LUKNII KARYII KABI RASAM JUKAMATI 1:35 - KARANU KABI SAMTAM

³⁵ Teito Sating gamlui teinii mpoupei dakii tamle, “Rangii kama- tei teinii go phyiiryii humpyii tangle, Sateichii sagoi kaki mah teimaham teipii n-go akhii lakpyii tangle; teijang teipii lungtang karam nah tei Saraa nah, kamatei sii lat tangle.

LUKNII KARYII KABI RASAM JUKAMATI 1:35 Iomraidhean Croise

METIU 1:18

Jisu Kristago aitiisii manaale, Mpoupwi Meri ai Joseph kikii n-nhii- tak aitakle, nlenii ahnei hangna kapang kasunakii, mpoupwi ai rangii kamatei nah mpung leitakle katu tei tigong takle.

METIU 1:20

Nlenii mpounii aitiisii maning leibangpii, Julo, sating gamlui hangninanii mpou mah mang kito gongsii tamle, “He Devit nah sapfii mpou Joseph, gonou Merigo pang hing sulo, kadapokii mpoupei lungto mpung kalei tei rangii kamatei datole.

METIU 14:33

Sateichii malyiilungto kaleimei teinii “Kasangpiinii, nang Saraa nah sapfii mpou teile,” sii ahnyiinii mpougo mata takle.

METIU 27:54

Sateichii saryiimei mei hai phyiiryii kasatpii nei mpougo kaswisii Jisugo koikalei mei teinii malyii kachyii ninado pat kalei hangtei ngou wosek-kii, hangkapii hingsii tamle, “Kasangpii mpou ai Saraa nah sapfii mpoule!”

METIU 4:3

Teito Seitan teinii mpouda gongsii “Nang Saraa nah Sapfii mpou lepochiinii, kuitu hang ai tiirok ndat tolosii kakhatlo,” sii tamtakle.

MARK 1:1

Ai ai Saraa nah sapfii mpou Jisu Krista mah kabi rasam abangle.

MARK 1:24

“Nang nyiigo dapei tiinyiipo, Nazaret ki Jisu? Nang nyiigo tiima- shyiilesii aiki gong leipo? Nang tapo katu I tile, Nang Saraa mah kamatei sam katam meile.”

LUKNII KARYII KABI RASAM JUKAMATI 1:27

Devitki mpung kito Joseph sii kalat sapfii mpou hang- ninii kikii n-nhiitak kaleipei kamatei ralhiipei datei mpou gongle, sateichii ralhiipei zei teinii Merile.

LUKNII KARYII KABI RASAM JUKAMATI 1:34

Teito Merinii Sating gamlui dakii tamle, “Inii sapfiimeigo kaswi supiinii, dakumpiinii ai ai pat tangpo?”

LUKNII KARYII KABI RASAM JUKAMATI 1:36

Sateichii julo, goki kalungmei pwi Ilizabet teinado tingsii taipei kalei kito nah sapfiimei hangninii mpung takle; sateichii Saraa niiga lesii tam kalei pei teinii mpung kalei tei sakhii saruk takle.

JONNII KARYII KABI RASAM JUKAMATI 1:34

Inii ngoutakle ninado Saraa nah sapfii mpou teilesii Inii sakchyii pyii takle.”

JONNII KARYII KABI RASAM JUKAMATI 1:49

Nathanelnii mpougo khekalatle, “Rabbi,” (katunii Madhiikapyiipii) “Nangnii Saraa nah sapfii mpou teile, Nang Isrelmeinah mah Sagongle.”

JONNII KARYII KABI RASAM JUKAMATI 20:31

nlenii Jisu ai Saraa nah sapfii mpou Kristale katu tei gonyiinii malum matutang karam jangpii sateichii malum wosii gonyiinii mpou zei kito karing tei doumatutang karam jangpii aihang ai ryiikai bamle.

TIILAMLWI KAPYIIMEI THA JUKAMATI 8:36

Sateichii ahnyiinii aitiisii pwidi lamto tatleibangpii dwi kalei nitei gong wotakle; teito Ithopiyamei mi katupii teinii tamle, “Julo, aiki dwi lei takle, n-gu dwi mpumpyii tang karam kito kadapei kadang leipo?”

ROMMEI 1:4

sateichii kamateimah rangii reng lamgpangto mpounii katai kito ringkhii kalu kito teimaham go kaswisii Saraa nahle katu tei mangoupyii takle, teitei nyii Bangpii Jisu Kristale;

GALATIMEI 2:20

Teipiinii ringkalei ai I-makle, nlenii gulungto ringkalei ai Kristale. Inii aitoi ringsii kalei tiilung ai, n-gu lungsyiipyiisii gujangpii mpoumah karing kapyii, Saraa nah sapfii mpougo kamalum kito Inii ring leile.

IPISAMEI 2:3

Ai kak kito nyiihang ai tinglang hangninii kinii apum ninado lungswinii kamareitai tei swisii nyii pumnii kamaning kamarei kito lungsii leile. Teijangpii meinah lui kakimei takumpiinii, nyii ai nunuto Saraanii rakarhii mah nahmeile.

HEBRUMEI 4:15

Kadapokii nyii- mah tang kasu kasui hang go lungsyii pei kalak kanat kajum tingdipii tei nyiinii bam makle, nlenii nyii takumpii mahlyiihang kito nyiigo takumpii hem katu doukalei, nlenii kem kaga, kanat kajum tingdipii tei nyiimah leile.