LUKNII KARYII KABI RASAM JUKAMATI 14:21 - KARANU KABI SAMTAM

²¹ “Teito Kikaleipii teinii nlai- gongsii, mpou pumpii dateikii sam ai tampyii takle. Teito apumpii teinii rakarhii teipii njasii ki kaleipii dakii tamle, ‘namdi mah pwidi pwidi hangki maasiinii mah kagamei, kasuimei, mik kachetmei sateichii pi bah katwimei hang go tei aiki kalangsii pang gonglo.’

LUKNII KARYII KABI RASAM JUKAMATI 14:21 Iomraidhean Croise

LUKNII KARYII KABI RASAM JUKAMATI 14:13

Nlenii nangnii takbai kapyii kak, kaga- meigo, kasuimeigo, pi katwimeigo ninado mik kachetmeigo latlo;

JEMS 2:5

Gulungkasyii kangsanamei, shiilo, kamalum kito mah nimatu tang karam jangpii, sateichii Saraago lungkasyiimei hang dakii pyii- tanglesii riishii tiikabam sating gam sazyiimah matou katoumei tiimatu tang karam jangpii, sazyii pouryiito mah kagameigo mpounii kalaipyii makpo?

METIU 11:5

Mik kachet meinii ngou takle, pi katwimeinii tatlei takle, mpara tchii- sii kaleimei hangnii matei wotakle, khoi kapangmeinii shii wotakle, kataigo tiimaring wotakle, sateichii mah kagamei dakii kabi rasam ai tam ralipyii takle.

JONNII KARYII KABI RASAM JUKAMATI 9:39

Jisunii tamle, “Mik ngou kasumei teinii ngou matutang karam jangpii, sateichii mik kangoumei teinii mik chet matutang karam jangpii, Inii samtak tiitang karam jangpii sazyii pouryii gongle.”

LUKNII KARYII KABI RASAM JUKAMATI 14:24

Kadapokii Inii gonyii dakii tam leile, hai kalumei hangninii kaniido gumah takbai ai masei lakle.’”

HEBRUMEI 2:3

Teitii leponii tei kakum kadi keikapyii karing gotei nyiinii alung liit suleponii, kada takumpii nyiinii nlek wotangpo? Bangpii sekpiinii karei reisang kito keikapyii karing ai saa mpat takle, sateichii mpounii katam swikasumei hang teinii maning kariirhii gasii ai ai kasangle katupii nyii dakii ma- ngoutakle,

MATIMANGOU KAPYII 22:17

Rangii teiniido amyiipeipwi teiniido tamle, “Gonglo,” sateichii shii sii kalei ah teinii, “Gonglo” sii tam matulo. Sateichii saryiisii kalei ah teinii gong matulo, kamareimei hangteinii karingmah dwi tei matapii sak matulo.

MATIMANGOU KAPYII 19:15

Lui hang go mpounii ngam tangle, mwi kabi saryiikhang hangninii tei Ahmah mwi kito pat takle. Ahnii ahnyiigo sagyii tingrang- pii ahnyii phyiiryiito apum tiitangle, sateichii Ahnii Saraa kadimah hangkapii hungsii rakarhiimah darkhati jou kakaryii bamtei pipii kusii paryii tangle.

HEBRUMEI 13:17

Gonyiimah doimajang katatmei sam swilo, sateichii ahnyii kang nkanglo, kadapokii gonyiinii tha tiikabam mah azhii mashak kabam tei ahnyiinii Saraa dakii pyiitang karam taiswisii, ahnyiinii ntasupii gonyiimah rakot hang go jupyiisii leile. Ahnyiinii katam tei gonyiinii swileponii, ahnyiinii ahnyii tha tei nta ntasii tiitangle, teisu dinchii ahnyiinii lung magesii tiitangle, sateichii tei teinii gonyii jangpii kabi tei gatangle.

LUKNII KARYII KABI RASAM JUKAMATI 24:47

Sateichii Jerosalem sekto haosii Lui kaki hang dakii mpou zei kito lung kakali ninado kem kama maga kapyii tei tamroi tang karamle;

METIU 11:28

“Kamagemei ninado pot ka- maswi pungsii kalei mei hang guda gonglo, Inii gonyiigo ka-ntak pyiitangle.

LUKNII KARYII KABI RASAM JUKAMATI 9:10

Teito tiilamlwi kapyiimei teinii nlaigongsii ahnyiinii tii kalei matum madum tei Jisu dakii tam takle. Mpounii ahnyiigo pangsii, Bethsaida sii kalat namdi hangniniiki ahnyii roinapii tat tutakle.

METIU 18:31

Mpougo njoisii kikalei mei hang teinii pat kalei tei ngou wosii hangkapii lung kamagesii, pat kalei hangtei ahnyii mah Bangpii dakii gong tam takle.

METIU 15:12

Teito boumei teinii tatpatsii mpou dakii tamle, “Farasismeinii go samtei shii wosii ahnyii lung deng takle katu nang timakpo?”

LUKNII KARYII KABI RASAM JUKAMATI 14:20

Mei kaki hangninanii tamle, ‘Inii sapwimei hangninii manou takle; teipiinii Inii gongwo lak takle.’

LUKNII KARYII KABI RASAM JUKAMATI 14:22

Kikaleipii teinii tamle, ‘Bangpii, gomah kakhatsam taiswisii tiitakle, nlenii teitii kido, aitoido-rei bam bamle.’

METIU 20:7

Ahnyiinii mpou dakii tamle, ‘mei kaniido nyiigo ngat makle,’ bitakle, teitiileponii, ‘gonyiido darkha toipyiilu kitei maasii tha tii- tulo’ sii mpounii ahnyii dakii tamle.