LUKNII KARYII KABI RASAM JUKAMATI 12:15 - KARANU KABI SAMTAM

¹⁵ Teito Mpounii ahnyii dakii tamle, “Sakai wolo, kadapochiinii meinah mah karing tiilung tei mpoumah mahbam kamoi kitei bam makle.”

LUKNII KARYII KABI RASAM JUKAMATI 12:15 Iomraidhean Croise

MARK 7:22

mei-nou meinah-go kachyii, lukanyii, kashyii tha hang, meigo satui sadzyii katii, matei kasu, meigo ngoukarou, mikjot kashyii, tam kamashyii, detkatii, swi kaga,

LUKNII KARYII KABI RASAM JUKAMATI 12:16

Teito Jisunii ahnyii dakii ndasam hangninii tamle, “Mah kanimei hangninii mah sazyii kito samhii rachet hangkii dou wole.

LUKNII KARYII KABI RASAM JUKAMATI 16:14

Sanahgo kamarei, Kabijai katiimei teinii tam kalei hangtei shii wosanii, ahnyiinii Jisugo hoksii nuile.

LUKNII KARYII KABI RASAM JUKAMATI 21:34

“Nlenii tak chii kamaju, jou sak kapiinhii sateichii sazyii pouryii meimah swi teipiinii gonyii lung tii kamage matu kasu tiisii sateichii teipiinei leimik tei mphee takum- piinii gonyii phyiiryiikii tisupiinii gong matu kasu tiisii, gonyii roinapii gonyii sakai wolo.

LUKNII KARYII KABI RASAM JUKAMATI 8:14

Sateichii tiirat kak tak kaliit lwirou teinii, ahnyiinii shiiwo takpokii, Sazyii pouryii mah swi kito pusii naangsii sateikii kani kahii, sateikii kasamou aihang aipii moijusii ahnyiigo ghiitmai aitakle, sateichii ahnyii mah riiti teinii mwisang mwi leimakle.

1 KORENMEI 6:10

mak-kii karaga, mak-kii lukanyii, mak-kii kapanhii, mak-kii meisam tam kamashyii, mak-kii karagamei, ahnyii teinii Saraamah sating sazyii doulakle.

KOLOSIMEI 3:5

Teijangpii gonyii lungto sazyii pouryiimah kamaning kamarei tha tiisii kalei, katunii, sapwimei sapfiimei kashyii kahong tha katii, matei kasu, matei kasu marai majang katii, kashyii go kamarai sateichii lukanyii (ai tingtugo kamaning mahjai hangniniile) gotei tiitat ailo.

2 TIMOTHI 3:2

kadapokii meinahnii mpouroipii mpougo lungkasyii, sanahgo kamarei, palhii kadi, det kadi, meigo kalet kalou katii, pwi pfiinii katam swikasu, tiikapyii mai tikasu, mateikasu.

HEBRUMEI 13:5

Gonyiimah tiilung tei sanah marei matusulo, gonyiinii gonyiimah kabam teipii lung kashaat tei dou- matulo; kadapokii Saraanii tamle, “Inii n-go mpatsang mpat lakle sateichii Inii n-go toisang toipyii lakle.”

2 PITAR 2:14

Ahnyiinii meinou meinahgo ma- shung maha kanyiimah mikjot teipii tokryiile, sateichii mik tei kem kito shaatsang shaat makle. Ahnyiinii kasui rangiigo mphee kikii chyiikaile, ahnyii lung tei lukanyii teinii apum tiiwo takle; ahnyii teinii Saraanii sheeng kalei nahmei teile.

2 PITAR 2:3

Ahnyiimah lukanyii kito kasang kasu ralikapyii meinii kasang kasu kanat kanhii hang tei gonyii dakii tamsii gonyii phyiiryiito liipat tei fiitangle. Ndoukato ahnyiimah sam- tam tiitang karam tei tiikadabam takle sateichii ahnyiigo tiimaga tang karampii Saraa teinii zyiisii bam makle!