JONNII KARYII KABI RASAM JUKAMATI 9:16 - KARANU KABI SAMTAM

¹⁶ Farasismei kangkanii tamle, “Mei aipou ai Saraa dato makle, kadapokii mpou ai bam ntak piinei leimik ryiimakle.” Nlenii kakimei kangkanii tamle, “Kem katiimeinii ai kakum tiikamangou siiti ai kada takumpiinii tiiwo tangpo?” Ahnyii kak kiteito njairiit riit pat takle.

JONNII KARYII KABI RASAM JUKAMATI 9:16 Iomraidhean Croise

METIU 12:10

Sateichii julo, bah lamkii kataimei hangninii leile, sateichii ahnyiinii mpougo malesii tam mashyii kabui tiisii, “Bam ntak piinei leimik ra tii mbikatu ajaimakpo?” Sii mpou dato n-nhii- takle.

METIU 12:2

Farasismei teinii teitei ngou wosii mpou dakii tamle, “Julo, go boumeinii bam ntak piinei leimik ajai kasu tha tei tii leile.”

LUKNII KARYII KABI RASAM JUKAMATI 13:14

Nlenii Jehudimei mah ndwiki teito kadipii teinii Jisunii ntak piinei leimik ra kani tii mbi kapyii jang- teipii samou supiinii meimoi dakii tamle, “Meinahnii tha tiitang karam leimik saruk leile, teijangpiinii teitinglang hang kikii rakani meigo ra tii mbitang karam jangpii gonglo, ntak piinei leimik kitei gong sulo.”

JONNII KARYII KABI RASAM JUKAMATI 10:19

Sam aihang jangpiinii Jehudi- mei kak kiteito njairiit riit pat takle.

JONNII KARYII KABI RASAM JUKAMATI 14:11

Inii Pfii dato leile ninado Pfiinii gudato leile sii tam kalei gusam aigo malumlo; teisuleponii Inii katii hang jangpiinii malumlo.

JONNII KARYII KABI RASAM JUKAMATI 15:24

Mei kaniido tiikasu tha tei Inii ahnyii kak kikii tiimangou suleponii, ahnyiimah kem tei leilakle; nlenii aitoinii ahnyiinii n-gudo gu Pfii godo ngoudo ngoutakle sateichii ngoudo ngourou takle.

JONNII KARYII KABI RASAM JUKAMATI 2:11

Mpoumah tiikamangou siitihang mah karei reisang ai, Galili kito kalei Kena kito Jisunii tiimangou takle, teito mpoumah pumtei kava tei mati mangoutakle, ninado mpoumah bou- meinii mpougo malum wotakle.

JONNII KARYII KABI RASAM JUKAMATI 3:2

Mei aipou ainii tinghum Jisuda gongsii mpou dakii tamle, “Rabbi, (katunii Madhiikapyiipii) nangnii Saraa dato kagong ralika- pyiimei hangniniile katu tei nyiinii tile, kadapokii nangnii tiikalei siitihang ai Saraanii mpougo kaswi suleponii, meikaniido tiiwo lakle.”

JONNII KARYII KABI RASAM JUKAMATI 5:10

Teipiinii ara gakalu sapfii mpou dateikii Jehudimeinii tamle, “Ai ai bam ntak piinei leimikle sateichii nangnii gomah azyii poitat katu ai ajaitingshang tiipakle.”

JONNII KARYII KABI RASAM JUKAMATI 5:36

Nlenii Jon mah sung kisii kadi sakchyii tei gumah leile; kadapokii tiimashang matutang karam jangpii gudakii pfiinii pyiikabam tha, Inii tiikalei tha teipiinii, Pfiinii n-gu lang magongle katu gumah kaang kito sakchyii pyiile.

JONNII KARYII KABI RASAM JUKAMATI 6:52

Teito Jehudimei hangtei hang- ninanii hangniniigo ka n-gitu takle, “Mei aipou ainii kada takumpii mpoumah kamyii tei nyiigo chiilosii pyii wotangpo?”

JONNII KARYII KABI RASAM JUKAMATI 7:12

Sateichii mpou kaang kito meihang teinii hangkapii samtiit tutakle. Meikangkanii tamle, “Mpou ai mei kabimei hangniniile,” kakimei teinii, “Makle, mpounii meihang go chyiitatma leitakle” sii tamle.

JONNII KARYII KABI RASAM JUKAMATI 7:23

Moses mah ajaitingshang tei tiipak kasu tiisii nah sapfiimei hangniniigo bam ntak piinei leimik tiigyii malem le- ponii, Inii sapfiimei hangniniigo bam ntak piinei leimik tii mbikapyii jang- pii gonyiinii n-gu dajangpii rarhii leipo?

JONNII KARYII KABI RASAM JUKAMATI 7:43

Teipiinii meihang kak kiteito mpou jangpii njairiit riit aitakle.

JONNII KARYII KABI RASAM JUKAMATI 9:24

Teijangpii ahnyiinii kareiki mik chetsii kalei sapfii mpou gotei hangna kashang tiisii lat magongsii mpou dakii tamle, “Nang kasang tam tangle katupii Saraa doito riishii tiilo! N-go tii mbikapyii sapfii mpou ai kem katiimei hangniniile katu nyiinii tile.”

TIILAMLWI KAPYIIMEI THA JUKAMATI 14:4

Nlenii teiki namdiki meihang teinii tat n-noutakle sateichii mei chengniikanii Jehudimei doi ninado mei kangkanii Tiilamlwi kapyiimei doi sat takle.