JONNII KARYII KABI RASAM JUKAMATI 8:44 - KARANU KABI SAMTAM

⁴⁴ Gonyii ai gonyii pfii seitan dateitole, sateichii gonyii pfii mah kamarei ka-ntha hang tiitang karam tei gonyii mah kamaning kamazhii teile. Ahnii nu saroisekto meigo kagi kabaameile sateichii kasang gotei kaswisii tha tiitang karam samah kado gale; dapochiinii ahda kasang tei gasang gale. Ahnii kachui sam katam kak nunuto kalei ahmah jai taiswisii malhiile, kadapokii ahnii kachuipiile ninado teimah pfii teile.

JONNII KARYII KABI RASAM JUKAMATI 8:44 Iomraidhean Croise

METIU 12:34

Gonyii sanhii taa-nahmei, gonyiinii kashyii teichii kada takumpii kabi tam mpat-to tangpo? Kadapokii lungki kashyiipii tokryiisii kalei tei mwi kito tam mpat leile.

METIU 13:15

Kadapokii ahnyiinii mikpii kangou, khoipii kashii, ahnyii lungpii kati, nrek nlai kagong, sateichii Inii ahnyiigo tii-mbi katu tei mazhiilak tang karam jangpii mei aimei mah lung tei tiimahat aitakle; ahnyii khoi makat wotakle sateichii ahnyii mik tei mikchyii wotakle.’

METIU 13:38

Lubam teinii sazyii pouryiile, Lwirou kabi tei sagong sazyii mah nah sapfiimei hang teile; rhiimah teinii kashyii mah nah sapfiimei hangteile;

JONNII KARYII KABI RASAM JUKAMATI 6:70

Jisunii ahnyii dakii khekalatle, “Inii gonyii keariisiinakhiigo kalai wotak makpo? Sateichii gonyii kak kito hangninanii seitanle!”

JONNII KARYII KABI RASAM JUKAMATI 7:17

Mei kata hangni- nanii mpoumah kamaning kamazhii tei tiinyii leponii, ralikapyii ai Saraa dato manii, mak-kii gumah teima- ham kito tam leipo katu aimah kaang kito ahnii titangle.

JONNII KARYII KABI RASAM JUKAMATI 8:38

Gu Pfiinii n-gu kama- ngou kaang hang kito Inii tam leile, sateichii gonyiiniido Pfii dato shiikalu hangtei tiile.”

JONNII KARYII KABI RASAM JUKAMATI 8:41

Gonyii Pfiinii katii tha tei gonyiiniido tiilo.” Ahnyiinii khekalatle, “Saraa ah sektei roinii nyii Pfiile, sateichii nyiinii ahmah nah sapfiimei hang teile.”

JONNII KARYII KABI RASAM JUKAMATI 8:55

Nlenii gonyiinii ahgo timakle, nlenii Inii ahgo tile, sateichii Inii ahgo timakle leponii, I-do gonyii takumpiinii chui tangle, nlenii Inii ahgo tile, ninado ah mah sam swile.

TIILAMLWI KAPYIIMEI THA JUKAMATI 13:10

“Nang sara kashyii mah nah sapfii mpou! Nangnii kabi hang gotei ngouroule. Nang kashyii chem katham kathampii tokryiile sateichii nangnii Bangpii mah kasang ka- majyii pwidi hang gotei tii-nkhuisii kalei tei ntak lakpo?

TIILAMLWI KAPYIIMEI THA JUKAMATI 24:9

Sateichii tam kalei sam ai kasangle katupii satsii Jehudimei hangnii mpougo kasamjoi wotakle.

TIILAMLWI KAPYIIMEI THA JUKAMATI 5:3

Pitarnii mpou dakii tamle, “Ana- niyas, nangnii rangii kamatei dato choitang karam jangpii, sateichii joikalu teimah amai kiteito njai hangninii poi kabai wotang karam jangpii, seitannii golungto kada- jangpii tokryiisii bam takpo?

2 KORENMEI 11:3

Nlenii Sanhiinii mpoumah kasakai kamarek teipii Eve go satui sadzyii tiikalu takumpiinii, Krista dato pyiikalei gonyiimah kasang lungswi ninado kamatei kito tiimahong katugo Inii hingle.

1 PITAR 5:8

Gonyii pumpot jum majyii jum matwilo, sakai wolo; gonyiimah ngou karou seitan tei nrung kalei nongsa takumpii kangkago poichii tang karam jangpii fiitatsii leile.

2 PITAR 2:4

Kadapokii sating gamlui hangnii kem tiikalei tinglang kak Saraanii ahnyiigo khepyii suleponii, nlenii samtak tiitang karam jangpii kaika- bam ai mei aigo mibam kikii toikaisii kamyiimah ahom kikii pyiitoi aile- ponii,

1 JON 1:8

Nyiinii kem galesii nyiinii tam leponii, nyiinii nyii roinapii chuisii hem wotakle, sateichii kasang tei nyiida gatakle.

1 JON 2:21

Gonyiinii kasang tei tikasu jangpii Inii ryiimakle, nlenii gonyiinii teitei kati jangpii sateichii kachui katu ai hangninii kado kasang kito gong makle katu kati jangpii ryiile.

1 JON 2:4

Inii mpougo tilesii tamsii kalei, nlenii mpoumah kakhatsam hang gotei swikasu ah teinii kachuile, sateichii mpou dato kasang tei gale.

1 JON 3:12

Nyiinii Ken takum lak tang karamle; mpounii sara kashyii tai tei swisii mpou sanapii Abel go gitat aitakle. Kennii mpougo dajangpii gitat aipo? Dajangpiipo dinchii mpounii katii hangtei kamale, nlenii mpou sanapiinii katii hangtei kasangle.

1 JON 3:15

Kang- sanameigo ngoukaroumei hangteinii meigo kagimeile, sateichii meigo kagimei mei kaniido kalui kaga karing tei gale katu gonyiinii tile.

JUD DATO KAGONG CHITI JUKAMATI 1:6

Sa- teichii ahnyiigo pyiikabam teimaham mah bam kiteito bam supiinii, ahnyiimah lungkalei bam toikalei sating gamlui hang gotei mpounii samtak tiitang karam leimik kadi jangpii tuk kaki kamyii kiteikii kalui gasii sagyiirengpii peisii kaibam takle.

MATIMANGOU KAPYII 12:9

Ndou peipaomei mah sanhii, mwigatpwi sii kalat sara kashyii ninado seitan–- kasang kasupii chuisii kahem ah gotei sazyii pouryiikii toi m-mang aitakle, sateichii ahmah sating gamlui hangtei ahgo kaswisii toi m-mang aitakle.

MATIMANGOU KAPYII 13:14

sateichii karei saram- kow dateito tiimangou matutang karam jangpii ah dakii pyiikabam sung kaga hangteipii ahnii sazyii pouryiito lungkalei hang go chuisii hem wotakle, saryiikhangpii rajam wokido, ringkatu saramkow mah tingtu param hangninii ai sazyii pouryiito lungkalei hangnii tiilosii ahnii tam takle.

MATIMANGOU KAPYII 2:10

Gonyiinii doutang karam kamage kalak gotei hingsulo. Julo, gonyiigo jai jutang karam jangpii seitannii gonyii kangkagonii kabang kikii toikai tangle, sateichii gonyiinii leimik kearii kamage kalak tei doutangle. Gonyiinii katai katang tei malum kabuimei tiilo, sateichii Inii gonyii dakii karingmah phyiihung tei pyiitangle.

MATIMANGOU KAPYII 21:8

Nlenii raikaga, kamalum kaga, ngoukasaba ngam katiimei, meigo kagimei, sapwimei sapfiimei kashyii kahong tha katiimei, ashoi kapoimei, tingtu param hang go kamatamei, ninado kachuimei hang jangpiinii, hangna kashang tiisii katai, mi ninado sulphur piinii shong kalei jailung tei tangle.”

MATIMANGOU KAPYII 22:15

Nlenii chyiihang, ashoi kapoi- meihang, sapwimei sapfiimei kashyii kahong tha katiimeihang sateichii meigo kagi meihang, sateichii tingtu paramgo kamatamei hang ninado kashyiigo kamarei, kashyii tha katiimei hangtei sabato leile.

MATIMANGOU KAPYII 9:11

Ahnyii hang phyiiryiito kathok nlai kaga ahom mah sating gamlui teinii sagong takumpii leile; Ah zei teinii “Abaddon” sii Hebru latpii latle sateichii Grik latpiinii “Appolion” sii latle.