LUKNII KARYII KABI RASAM JUKAMATI 8:13 - KARANU KABI SAMTAM

¹³ Kuitu phyiiryii tak kaliit teinii, ahnyiinii kabi rasam tei shiitakle, sateichii ntasii lukaiwo takle. Nlenii maa kaga jangpiinii tinglang shangniikii malumkai takpokii, ajai kaju tinglang gong sek-kii, ahnyii tei koutakle.

LUKNII KARYII KABI RASAM JUKAMATI 8:13 Iomraidhean Croise

MARK 6:20

Dapokii Herot- nii Jon ai mei kabi meile sateichii kamatei meile katu tisii, mpougo hingle ninado keipyiile sateichii mpou-sam shii wosii mpou lung ai lungnyii lunghao kido mpou-sam ai ntasii shiile.

LUKNII KARYII KABI RASAM JUKAMATI 8:12

Pwidi kuki tak kaliit lwirou teinii, shii kalumei teile, nlenii sara kashyiinii gongsii kabi rasam tei ahnyii lung kito poitoi wole; ahnyiinii malum wosii keika- pyii tei doumatuwo kalak jangpii.

LUKNII KARYII KABI RASAM JUKAMATI 8:14

Sateichii tiirat kak tak kaliit lwirou teinii, ahnyiinii shiiwo takpokii, Sazyii pouryii mah swi kito pusii naangsii sateikii kani kahii, sateikii kasamou aihang aipii moijusii ahnyiigo ghiitmai aitakle, sateichii ahnyii mah riiti teinii mwisang mwi leimakle.

JONNII KARYII KABI RASAM JUKAMATI 15:2

Gudato kalei ti mati kasu kha hang gotei mpounii tat toileile, sateichii ti kamati kha hang gotei kisii ti mati matutang karam jangpii mpounii tiimateile.

JONNII KARYII KABI RASAM JUKAMATI 15:6

Mei kata hang- ninanii gudato taksupii lei suleponii, ahgo kha takumpii toido toile taido taiga tule; sateichii ahnyiinii teigo tei poi nkom wosii mi sumkii toikaisii rutoi leile.

JONNII KARYII KABI RASAM JUKAMATI 5:35

Mpou teinii shong kalei ninado vakalei thaomi teile; sateichii gonyiinii tinglang shangniikii jangpii mpoumah kava kito nta ranga kaikanyii mei teile.

1 KORENMEI 13:2

Sateichii lungkakaling mah teimaham hangtei leikado satei- chii Inii Saraa sam tam ka-mpat mah luha tei dou kado, kamakum sam hang sateichii swirek kati hangtei tiwo kado sateichii zang hang go bam tii-nlai kabui mah kamalum hangtei Inii lei kado, lungkasyii tei galeponii Inii samah kado makle.

1 KORENMEI 15:2

Teiteinii gonyii dakii Inii tam ralikapyii kabi rasam mah samtam teile. Inii gonyiigo tam ralikapyii kabi rasam teipiinii gonyiigo keipyii takle, tei kito gonyiinii tiigatpii satsii lei suleponii, gonyiinii matapii malum tutakle.

GALATIMEI 3:1

Oh kapang Galatimei gonyii doi- sekto Jisu Kristago krosh gamkii dhangsii gikalei tei mateitengsii mangoupyii takle; Gonyiigo tanii riikuhii pyiibam takpo?

GALATIMEI 3:4

Mahkado kasu jangpiinii gonyii hangkapii kamage kalak pungbam takpo, ai ai mahkado kasu jangpiisang leponii?

IPISAMEI 3:17

sateichii kamalum paikito Kristanii gonyiigo lung kito liitbam pyii matu tang karam jangpii; mpou pumtei kavamah kani taiswisii mpounii gonyii dakii pyii matutang karam jangpii; gonyiinii lungkasyii kikii maakhiisii sang- tingsii leisanii,

KOLOSIMEI 1:23

Nlenii gonyiinii kabi rasam shiikalu ting- lang kak doukalu gonyiimah maning kamalum kiteito nlai matusupii kasangting soikalak bangmaa kiteito malum kabui tei tiijousii leitang karamle. Pol, Inii nga ngakalei ai aimah kabi rasam katunii, sazyii pouryiito kaleihang go tam ralipyii kabam kitole.

KOLOSIMEI 2:7

Gonyiimah maa tei mpoudato tuksii bamlo, mpou gamkii gonyiimah tiilung tei tiimakhiilo sateichii gonyiimah kamalum kito teibui builo sateichii hakalang katam teipiinii tokryiilo.

1 THESOLONIKAMEI 3:5

Aijangpii Iniido nlailoisii lehpei kalak tinglang kito, gonyiigo kahem teinii hemwo tang karam sateichii nyiimah teisii tha katii tei kadak aitang karam gotei hingsii, Inii gonyiimah kamalum tei titang karam jangpii mpougo lang magong leile.

1 TIMOTHI 1:19

Sateichii gumah kamalum ninado kamatei lungswi titang karam lungswi tei leilo. Mei kangkanii ahnyiimah kabi kashyii titang karam lungswi gotei shii supii ahnyii mah kamalum tei tiimaga aitakle.

HEBRUMEI 10:39

Nyiinii tailampang nlai katu ninado maga kaleimei hangtei makle, nlenii nyiinii malumsii keipyii kalumei teile.

JEMS 2:26

Rangii hai kasu pumrong teinii katai takumpii, tha haikasu kamalum teido tei takumpiinii kataile.

2 PITAR 2:20

Kadapokii ahnyiinii nyii Bangpii ninado nyiigo keikapyiipii Jisu Kristago tikalu kito sazyii pouryiimah kashyii kahong tha hang kito nlek kalu taito, ahnyiigo kashyii kahong tha kiteikii nlailoisii jum wosii apum tii woleponii, ahnyii jangpiinii nukarei kimah sung kana kitei kisii shyiibui takle.

2 PITAR 2:22

Kasang samrou kito katam taiswisii ahnyii dato pat takle, katunii, “Achyiinii mpoumah marui tei chiiloile,” sateichii “dwi shyii matei kalei bak pwi teinii nlailiit makhang kito ningloi leile.”

1 JON 2:19

Ahnyiinii nyii dato tatpat takle, nlenii ahnyiinii nyiimah makle, dapokii ahnyii ai nyiimah leponii, ahnyiinii nyiigo kaswisii lungjousii leitangle, nlenii ahnyii hang ai nyiimah makle katu mangou tang karam jangpii tatpat takle.

JUD DATO KAGONG CHITI JUKAMATI 1:12

Aihang ainii gonyiimah lungkasyii takbai hang kito gonyiigo kaswisii chii njoi sak njoi kalei kamakum kuitu kadile, kahing gasii ahnyii roinapii ahnyiigo makot kalei meile, tingkainii gwi- pungsii katat dwi haikasu mongram takumle, ti mati kasu ruibang, tainakii taikalei, maa pai mpat kalei, sateidou mah ruibang takumle.