LUKNII KARYII KABI RASAM JUKAMATI 9:11 - KARANU KABI SAMTAM

¹¹ Sateichii mei- moi teinii teitei tiwo sek-kii, mpoutai swiwo takle; sateichii mpounii ahnyiigo ntasii lukai wosanii Saraa mah Sating Sazyii mah kaang kito tampyii takle; sateichii katii kanhii tii ka-mbi kamareimei ahnyii gotei tii mbipyii takle.

LUKNII KARYII KABI RASAM JUKAMATI 9:11 Iomraidhean Croise

METIU 12:15

Sateichii Jisunii ai tiwosii tei kiteito tat tutakle, sateichii mei hangkanii mpou-tai swiwo takle, sateichii mpounii ahnyii hang go ra katchii tii mbipyiile.

METIU 14:14

Sateichii Jisunii malyii lungto tatpatsii meimoi gotei ngou wosek-kii mpou lungtei ahnyiigo lungkasyiipiinii tokryii takle satei- chii mpounii ahnyii mah ra katchii tei tii-mbipyii takle.

METIU 21:31

Hangna kak ki aito tapiinii mpou pfiimah kamaning kamazhii tei tiipo?” Ahnyiinii tamle, “Katingpii teiniile.” Jisunii ahnyii dakii tamle, “Inii gonyii dakii kasangpii tam leile, Aha kahamei ninado sahapwimei teinii gonyii doi reisii Saraa mah sating sazyiiki tat leile.

METIU 21:43

“Teijangpii Inii gonyii dakii tam leile, Saraa mah sating sazyii tei gonyii dato poitoi aitangle, sateichii teimah riiti tiigatpii mati tang karam Lui hangninii dakii pyii tangle.”

LUKNII KARYII KABI RASAM JUKAMATI 1:53

Mpounii mazyii kaleimeigo kabi hang teipii tii tokryii pyiitakle, sateichii kanimeigo mpounii bah marongpii mpatpyiile.

LUKNII KARYII KABI RASAM JUKAMATI 5:31

Teito Jisunii ahnyiigo kheka- latle, “Ara kagamei teinii peimhii meigo fiilei makle, nlenii ara kanimei teinii fiile.

LUKNII KARYII KABI RASAM JUKAMATI 8:1

Tinglang shangniikii sou kaleitai Jisunii Namdi ninado nam kacheng hangki maasii, Saraa mah Sating Sazyii mah kabi rasam tei tam ralipyiitu takle; Mpou boumei keariisiinakhii tei mpoutai switakle.

LUKNII KARYII KABI RASAM JUKAMATI 8:10

Teito mpounii khekalatle, “Saraa mah Sating Sazyii mah kamakum sam hangtei tiwo kabui mah tei gonyii dakii pyii bam takle; nlenii kakimei dakiinii ahnyiinii ngousii ngousii ngoukasu, sateichii shiisii shiisii tikasu ndasam tiisii tamziile.

LUKNII KARYII KABI RASAM JUKAMATI 9:10

Teito tiilamlwi kapyiimei teinii nlaigongsii ahnyiinii tii kalei matum madum tei Jisu dakii tam takle. Mpounii ahnyiigo pangsii, Bethsaida sii kalat namdi hangniniiki ahnyii roinapii tat tutakle.

LUKNII KARYII KABI RASAM JUKAMATI 9:12

Sateichii leimik liit hou sek-kii, mpou boumei keariisiinakhii teinii mpouda gongsii tamle, “Mei moi ainii baang aikito kalei namdi sateichii ningkam ki maasii, ki rhiitang karam sateichii mah kachii kasak douwo kabui jangpii ahnyiigo langtoi pyiilo, dapokii aikito nyiinii kamakum bam kito bamle.”

LUKNII KARYII KABI RASAM JUKAMATI 9:2

Sateichii mpounii Saraa mah sating sazyii tam tat matu tang karam jangpii ahnyiigo lang mpatle.

JONNII KARYII KABI RASAM JUKAMATI 4:34

Jisunii ahnyii dakii tamle, “N-gu lang kamagong mpoumah kamaning kamazhii katii ninado mpoumah tha tiikamashang ai gumah chiitakle.

JONNII KARYII KABI RASAM JUKAMATI 6:37

Gu pfiinii gudakii kapyii hangtei guda gongtangle, sateichii guda kagongmei hang gotei Inii baasang baatoi lakle.

TIILAMLWI KAPYIIMEI THA JUKAMATI 28:31

Mpougo meikaniido kanam tiisupii mpounii lungdisii Saraa mah sating sazyii mah tam ralipyiisii sateichii Bangpii Jisu Krista mah kaang kito ralipyiisii bamle.

ROMMEI 10:14

Nlenii meinahnii malum kasu mpou gotei kada takumpii ahnyiinii latto tangpo? Sateichii ahnyiinii shiisang shiilei kasu mpou gotei kada takumpii ahnyiinii malum wotangpo? Sateichii kabi rasam tei tam kapyiimei gasii kada takumpii ahnyiinii shiiwo tangpo?

ROMMEI 10:17

Teipiinii kamalum tei shiiwo kalu kito gongle, sateichii shiiwo kalu tei Krista mah tam rali kapyii kito gongle.

ROMMEI 15:3

Kadapochiinii Kristaniido mpounii mpou roinago dzyiibi tiimakle, nlenii ryii kabam aitakumpiinii, “N-go dzyiikanui meimah dzyiikanui hangtei guphyiiryii takliit takle.”

2 TIMOTHI 4:2

Samtei tam ralipyiilo, tinglang kido, tinglang kasu kido tiisii leihumlo, lungleh kati sateichii ralikapyii hangteipii njasii swiki liit matulo n-gipyiilo, ninado lung tiimadi pyiilo,

HEBRUMEI 4:16

Teitii leponii nyiinii tiikaha mareisii kalei kak, lungsyii kati doutang karam ninado jumage kapyii tei nyiinii ngoutang karam jangpii, lung kalum tei kaswisii jumage kapyii mah sagongbam kitei nyiinii tat manang liitde.