JONNII KARYII KABI RASAM JUKAMATI 8:11 - KARANU KABI SAMTAM

¹¹ Mpoupeiniikhekalatle, “Mei kado tam mashyiisu takle, Bangpii.” Teito Jisunii tamle, “Iniido n-go tam ma- shyii makle; tat tulo, aitoisekpiinii kem tiiloi sulo.”

JONNII KARYII KABI RASAM JUKAMATI 8:11 Iomraidhean Croise

LUKNII KARYII KABI RASAM JUKAMATI 13:3

Inii gonyii dakii tam leile, makle, nlenii gonyiinii lung kali sulepo- chiinii, tei takumpiinii gonyii hangdo gatu tangle.

LUKNII KARYII KABI RASAM JUKAMATI 13:5

Inii gonyii dakii tam lei le, makle, nlenii gonyiinii lung kalisu lepochiinii, tei takumpiinii gonyii hangdo gatu tangle.”

LUKNII KARYII KABI RASAM JUKAMATI 15:10

Tei takumpiinii Inii gonyii dakii tam leile, Kem kama katiimei hangninanii lung kali kalu jangpii Saraa mah Sating gamlui hang doito ka-nta teile.”

LUKNII KARYII KABI RASAM JUKAMATI 15:32

Nyiinii nta nlang kajyiile, kadapochiinii ai, go taikarhiipii ainii katai kito ring takle; sateichii maga kalei kito douwo takle.’ ”

LUKNII KARYII KABI RASAM JUKAMATI 15:7

Inii gonyii dakii tam leile, tei takumpii, lung kalisudo kamazhii, kasang kamajyiimei reksokchyiisii sokchyii-nkhii sungnii kem kama katiimei hangninanii lung kali kalu jangpiinii sating gamto nta tangle.

LUKNII KARYII KABI RASAM JUKAMATI 5:32

Inii kasang kama- jyiimei jangpii gong makle, nlenii kem kama katiimei jangpii gongle, ahnyiinii lung kali matu tang karam jangpii.”

LUKNII KARYII KABI RASAM JUKAMATI 9:56

Sateichii Jisu ninado mpou boumei tei nam hangniniiki tat tuloi takle.

JONNII KARYII KABI RASAM JUKAMATI 18:36

Jisunii khekalatle, “Gumah sa- gong sazyiinii aimah makle; gumah sagong sazyii tei sazyii pouryii aimah leponii, n-gu Jehudimei bah kikii pyii matulak tang karam jangpii guki kaleimei hangnii saryii tiitu tangle, nlenii gumah sagong sazyiinii sazyii pouryii aimah makle.”

JONNII KARYII KABI RASAM JUKAMATI 3:17

Daponii Saraanii meinah sapfii mpou gotei Sazyii pouryiigo samtak tiimatu tang karam jangpii sazyii pouryiikii lang m-mang makle, nlenii mpou paikito sazyii pouryiigo keipyii matu tang karam jangpiiniile.

JONNII KARYII KABI RASAM JUKAMATI 5:14

Teitaito Jisunii mpougo Saraa kamaning kilungto dou wosii mpougo tamle, “Julo, Nang gora biwotakle! Kisii kashyii tei go phyiiryii takliit kasu tiisii kem tiiloi sulo.”

JONNII KARYII KABI RASAM JUKAMATI 8:15

Gonyiinii pumzai taiswisii samtak tiile, Inii meigo kado samtak tiimakle.

ROMMEI 2:4

Makkii Saraa mah ajai kabipii n-go lung kali matu tang karam kikii chyiitat pyiile katu tei tisupiinii mpou mah lung kasyiimah koikati, sateichii leh kati hang gotei nangnii maning mala leipo?

1 KORENMEI 5:12

Kadapokii sabato kaleimeigo Inii samtak tiitang karam kadapei leipo? Gonyiinii samtak tiitang karam tei Charsh kilungto kaleimei go makpo?

2 PITAR 3:15

Sateichii nyii Bang- piimah lung leh kati tei keikapyii karing lesii poi wolo. Tei takumpii lungkasyii nyii sanapii Polniido mpou dakii pyii kabam swirek kati taiswisii, gonyii dakii ryiipyii takle. Mpoumah chiti karei hang ki kado aimah kaang kito mpounii tam kalei tei aile.