LUKNII KARYII KABI RASAM JUKAMATI 11:4 - KARANU KABI SAMTAM

⁴ sateichii nyii kem kama hangtei maga seilo, nyiidakii kama katiimeigo nyiinii maga kapyii takumpii, sateichii nyiigo kahem kitei maliitsei sulo.”

LUKNII KARYII KABI RASAM JUKAMATI 11:4 Iomraidhean Croise

METIU 18:35

“Gonyiinii gonyii sanapiigo gonyii lung kito kaleipyii suleponii, sating gamto kalei gu pfiiniido gonyii dakii tei tiitangle.”

METIU 26:41

Gonyiinii kahemki liit kasu tiisii mik raklo sateichii riitalo; rangiinii mazhiinyiile, nlenii pumzainii suile.”

LUKNII KARYII KABI RASAM JUKAMATI 11:5

Sateichii mpounii ahnyii dakii tamle, “Gonyii kak kito tanii mpou kangmei hangniniida tinghum sum- kii maasiinii, ‘Kangpo-o, n-gu tiirok pangtum siipoklo,

LUKNII KARYII KABI RASAM JUKAMATI 13:4

Sateichii Silom sazyii kito kalei alaangki teinii koumangsii gi kalei mei keariisiisiisat nkhii tei Jerosalem kito kalei meihang doito kisii kashyii jangpiinii lesii gonyiinii maning leipo?

LUKNII KARYII KABI RASAM JUKAMATI 22:46

ahnyii dakii tamle, “Gonyii kadajangpii zyii leipo? Kahemki liit kasu tiisii gonyii gungtu riitalo.”

LUKNII KARYII KABI RASAM JUKAMATI 8:13

Kuitu phyiiryii tak kaliit teinii, ahnyiinii kabi rasam tei shiitakle, sateichii ntasii lukaiwo takle. Nlenii maa kaga jangpiinii tinglang shangniikii malumkai takpokii, ajai kaju tinglang gong sek-kii, ahnyii tei koutakle.

JONNII KARYII KABI RASAM JUKAMATI 17:15

Ahnyiigo sazyii pouryiito poitoi losii Inii godato riita makle, nlenii kashyii kiteito ahnyiigo koipyiilosii Inii godato riitale.

1 KORENMEI 10:13

meinahnii lehwo kabui doito kisii kahemnii jum makle, nlenii Saraanii malum kabwi teile, gonyiinii ngam wokabui doito kisii gonyiigo mpounii hem matulakle; nlenii gonyiinii lehwo kabui jangpii kahem gotei kaswisii nlek tang karam pwidido mpounii pyiitangle.

KOLOSIMEI 3:13

Hangninanii hangniniigo lung leh kati tiisii, mei kata hangninanii mei kata hangninii phyiiryiikii samou kasu leileponii, hangninanii hangni- niigo magapyiilo; Abangpiinii gonyiigo magakapyii takumpii gonyiiniido magapyii tang karamle.

2 THESOLONIKAMEI 3:3

Nlenii malum kabui tei Bang- piile, mpounii gonyiigo tiisangting pyii tangle, sateichii kashyii kahong kiteito koipyii tangle.

2 TIMOTHI 4:18

Sateichii Bang- piinii kashyii kahong hang kiteito n-gu keipyiisanii mpoumah sating gam sagong sazyii jangpii n-gu keipyii tangle. Mpou dakii kalui gasii tam kamatoi tei matulo. Amen.

JEMS 2:13

kadapokii lungsyii kapyii mangou kasu ah dakii samtak katii teinii lungsyii kapyii tei haimakle; nlenii lungsyii kapyii teinii samtak goteinii ngamle.

MATIMANGOU KAPYII 2:10

Gonyiinii doutang karam kamage kalak gotei hingsulo. Julo, gonyiigo jai jutang karam jangpii seitannii gonyii kangkagonii kabang kikii toikai tangle, sateichii gonyiinii leimik kearii kamage kalak tei doutangle. Gonyiinii katai katang tei malum kabuimei tiilo, sateichii Inii gonyii dakii karingmah phyiihung tei pyiitangle.

MATIMANGOU KAPYII 3:10

Gumah lung leh kati samtei nangnii swikalu jang- piinii, sazyii pouryiito lungkalei hang go jaiju tang karam jangpii sazyii pouryii bamlyii hangki gongtang karam jai kaju tinglang kiteito Iniido n-go jupyii tangle.