LUKNII KARYII KABI RASAM JUKAMATI 22:43 - KARANU KABI SAMTAM

⁴³ Sateichii mpougo teimaham kaikapyii sating gamto Sating gamlui hangninii mpougo mangoule.

LUKNII KARYII KABI RASAM JUKAMATI 22:43 Iomraidhean Croise

METIU 26:53

Inii gu pfii dato khang leponii, mpounii n-gu tiihasek tangle katu gonyii timakpo? Mpounii sating gamlui mah saryiimei thang thang sung kisii moisii m-mangpyiisii n-gu keipyii tangle.

METIU 4:11

Teito seitan teinii mpougo toi aitakle, sateichii julo, sating gamlui- hangnii humsii mpougo tiihale.

METIU 4:6

mpoudakii tamle, “Nang Saraa nah sapfii mpou lepochiinii, goroinapii saimanglo; kadapokii aitiisii ryiibamle, ‘Saraanii mpoumah sating gamluigo gojangpii lang m-mang pyiisii,’ kuitu gamkii gopi deng matulak tang karam jangpii ahnyiinii n-go ahnyii bahpiinii jum matupyii tangle.”

LUKNII KARYII KABI RASAM JUKAMATI 22:32

Nlenii gomah kamalum tei gakasu jangpiinii Inii gojangpii riitale, sateichii nangnii golung kaliwo takle sekchii, gosanameigo tiisangting pyiilo.”

TIILAMLWI KAPYIIMEI THA JUKAMATI 14:22

Bamlyii hang ki teito boumei lung tiisangting pyiisii kamalum kiteito taksupiinii bam matutang karam jangpii katwisii kamage kalak hangkago kaswisii nyiinii Saraa mah sating sazyiiki liit tang karamlesii tam ralipyiile.

TIILAMLWI KAPYIIMEI THA JUKAMATI 18:23

Sateichii mpounii tinglang shangniikii teiki tei bamsanii tatpat takle, sateichii Galati ninado Phrugiya sazyiiki adoidoi tat gongsii boumei hang go lung tiisangting pyiile.

1 TIMOTHI 3:16

Nyiimah dormomah kamakum kathok sam ai kada- ziikapii dipo katu ai meikaniido mazhii kasu tei tiiwo lakle: Mpounii meinah mah pumzai pungsii gong pyiile, kasangle katu tei rangiinii mangoule sateichii sating gamlui hangnii ngoule, mpou go luihang dakii tam ralipyii takle, sateichii sazyii pouryii bamlyii hang kito malum wotakle, sateichii pumtei kava kito sating gam pangkhiitu takle.

HEBRUMEI 1:14

Sating gamlui hang ai kada- peipo, teitiileponii? Ahnyiinii Saraa nga ngasii kalei ninado keikapyii karing doutang karam meigo tiiha matu tang karam jangpii mpounii m-mang kabam rangii teile.

HEBRUMEI 1:6

Sateichii Saraanii lungkarei mpounah sapfii mpougo sazyii pouryiikii lang m-mang katu kak, mpounii tamle, “Saraamah sating gamlui hangnii mpougo mata tang karamle.”

HEBRUMEI 2:17

Teijangpii mpounii meimah kem tiimagapyii tang karam jangpii Saraa tha katii kito lungsyii kati ninado malum kabui kanat kajum tingdipii tiitang karam jangpii, mpounii mpou kangsanameigo mahlyii hang kito njoi tang karam takle.