LUKNII KARYII KABI RASAM JUKAMATI 6:42 - KARANU KABI SAMTAM

⁴² Go mik ki kahong kara kabam tei ngousupiinii, kada takumpiinii gosanapiigo, gusanapii, go mik kito kalei kara tei poitoi pyii lesii tamwo tangpo? He Kabijai katii- mei, Nangnii karei reisangki gomik kito kalei kahong kara tei poitoilo, teitii lepochiinii nangnii gosanapii mik kito kalei kara tei poitoi pyiitang karam jangpii mateisii ngou tangle.

LUKNII KARYII KABI RASAM JUKAMATI 6:42 Iomraidhean Croise

METIU 26:75

“Ruigangnii kong kasunakii nangnii n-gu hangtum kashang tiisii mazhiilakle, sii Jisunii tam kabam samtei Pitarnii maning gong takle.” Teito mpounii saba tatpatsii lung hungsii hatle.

METIU 7:3

Gomik ki tinglong kadi kalei tei tisupiinii, gosanapii mik ki kara kalei tei dajangpii juleipo?

METIU 7:4

Gomik ki tinglong kadi leibangpiinii, gosa- namei dakii ‘gomik ki kara kalei tei Inii poitoi seile, sii kada takumpii nangnii tam wotangpo?

LUKNII KARYII KABI RASAM JUKAMATI 13:15

Nlenii Abangpiinii mpougo khekalatle, “Kabijai katiimei, gonyii hangnii ntak piinei leimik ki mpou mpou mah twom mak-kii mpou mpou mah takoi tei kakui nito hek mpat tosii, chyiipat dwi pyiisak leimakpo?

LUKNII KARYII KABI RASAM JUKAMATI 22:32

Nlenii gomah kamalum tei gakasu jangpiinii Inii gojangpii riitale, sateichii nangnii golung kaliwo takle sekchii, gosanameigo tiisangting pyiilo.”

LUKNII KARYII KABI RASAM JUKAMATI 6:41

Sateichii gomik ki kahong kara kabam tei tisupiinii, gosanapii mik ki kara kabam tei kadatiisii nangnii juleipo?

LUKNII KARYII KABI RASAM JUKAMATI 6:43

“Kadapochiinii riitibang kabi teinii riiti kashyii mati leimakle, sateichii riitibang kashyii teinii riiti kabi mati leimakle.

TIILAMLWI KAPYIIMEI THA JUKAMATI 13:10

“Nang sara kashyii mah nah sapfii mpou! Nangnii kabi hang gotei ngouroule. Nang kashyii chem katham kathampii tokryiile sateichii nangnii Bangpii mah kasang ka- majyii pwidi hang gotei tii-nkhuisii kalei tei ntak lakpo?

TIILAMLWI KAPYIIMEI THA JUKAMATI 2:38

Pitarnii ahnyii dakii tamle, “Gonyii mah kem kaleipyii matutang karam jangpii gonyiinii lung kali wolo sateichii Jisu Krista zei kito gonyii hangnii dwi mpum wolo ninado gonyiinii rangii kamatei mah luha tei doutangle.

TIILAMLWI KAPYIIMEI THA JUKAMATI 8:21

Atha aiki aito go njai mak-kii golangh samah kado gale, kadapokii golung matei makle.

ROMMEI 2:1

Teijangpii he samtak katii meihang n-go magapyii tang karam gale; kadaponii nangnii meigo samtak tiisanii ahnyiinii katii tei nangniido tiikalei kito nangnii goroinapii tiima aitakle,

2 KORENMEI 5:18

Saraanii aihang ai nyii jangpii tiipyii takle, sateichii Kristanii nyii jangpii ai ai tiikapyii jangpiinii ngou karou saryiimei tiisii kalei kito Saraanii nyiigo nlailoisii mpou kangmei katii kikii tiikalipyii takle. Aitoinii mei kakimei hang godo mpou kangmei tiimatu tang karam jangpii tiitang karam tha tei nyiigo pyiitakle.

2 TIMOTHI 2:21

Teijangpii mei kata kangkanii mpou roinapiinii mpougo kamala kito aihang tiimatei aitakle- ponii, mpounii maihungsii kajum tiimatei kalei ki apumpiinii jumtang karam jangpii kabi, sateichii tha kabi hang jangpiinii tiida kabam koklat hangninii tiitangle.

2 PITAR 1:9

Kadapokii aihang ai kagamei hang teinii, mpoumah karei kem hang kito tiimatei kapyii tei mangai aisii, mananghotsii kalei roi- nii kangou mik kachetmei takumle.