LUKNII KARYII KABI RASAM JUKAMATI 10:2 - KARANU KABI SAMTAM

² Sateichii mpounii ahnyii dakii tamle, “Lu rachet tang karam hangkii leile. Nlenii lu rachetpyii tang karam meinii moi- makle; teijangpiinii lu rachet tang karam Abangpiinii lu tha katiimeigo mpou lu nikii langkaipyii matu tang karam jangpiinii gonyiinii mpou dato khanglo.

LUKNII KARYII KABI RASAM JUKAMATI 10:2 Iomraidhean Croise

METIU 20:1

“Kadapokii sating gam sazyii tei mei hangninanii mpou mah darkha toipyiilu kito tha tiimatu tang karam jangpii tingchoi nukii tat patsii tha katiimeigo ngat katu takumle.

MARK 13:34

Teiteinii mei hangninanii mpouki toisii sazyii kaki hangninii ki mbui katu, mpouki kaleimei hang go mpou mpoumah tha tiitang karam nsang nsangtei pyii kalei; sateichii ki takam kakoipii godo tiikadalo sii kakhat kapyiipii takumle.

MARK 16:15

Mpounii ahnyii dakii tamle, “Tat tulo, sazyii pouryii bam- lyii hangki sateichii meilui kalung hangda kabi rasamtei tam ralipyiilo.

MARK 16:20

Teito ahnyiinii mangsii bamhang kikii kabi rasamtei tampyii takle; Bangpiinii ahnyiigo kaswisii tha tii njoipyii takle, ninado kaswi kalei tiikamangou siiti hang teipiinii samtei tiisangting pyii takle. Amen.

LUKNII KARYII KABI RASAM JUKAMATI 9:1

Jisunii mpou boumei keariisii- nakhii go lat ndwisii, sara kashyiigo baakatoi sateichii katii kanhiimeigo tii mbi katu mah teimaham sateichii pumtei tei ahnyii dakii pyiitakle.

TIILAMLWI KAPYIIMEI THA JUKAMATI 11:19

Aitoinii Stifan go gikalei jangpiinii pak marou maruk kaleimei teinii Phonisiya ninado Kaipras, ninado Antiyok sazyii ki katang liitsii, Jehudimei dakii roinii samtei tam tutakle.

TIILAMLWI KAPYIIMEI THA JUKAMATI 13:2

Sateichii ahnyiinii Bangpii dato matasii malot- ryii leibangpii, rangii kamateinii tamle, “Barnabas nei Solgo Inii tha tiimatu tang karam jangpii latto takle; teijangpiinii mpoupiinago gujangpii aitoi mpat pyiilo.”

TIILAMLWI KAPYIIMEI THA JUKAMATI 13:4

Aitiisii mpoupiinago rangii ka- mateinii lang mpatsii, mpoupiinanii Selusiya ki tat hum takle; sateichii tei kito Kaipras ki katang tei malyii gam tongsii gongtakle.

TIILAMLWI KAPYIIMEI THA JUKAMATI 20:28

Mpounah mah zai sekpiinii lyii kalu Saraamah Charsh go kamakot, gonyii roinapii ninado Jaokoi hang kiteito machyii wolo; rangii kamateinii gonyiigo jaokoi teimah kakoimei tiipyii takle.

TIILAMLWI KAPYIIMEI THA JUKAMATI 22:21

Sateichii mpounii gudakii tamle, ‘tatpat tolo, kadaponii Inii n-go aikito dhiisii lui kakimei hang dakii lang mpat tangle.’ ”

TIILAMLWI KAPYIIMEI THA JUKAMATI 8:4

Sateichii tat marou maruktu kaleimei hang teinii kabi rasam tei tamsii tamsii bamlyiihang ki tat tutakle.

1 KORENMEI 12:28

Sateichii Saraanii charsh kak kito mei kang- kiigo, karei reisang kito, tiilamlwi kapyiimei, hangna kashang kito lungkakalingmei, hangtum kashang kito madhiikapyiimei tei kalaipyii takle; sateichii teidoi tei kamadat tha katiimei, ara kanimeigo tii ka-mbimei, tiikahamei, doimajang kapyiimei, lat kataam kataam katam mei pyiibam takle.

1 KORENMEI 15:10

Nlenii tingnei Inii tiisii kalei ai, Saraamah jumage kapyii kito Inii tiisii leile sateichii mpoumah jumage kapyii, gudakii pyii kabam tei kadak makle. Nlenii tiilamlwi kapyiimei kaki kata hangninii sungdo Inii kisii teibuisii tha tiitakle, teitii kido Inii makle, nlenii n-gu kaswi kalei Saraa- mah jumage kapyii teiniile.

2 KORENMEI 6:1

Nyiinii Saraago kaswisii tha tiisii leile, teijangpii Saraa mah jumage kapyii tei matapii kadaktoi sulosii nyiinii gonyiigo khang leile.

PILIPIMEI 2:21

Kadaponii ahnyii hangnii mpou mpoumah tiikanyii pungkanyii tei fiile, Jisu Kristamah teinii fiimakle.

PILIPIMEI 2:25

Nlenii Inii nyii kangsanapiigo kaswisii tha tii njoisii kalei ninado kaswisii saryii tiisii kalei, sateichii gonyii dakii sampao kapungmei tiisii kalei ninado tiikaha kamarei gumah tha katii kito nga ngakapyii, Ipapro- ditas go gonyii dakii lang magongsu shyii taklesii maningle;

PILIPIMEI 2:30

kadapokii mpounii mpoumah karing tei katai nei karing kak kito tha tiile ninado Kristamah tha tiitang karam jangpiinii taido taina takle, gonyiinii n-gu pyiipei kalak tiikaha tei pyiitang karam jangpii.

KOLOSIMEI 1:29

Ai tiitang karam jangpii gulung kito tha tiisii kalei ninado Kristanii pyiisii kalei teimaham kadi tei jumsii Inii mahungsii tha tiileile.

KOLOSIMEI 4:12

Gonyiimei tiisii kalei, Krista Jisu kikalei Ipapronii gonyiigo salam pyii leile; Gonyiinii Saraamah kama- ning kamarei tiitang karam jangpii katam kaswi kito mishang kaleimei ninado tiigatpii malum kalu kris- tenmei tiisii, gonyiinii sangtingsii sat matutang karam jangpii Saraa dato khangsii mpounii gonyii jangpii tinglang kaleita riitasii bamle.

1 THESOLONIKAMEI 2:9

Kadaponii kangsanamei, nyiinii katii kapung sateichii kamage kalak kaleh tei gonyiinii maning leile, nyiinii gonyiigo kamaswi tei pung matulak tang karam jangpii, tinghum tingna tha tiisii, nyiinii Saraamah kabi rasam tei gonyii dakii tam ralipyii takle.

1 THESOLONIKAMEI 5:12

Nlenii kangsanamei, gonyii kak kito tha tiisii kalei, Bangpii zei kito gonyii phyiiryiito kalei sateichii gonyiigo kristenmei mah tiilung kito tampyii ralipyiisii kalei ahnyii gotei tiigatpii titang karam jangpii,

2 THESOLONIKAMEI 3:1

Kalui kito kangsanamei, Bang- piimah samtam tei gonyiinii doukalu takumpii, kalangsii tam ralipyii kabui sateichii ngam kabwi tiisii, nyii jangpiinii riitaseilo,

1 TIMOTHI 4:10

Kadapokii aijangpii nyiinii kamagesii tha tiile sateichii ngam kabui tiisii mahung leile; kadaponii meihang jangpii routiisanii kamalum meimah keikapyii Bangpii tiisii kalei karing Saraa dakii nyiimah maning kamalum tei satto takle.

2 TIMOTHI 4:5

Nlenii nangnii mahlyiihang kito lung nlaisupii sangtingsii satlo, kamage kalak tei lehlo, kabi rasam tam rali kapyiimei tha tei tiilo, sateichii neikii neikii tiikamajyii gotha hangtei nangnii Saraa nga kangamei hangninii tiisii tiilo.

PHILIMON 1:1

Krista jangpiinii kabang kilungto kalei Pol ninado nyii kangsanapii Timothi dato– Nyii kangpii ninado nyiigo njoisii tha tiikalei Philemon.

HEBRUMEI 3:6

Nlenii Saraamah ki kalung teito nah sapfii mpou tei tiisii Kristanii malum kabui tei tiile. Nyiinii maning malumsii kalei kiteito nyiinii lung kadi ninado nyiimah lung kalum tei jumsii lei leponii, nyiinii mpoumah ki teile.

MATIMANGOU KAPYII 2:1

“Ipisa kito kalei charsh mah rangii dakii ryiilo: bah ajiilamkii sageiti sana poikalei, sona mah thaomi kadungpii sana kak kito tatpat tatliitsii kalei Ah teinii sam hang ai tam leile!