LUKNII KARYII KABI RASAM JUKAMATI 8:41 - KARANU KABI SAMTAM

⁴¹ Sateichii Jairus katupii sapfii mpou tei gongle. Mpou ai Jehudimei mah ndwi kito kadimei hangniniile. Mpounii Jisu pibang koumang kok kumsii Jisugo mpouki gong seilosii khangle.

LUKNII KARYII KABI RASAM JUKAMATI 8:41 Iomraidhean Croise

LUKNII KARYII KABI RASAM JUKAMATI 13:14

Nlenii Jehudimei mah ndwiki teito kadipii teinii Jisunii ntak piinei leimik ra kani tii mbi kapyii jang- teipii samou supiinii meimoi dakii tamle, “Meinahnii tha tiitang karam leimik saruk leile, teijangpiinii teitinglang hang kikii rakani meigo ra tii mbitang karam jangpii gonglo, ntak piinei leimik kitei gong sulo.”

LUKNII KARYII KABI RASAM JUKAMATI 17:16

Mpounii Jisu pibangto koumangsii Jisugo hakalang tamle, sateichii mpounii Samariyameile.

LUKNII KARYII KABI RASAM JUKAMATI 5:8

Sateichii Simon Pitar nii aihang ai ngouwo sek-kii, Jisu doito kok kumsii tamle, “He Bangpii, gudato tat tuseilo, dapochiinii Inii kakui kama meile.”

LUKNII KARYII KABI RASAM JUKAMATI 8:42

Dapochiinii mpou nah sapwimei hangniniisang hangninii roinii kalei tingkum keariisiinakhii kashang pei tei tailesii bamtakle. Jisunii pwidi tatsii kalei kak, meimoi teinii mpougo bangbing takle.

LUKNII KARYII KABI RASAM JUKAMATI 8:49

Jisunii ai tam leibangpii, Jehu- dimei mah Ndwi kito Kadipii kito sampao kapungmei gongsii tamle, “Gonah sapwi mpei tei taitakle” sii mpounii Jairus go tamle, “Madhii- kapyiipiigo tii kamage loisulo.”

JONNII KARYII KABI RASAM JUKAMATI 11:21

Marthanii Jisu dakii tamle, “Bangpii, nang aiki leileponii, gu hiipii tei tailak takle.

TIILAMLWI KAPYIIMEI THA JUKAMATI 13:15

Sateichii Sa- raamah ajaitingshang larek ninado Lungkakaling meimah larek tei fiisang kaleitai Jehudimei ndwi kito apum tiikalei meiteinii ahnyii dakii lang magongsii tamle, “Kangsana- mei, meihang jangpii lung tiikamadi sam gonyiinii tam tang karam leileponii tamseilo.”

TIILAMLWI KAPYIIMEI THA JUKAMATI 18:17

Teito ahnyii hangpii Jehudimei ndwi kito apum katiipii Sostenes go jum wosii samtak katiipii doiteito dat tutakle. Nlenii Gallionii tha aikaang ki aito samah kado lungnhii pyiimakle.

TIILAMLWI KAPYIIMEI THA JUKAMATI 18:8

Sateichii Jehudimei mah ndwinito apum katiipii Krispasnii mpouki kalung- mei hang go kaswisii Bangpiigo malum wotakle, sateichii Koren kito kaleimei hangkanii shiiwosii malumdo malum takle dwido mpum wotakle.

TIILAMLWI KAPYIIMEI THA JUKAMATI 9:38

Teito Litda nam tei Jopa nam kuto manangsii kabam taiswisii Boumei teinii Pitar tei teiki leile katu tei shiiwosii, “Lungsyiisii nyiida gongliit pyiitang karam risei sulo” sii mpou dakii tam matutang karam jangpii sapfiimei hangna mpou dakii lang matutakle.

MATIMANGOU KAPYII 5:8

Sateichii Ahnii larek tei poikatu tinglang kak, karing kounah madai sateichii katingmei makaisii madai nkhii teinii jaonah doitei kou- mang takle. Ahnyii mpou mpoumah kitat tung poisii sateichii kamateimei mah kariita tiisii tiiroutou piinii katokryii sanah mah koklat tei leile.