LUKNII KARYII KABI RASAM JUKAMATI 15:22 - KARANU KABI SAMTAM

²² Nlenii pfii teinii mpouki kaleimei dateikii tamle, ‘Peijou kathaang kabi bisang tei kalangsii poipat mpougo njoukai pyiilo; sateichii mpou bah jungna kikii bah rangkat kaipyiilo, sateichii mpoupi kikii pichot kaipyiilo;

LUKNII KARYII KABI RASAM JUKAMATI 15:22 Iomraidhean Croise

LUKNII KARYII KABI RASAM JUKAMATI 15:21

Teito nah sapfii mpou teinii mpou dakii tamle, ‘Pfii-o, Inii Saraa doito sateichii godoitodo ma takle; Inii gonah sapfii mpou lesii lat kajyii sutakle.’

LUKNII KARYII KABI RASAM JUKAMATI 15:23

Sateichii twomnah luikabi tei baagongsii gi ailo, sateichii nje, nyiihangnii chii- sanii nta nlangle.

ROMMEI 13:14

nlenii gonyiinii pei bakalei takumpii Jisu Kristago bawolo, sateichii apum azaimah kamaning kamarei tiitang karam jangpii tiikada sulo.

ROMMEI 3:22

Saraanii meinahgo tiimajyii pyiile ahnyiinii kamalum Jisu Krista paikito, Krista go kamalum mei hang go Saraanii ai tiipyiile, kadaponii samah kado tam kaki gale;

ROMMEI 8:15

Kadaponii gonyii dakii Saraanii pyii kabam rangii teinii gonyiigo kabangnah tiimatu makle sateichii hingmatu makle, nlenii rangii teinii gonyiigo Saraa mah nahmei tiimatupyii takle, sateichii rangii mah teimaham teipii nyiinii Saraa dakii saa mpatle “Abba, Katunii Pfii-o.”

GALATIMEI 3:27

Kadaponii Krista dato dwi mpum kalumei ahnyiihangnii pei kaba kumpii Kristago bawotakle.

IPISAMEI 6:15

Sateichii kamajung kabi rasam tam matitang karam jangpii tiikakada teipii gonyii- mah pichot tiisii,

MATIMANGOU KAPYII 19:8

Sateichii manoi kabi, vakabi ninado kamateeng peimani tei kaimatu tang karam jangpii mpoupei dakii pyiitakle,” kadapokii manoi kabi pei teinii kamateimei mah kasang kamajyii tha teile.

MATIMANGOU KAPYII 2:17

“Rangiinii Charsh hang dakii tam kalei tei khoi pung kalei mei- hangnii shiimatulo. Ngam kalu ah dakii Inii kamakum manna tai pyiit- angle sateichii kuitu kaha hangninii ninado kuitu phyiiryiikii ryiikabam kasatai zei hangninii tei Inii ahdakii pyiitangle, teitei doukalu ah teisu- piinii mei kaniido zei tei timakle.’

MATIMANGOU KAPYII 3:18

Teijangpii gonyiinii mah nikabui tiisii mipiinii rumatei kalei sona sateichii gomah peimani kaikasu mah ka-nrou tei ngoumatu kasu tiisii sateichii gomik ngoumatu tang karam jangpii, gomik kikii thei tang karam thao tei, gudato lyii wolosii Inii gonyiigo tam leile.

MATIMANGOU KAPYII 6:11

Teito ahnyii mei nsang nsang go paijou pi rot katang kaha pyiitakle. Sateichii ahnyiigo takumpii gitang karam, ahnyiigo kaswisii kikaleimei tiisii kaleimei hangdo ahnyiimah kangsanameido gikat kasuta, ahnyiinii aitoi tinglang shangniikii jangpii ntak matulosii ahnyii dakii tampyii takle.

MATIMANGOU KAPYII 7:9

Aitaito Inii ngoutakle, sateichii julo, mei kaniido meiphyii fiipei kalak, lui hang kito sadung, mei, ninado lat hang kito paijou kathang kaha nat kai kalei sateichii bah hang kiteikii kananhii poi kalei meimoi moisang sagongbam ninado Jaonah dateito satsii,