LUKNII KARYII KABI RASAM JUKAMATI 8:25 - KARANU KABI SAMTAM

²⁵ Sateichii mpounii mpou boumei dakii tamle, “Gonyii mah kamalum tei kadaki leipo?” Nlenii ahnyii tei khiikapat ninado kahingpii, hangninanii hangninii dakii tamle, “Tingkai ninado tingrot go katangpii mwija pyii sek-kii, swikalei mpou ai tapo?”

LUKNII KARYII KABI RASAM JUKAMATI 8:25 Iomraidhean Croise

METIU 14:31

Teisek-kii Jisunii bah hampat mpougo jum wosii mpou dakii tamle, “O, kamalum tang kasumei, dajangpii nang maning kariirhii leipo?”

METIU 17:20

Mpounii ahnyii dakii tamle, “Gonyii mah kamalum kacheng jangpiiniile, kadapokii Inii gonyii dakii kasangpii tam leile, gonyiinii njang-gaiti lwirou langkii kamalum tei leipodinchii, gonyiinii zangtung aigo tam tangle, ‘aikito luki tat tulo,’ sateichii teiteinii tat tutangle; sateichii gonyiinii tiipei kalak mah kado gatangle.

METIU 6:30

Nlenii tingnei ringsii kalei supouneinii tukok kikii toikaisii rutoi kalei luki hiinhii gotei Saraanii aidzyii kapiinii bisii peimani pyii leponii, oh kamalum kagamei, Mpounii gonyiigo kisii peimani pyiilakpo?

METIU 8:10

Jisunii teitei shii wosek-kii mpounii sung gasii, Mpou tai swikalei mei hangdakii tamle, “Inii gonyii dakii kasangpii tam leile, Isrelmei kak kitodo ai takumpiinii kamalum mei hangninii kado Inii ngoumakle.

METIU 8:26

Teito mpounii ahnyii dakii tamle, “He kamalum kagamei, gonyii dajangpii hing leipo?” Teito Mpounii gungtu tingkai ninado dwijai gotei ntak tulo sii kakhat takle; teito manoi majung takle.

MARK 4:35

Teipiinei leimik tei tingkhii liitsek-kii, mpounii mpouboumei da- kii tamle, “N-je nyiinii dwijai lugang kaapat tule.”

LUKNII KARYII KABI RASAM JUKAMATI 12:28

Sateichii tingnei ringsii kalei, supounei mibam kikii toikai aitang karam Aningki hiipa gotei Saraanii aiziikii hungsii tiipyii lepo- chiinii; he kamalum tang kasumei, mpounii gonyiigo kisii peimani kaipyii lakpo?

LUKNII KARYII KABI RASAM JUKAMATI 8:24

Teito ahnyiinii mpouda gong mpougo makengsii tamle, “Pumpii, Pumpii, nyiinii tailezii takle!” Teito mpounii gungtusii tingkai ninado tingrot gotei mwija pyiisii nam sek- kii, tingkai ninado tingrot hangtei matou takle sateichii manoisii majung takle.

LUKNII KARYII KABI RASAM JUKAMATI 8:26

Jisu ninado mpou boumei teinii Galili dwijai lugamto kalei Gerasani sazyii kitei Malyii hoipatle.

JONNII KARYII KABI RASAM JUKAMATI 11:40

Jisunii mpoupei dakii tamle, “Nangnii malum leponii, Saraa mah pumtei kava ngoutangle sii Inii godakii tamtak makpo?”