LUKNII KARYII KABI RASAM JUKAMATI 18:13 - KARANU KABI SAMTAM

¹³ “Nlenii ha kahapii teinii dhiisii satainii, sating gamkii mpou mik katangpii jumatu makle, nlenii mpounii takou byiisii tamle, ‘Oh Saraa, kem kama katiipii n-gu lungsyii pyiilo!’

LUKNII KARYII KABI RASAM JUKAMATI 18:13 Iomraidhean Croise

METIU 10:3

Filip ninado Bartholomio; Thomas ninado aha kahapii Metiu; Alfaiyas nah sapfii mpou Jems ninado Tadios;

METIU 6:5

“Sateichii gonyiinii kariita tinglang kak kabijai katiimei takum sulo, kadapokii ahnyiinii meinii ngoumatu tang karam jangpii, Saraa kamaning kito sateichii pwidi kadi akaahang kito ahnyiinii kariita tei mareile. Inii gonyii dakii kasangpii tam leile, ahnyiinii ahnyii mah lhang tei doutakle.

METIU 9:13

‘Inii lungset kati go mareile, sateichii kakarat go marei makle’ katu ai kadapei gopo katu gonyiinii maa-rali wolo, kadapokii Inii kasang kamajyiimeigo lat tang karam jangpii gongmakle, nlenii kem katiimei jangpiile.”

MARK 11:25

Sateichii gonyiinii riita tang karam jangpii tu kasat tinglang kak, mei kata hangninii gamkii gonyii lung samou kasu tei leile dinchiinii, gonyiinii magapyiilo, sating gamto kalei gonyii pfiiniido gonyii mah kakui kama hangtei ma- gapyii tang karam jangpii.”

LUKNII KARYII KABI RASAM JUKAMATI 17:12

Sateichii mpounii nam hangniniiki tat kaliit kak, mpara tiisii kaleimei kearii akak dhiisii kasat tei mpounii kadou takle.

LUKNII KARYII KABI RASAM JUKAMATI 22:41

Sateichii mpounii ahnyii dato kuitu kakating baikat takii akak dhiisii tatpat tosii, kok kumsii riitale.

LUKNII KARYII KABI RASAM JUKAMATI 23:48

Teito ai jutang karam jangpii gong ndwi kalumei hang teinii pat kalei tei ngouwo sek-kii, takou byiisii byiisii ahnyiinii nlaitu takle.

LUKNII KARYII KABI RASAM JUKAMATI 5:8

Sateichii Simon Pitar nii aihang ai ngouwo sek-kii, Jisu doito kok kumsii tamle, “He Bangpii, gudato tat tuseilo, dapochiinii Inii kakui kama meile.”

TIILAMLWI KAPYIIMEI THA JUKAMATI 2:37

Teito meihangnii ai shii wosii ahnyii lungtei hangkapii dengsii Pitar ninado Tiilamlwi kapyiimei ka- kimei dakii tamle, “He kangsanamei, nyiinii kadapei tiitangpo?”

ROMMEI 5:8

Nlenii nyiinii kem tiisii tiisii leibangpii Kristanii nyii jangpii taikapyii teipii Saraanii nyiijangpii mpoumah lungkasyii tei mangou pyiitakle.

2 KORENMEI 7:11

Gonyiimah lungswi kamage katu tei gonyii jangpii Saraanii kamarei teile, sateichii julo, gonyii mah lungswi kamage katu teipii gonyii jangpii kadapei tiipyii takpo! Teiteipiinii gonyiigo tha tii- matu kanyii sateichii gonyii ai tiima makle katu tei maning kariirhii katu gasii tiimangou takle, pat kalei phyiiryii teikii gonyiinii rarhiile sateichii nlailoisii patloi tang karam gotei gonyiinii hingle. Teipii gonyiinii n-gu kamangwi, gonyiinii n-gu dangpyii kanyii, sateichii tiikama mei gotei dwisii rat kanyii tei teiteipii mpatpyii takle. Aihang mah tha ki aito pat kalei hangtei gonyiinii makle katu tei gonyiinii mangoupyii takle.

1 TIMOTHI 1:15

Jisu Kristanii kakui kama meigo keipyii tang karam jangpii sazyii pouryii gongpyiile katu ai malum wobuile sateichii nyiinii lukai tang karam jangpii tam kalei sam ai kasangle sateichii kem kama mei hang kak kiteito kem tiikaki tei I-le,

HEBRUMEI 4:16

Teitii leponii nyiinii tiikaha mareisii kalei kak, lungsyii kati doutang karam ninado jumage kapyii tei nyiinii ngoutang karam jangpii, lung kalum tei kaswisii jumage kapyii mah sagongbam kitei nyiinii tat manang liitde.

HEBRUMEI 8:12

Kadapokii Inii ahnyiimah kakui kama kiteito kaleipyii tangle, sateichii ahnyiimah kem hangtei Inii maningpyii loilakle.”