LUKNII KARYII KABI RASAM JUKAMATI 9:12 - KARANU KABI SAMTAM

¹² Sateichii leimik liit hou sek-kii, mpou boumei keariisiinakhii teinii mpouda gongsii tamle, “Mei moi ainii baang aikito kalei namdi sateichii ningkam ki maasii, ki rhiitang karam sateichii mah kachii kasak douwo kabui jangpii ahnyiigo langtoi pyiilo, dapokii aikito nyiinii kamakum bam kito bamle.”

LUKNII KARYII KABI RASAM JUKAMATI 9:12 Iomraidhean Croise

METIU 14:13

Jisunii ai shii wosek-kii teibam kiteito malyii hangninii tong wosii kamakum bam hangniniiki sisii mpouroinapii tat tutakle; nlenii mei- moinii teitei shii wosek-kii ahnyiinii namdi namdi kito pipii mpoutai swi-wotakle.

METIU 15:23

Nlenii Jisunii mpoupei dakii khekalatpyii makle, sateichii mpou boumeinii patsii “Mpoupei go langtoi ailo! Mpoupeinii nyiitaito saasii saasii bamle sii mpou dato khangsii tam takle!”

METIU 15:32

Teito Jisunii mpou dakii lat magongsii tamle, “Inii meimoi aigo lungsyii takle, dapodinchii ahnyiinii n-gu kaswisii leimik hangtum bam takle sateichii ahnyii mah chiitang karam samah kado gatakle, sateichii ahnyii pwidilamto set tutang maniisii Inii ahnyiigo moimazyiisii langtoi roule.”

LUKNII KARYII KABI RASAM JUKAMATI 9:11

Sateichii mei- moi teinii teitei tiwo sek-kii, mpoutai swiwo takle; sateichii mpounii ahnyiigo ntasii lukai wosanii Saraa mah Sating Sazyii mah kaang kito tampyii takle; sateichii katii kanhii tii ka-mbi kamareimei ahnyii gotei tii mbipyii takle.

LUKNII KARYII KABI RASAM JUKAMATI 9:13

Sateichii ahnyii dakii mpounii tamle, “Gonyiinii ahnyiigo kachii kasak pyiilo.” Teito ahnyiinii tamle, “Nyiinii maasii aimei hang jangpii kachii kasak tei lyii suchiinii, nyii danii tiirok pang mangii sateichii kaa pakna doito kisii gale.”

JONNII KARYII KABI RASAM JUKAMATI 6:1

Aitai Jisunii Galili mah dwijai, Tiberiya dwijai, lugang khii takle.

PILIPIMEI 1:19

Nle, Inii nta tangle, kadapokii gonyiimah kariita ninado Jisu Kristamah rangiimah tiikaha paikito ai ai n-gu laat mpat kapyii tei ndat tangle katu tei Inii tile.