LUKNII KARYII KABI RASAM JUKAMATI 1:17 - KARANU KABI SAMTAM

¹⁷ Sateichii Apfiimei mah lungtei Anahmei dakii pyii matu tang karam jangpii, sateichii katam swikasu meigo kasang mah swirek kikii maning nlaigong matu tang karam jangpii, Bangpii jangpii tiidasii kalei meigo tiida matu tang karam jangpii, mpounii Bangpii doi reisii Ilaijah mah rangii sateichii teimaham kito tat tangle lungka- kalingpii Ilaijah takumpii.

LUKNII KARYII KABI RASAM JUKAMATI 1:17 Iomraidhean Croise

METIU 11:14

Sateichii gonyiinii lukainyiisii leileponii, gongtang karam Ilaijah tei Mpoule.

METIU 14:4

Kadapodinchii Jon nii mpou dakii, “Nangnii mpoupeigo manou katu ai ajai maklesii tam aitakle!”

METIU 3:3

“Kadapokii sazyii kamarong kito saa kalei rok hangninii teinii, Bangpii mah Pwidi tiikadalo, Mpoumah pwidi tiima- jyiilo” sii Lungkakalingpii Isaiyanii tam kabam mei tei Ah teisekle.

METIU 3:4

Jon-nii poutungki kounah mai peimani kaile, sateichii mpoumah kiiki kikii tiigyii mah haikak kakle; sateichii mpoumah chiitak teinii kacheeng ninado saramkui dwi teile.

LUKNII KARYII KABI RASAM JUKAMATI 1:16

Sateichii mpounii Isrelmeinah hangkiigo Bangpii ahnyii Saraada pang nlai- gong pyiitangle.

LUKNII KARYII KABI RASAM JUKAMATI 1:76

Gunah, N-gonii sagoi kaki Saraa mah Lungkakalingpii sii lat tangle. Kadapokii nangnii mpou pwidi tiida tang karam jangpii Bangpii doi reisii tat tangle.

JONNII KARYII KABI RASAM JUKAMATI 1:13

ahnyii teinii zai mah kito, mak-kii pumzai mah kito mak-kii meinah mah kamaning kamazhii kito manaamakle, nlenii Saraa datole.

JONNII KARYII KABI RASAM JUKAMATI 1:34

Inii ngoutakle ninado Saraa nah sapfii mpou teilesii Inii sakchyii pyii takle.”

JONNII KARYII KABI RASAM JUKAMATI 3:28

Inii krista tei makle, nlenii mpou doi reisii n-gu lang magonglesii Inii katam tei gonyii pumsekpiinii gumah sakchyiile.

TIILAMLWI KAPYIIMEI THA JUKAMATI 10:33

Teijangpiinii Inii tei- tinglang sek-kii, godakii lang mpatle, sateichii nangnii lungsyiisii gong kapyii ai hangkapiinii bitakle, teijangpii Bangpiinii godakii kakhat kabam samhang tei shiitang karam jangpii nyii meihangnii aitoi Saraa doito sat leile.”

ROMMEI 9:23

Mpoumah pumtei kava doumatu tang karam jangpii mpounii ndouto reipii tiidapyii kabam, mpoumah jumage kapyii doutang karam nyiihang pyiiryiikii mpoumah kani pumtei kava rui ka-mpat teido mpounii mangounyii takle.

KOLOSIMEI 1:12

kama- teimei hangnii kava kito doukamajyii mahtou kiteito njai dou njoi matu- tang karam jangpii nyiigo tiimajyii kapyii tiikapyii pfii dakii hakalang tamlo.

2 TIMOTHI 2:21

Teijangpii mei kata kangkanii mpou roinapiinii mpougo kamala kito aihang tiimatei aitakle- ponii, mpounii maihungsii kajum tiimatei kalei ki apumpiinii jumtang karam jangpii kabi, sateichii tha kabi hang jangpiinii tiida kabam koklat hangninii tiitangle.

1 PITAR 2:9

Nlenii gonyiigo kamyii kito mpounii sung kaga kava kikii lat mpat kapyii mpoumah kamadat tha hangtei saa mpat matutang karam jangpii, kalai kalumei lui, sagong- mah atingmei, kamatei lui Saraamah mei tei gonyiile.

1 JON 2:28

Gunahmei, aitoinii mpounii kagong tinglang kak nyiinii lung kalum tei doukabui tiisii, sateichii mpounii kagong piinei leimik mpou dato nrousii mbeilak tang karam jangpii gonyiinii mpou dato taksu- piinii leilo.

MATIMANGOU KAPYII 20:4

Sateichii sagongbam hangtei Inii ngoutakle, sateichii teigamto bam kaleimeihang dateikii samtak katii- mah teimaham tei pyiitakle. Satei- chii Jisumah sakchyii kapung jangpii sateichii Saraamah samkang jang- piinii phyiibaatoi kaleimei hangmah, ninado saramkownahgo mak-kii ahmah tingtu paramgo mata kasu ninado ahnyiimah seiphang gamkii mak-kii bah gamkii siiti tei doukasu ahnyiimah rakot hang gotei Inii ngoutakle; sateichii ahnyiinii ring- khiisanii, Kristago kaswisii tingkum tangkii magong takle.