LUKNII KARYII KABI RASAM JUKAMATI 7:44 - KARANU KABI SAMTAM

⁴⁴ Sateichii mpounii sapwi mpei lam tei nryiigongsii Simon dakii tamle, “Nangnii sapwi mpei aigo ngou- makpo? Inii goki gongle, nangnii gopi jangpii dwi seimakle; nlenii sapwi mpei ainii mikdwipii gopi tiima- twumsii mpoupei taampii tiimathang pyiile.

LUKNII KARYII KABI RASAM JUKAMATI 7:44 Iomraidhean Croise

LUKNII KARYII KABI RASAM JUKAMATI 7:38

Jisu pibang teito satsii, hatsii mpoupei mah mikdwi teipii Jisu pi tiimatum tutakle, sateichii mpoupeinii mpoupi tei matwumsii manam kabi thao teipii manuk kaipyii takle.

LUKNII KARYII KABI RASAM JUKAMATI 7:43

Teito Simon nii khekalatle, “Inii kamaningnii mpounii kisii maga kapyiipii teiniile.” Teito Jisunii mpou dakii tamle, “Nangnii kasang tei khepyii takle.”

JONNII KARYII KABI RASAM JUKAMATI 13:5

Satei- chii mpounii koklat hangninii kikii dwi ruikai wosii, boumei mah pi katha mateitu takle sateichii mpoumah kiiki kikii haikang kabam peichetna teipiinii ahnyiigo piit matei pyiitu takle.

1 TIMOTHI 5:10

Sateichii mpoupeinii tha kabi hang jangpii zei katat katunii, mpoupeimah nahmeigo tiigatpii makot kamakhii, juti kasu saba- meigo pyiichii kaleimeigo tiikaha, sateichii mahlyii hang kito mpoupei roiniipii kabi tiitang karam jangpii lungswi pyiisii leileponii, mpoupeigo kamipwimei mah safii kitei haimatulo.

JEMS 2:6

Nlenii gonyiinii mah ka- gamei gotei sadzyii ngariit tiimakle, mah kanimei teinii gonyiigo satui sadzyii tiisii, ahnyiinii gonyiigo Sratki chyiimaa makpo?