LUKNII KARYII KABI RASAM JUKAMATI 18:43 - KARANU KABI SAMTAM

⁴³ Sateichii binasek-kii mpounii mik ngouwo takle, sateichii Saraa mah pumtei kava tei tamsii Jisutai swiwo takle; sateichii meihangnii ai ngou wosii Saraago tam matoile.

LUKNII KARYII KABI RASAM JUKAMATI 18:43 Iomraidhean Croise

METIU 11:5

Mik kachet meinii ngou takle, pi katwimeinii tatlei takle, mpara tchii- sii kaleimei hangnii matei wotakle, khoi kapangmeinii shii wotakle, kataigo tiimaring wotakle, sateichii mah kagamei dakii kabi rasam ai tam ralipyii takle.

METIU 21:14

Sateichii mik kachet ninado pi katwimei teinii Saraa kamaning ki lung teito mpouda gongle, sateichii mpounii ahnyiigo tii mbipyii takle.

METIU 9:8

Meimoi teinii mpougo ngou wosii hing takle, sateichii meinah dakii tei kakum teimaham pyiisii kalei Saraago ahnyiinii tam matoile.

LUKNII KARYII KABI RASAM JUKAMATI 13:17

Sateichii samhang ai tamsanii, mpougo mazhii kasumei hang go tii-nroupyii takle; sateikii mpounii tiikapyii kamadat tha kadi hang jangpii meihangnii nta takle.

LUKNII KARYII KABI RASAM JUKAMATI 19:37

Aitoinii mpounii Jerosalem ki pi manang sek-kii, kalei kaga hangnii mei tiikalak tha kadi hangtei ngou kalu jangpiinii nta tutakle, sateichii rok sagoisii Saraago tam matoisii tamle,

LUKNII KARYII KABI RASAM JUKAMATI 4:39

teito Mpounii mpoupei kutei satto takle, sateichii mpounii kariirhii gotei kakhatsii namtakle; teito mpoupeinii kariirhii tei bitakle, sateichii mpoupeinii gungtusii ahnyiigo anga ngatu takle.

LUKNII KARYII KABI RASAM JUKAMATI 5:26

Sateichiiahnyii teinii hangkapii sung gasii, Saraago tam matoile, sateichii kahingpii tokryiisii ahnyii- nii tamle, “Tingnei nyiinii kamadat tha tei ngoutakle.”

LUKNII KARYII KABI RASAM JUKAMATI 9:43

Sateichii ahnyiihang teinii Saraa mah teimaham kadi gotei ngou wosii khiipat takle. Sateichii mpounii tiikalei hang aigo meihangnii sung gasii leibangpii, mpounii mpou boumei dakii tamle,

TIILAMLWI KAPYIIMEI THA JUKAMATI 11:18

Teito ahnyiinii sam hang ai shiiwo sek-kii, malhii supiinii Saraa- go tam matoisii tamle, “Teitiileponii lui kakimei dado ringkabui jangpiinii lung kali matu katu Saraanii mazhiipyii takle.”

TIILAMLWI KAPYIIMEI THA JUKAMATI 26:18

ahnyiinii kamyii kito kava ki sateichii sara kashyii mah teimaham kito Saraa Bangpiida nlaigongsii kem kalei kapyii sateichii n-gu kamalum paikito Saraanii kalai kalumei kak kito bam doumatu tang karam jangpii, Inii n-go ahnyii mik rak matutang karam jangpii ahnyii dakii langkai leile.’

TIILAMLWI KAPYIIMEI THA JUKAMATI 4:21

Sateichii meimoi jangteipii ahnyiinii mpoupiinago kada takumpii tiikamage tangpo katu samah kado tei gasii, mpoupiinago kisii kakahwi sam tamsanii mpat aitakle, kadapokii meihangnii pat kalei teijang teipii Saraago tam matoile.

GALATIMEI 1:24

Sateichii ahnyiinii gu jangpii Saraago tam matoile.

1 PITAR 2:9

Nlenii gonyiigo kamyii kito mpounii sung kaga kava kikii lat mpat kapyii mpoumah kamadat tha hangtei saa mpat matutang karam jangpii, kalai kalumei lui, sagong- mah atingmei, kamatei lui Saraamah mei tei gonyiile.