotei doutang karam jangpii nyiinii doilamkii ra- jangsii leile; gonyii jangpii gakalak, tiimahongwo kalak, ninado ragui- gawo kalak tei sating gamto mpounii kaidek bamsii leile.

1 JON 2:25

Sateichii mpounii nyii dakii pyii tanglesii riishii tiikabam tei aile, katunii, kalui kaga karing teile.