MARK 1:5 - KARANU KABI SAMTAM

⁵ Sateichii Judiya bang ninado Jerosalem namdi kito kalei mei hangnii gongsii Jon-nii katam shiile sateichii ahnyii mah kem hangtei tam mpatsii Jon nii ahnyiigo Jordan karyii kito dwi mpumpyiile.

MARK 1:5 Iomraidhean Croise

METIU 4:25

Sateichii Galili, Dekapolis, Jerosalem, Judiya ninado Jordan majusii doito meimoi moisang nii mpou-tai swiwotakle.

MARK 1:4

Teitakumpii Jon nii sazyii kamarongki gongsii dwi mpum pyiile sateichii kabi rasam tam ralipyiile; mpounii meihang dakii tamle, “Go kem kito nrek wolo, sateichii dwi mpum wolo sateichii Saraanii go kem hangtei magapyii tangle.”

MARK 1:6

Jon-nii poutungki-kounah mai peimani kaile, mpounii kiiki kikii tiigyii haikak kakle, sateichii mpou- nii kacheng num chiile ninado saram khuidwi sakle.

JONNII KARYII KABI RASAM JUKAMATI 1:28

Aihang ai Jon-nii dwi mpum pyiisii kalei, leimik kapatlam mah Jordan karyii Betani kito pat takle.

JONNII KARYII KABI RASAM JUKAMATI 3:23

Sateichii Jon-niido Salimki Ainon kito dwi mpum pyiisii leile, dapokii teibam kitei dwi hangka leile; sateichii meihangkii gongsii dwi mpum wotakle.

JONNII KARYII KABI RASAM JUKAMATI 5:35

Mpou teinii shong kalei ninado vakalei thaomi teile; sateichii gonyiinii tinglang shangniikii jangpii mpoumah kava kito nta ranga kaikanyii mei teile.

TIILAMLWI KAPYIIMEI THA JUKAMATI 19:18

Malum kalumei ahnyii kak kito meihang kaniido gongsii ahnyii mah tha tiikalei tei latsii tam mpatle.

TIILAMLWI KAPYIIMEI THA JUKAMATI 2:38

Pitarnii ahnyii dakii tamle, “Gonyii mah kem kaleipyii matutang karam jangpii gonyiinii lung kali wolo sateichii Jisu Krista zei kito gonyii hangnii dwi mpum wolo ninado gonyiinii rangii kamatei mah luha tei doutangle.

JEMS 5:16

Teipiinii gonyiigo tii-mbi- pyii matu tang karam jangpii, gonyii hangninanii hangninii dakii kama tei tam mpatsii hangninanii hangninii jangpii riita pyiilo. Kasang kama- jyiimei mah riita kakhang ki ai hangkapiinii katei teimaham tei leile.