JONNII KARYII KABI RASAM JUKAMATI 7:14 - KARANU KABI SAMTAM

¹⁴ Takbai tei aphangkii tatpi sek- kii, Jisunii Saraa kamaning kilungtei liit tosii tam ralipyiitu takle.

JONNII KARYII KABI RASAM JUKAMATI 7:14 Iomraidhean Croise

METIU 21:12

Sateichii Jisunii Saraa kamaning ki lungtei liitsii Saraa kamaning kilung teito joisii kalei ninado lyiisii kalei ahnyii hang gotei baatoi aitakle, sateichii sanahswi heksii kalei mei mah dung kabam abam hangteido, mahou joisii kalei mei mah bam teido, kok kadat toi aitakle.

METIU 26:55

Teitinglang ki Jisunii meimoi dakii tamle, “Karagamei hangninii go jumtang karam takumpiinii saryiikhang ninado tingrang hangtei kaswisii n-gu jumtang karam jangpii gonyiinii tatpat leitakpo? Sating kata Inii Saraa kamaning kilungto ralipyiisii bamlei kido gonyiinii n-gu jum makle.

LUKNII KARYII KABI RASAM JUKAMATI 19:47

Sateichii mpounii Saraa kama- ning kito sating kata tam ralipyiile. Sateichii kanat kajum tingdimei, ajaitingshang kati ojamei sateichii phyii kasatmeinii mpougo gitang karam pwidi fiitu takle.

JONNII KARYII KABI RASAM JUKAMATI 18:20

Jisunii mpougo khekalatle, “Inii sazyii pouryiikii madupii tam takle; tinglang kaleita Jihudimei mah ndwibam hang kito ninado Saraa kamaning kitodo Inii tam ralipyii takle, sateichii Inii samah kado makumpii tiimakle.

JONNII KARYII KABI RASAM JUKAMATI 5:14

Teitaito Jisunii mpougo Saraa kamaning kilungto dou wosii mpougo tamle, “Julo, Nang gora biwotakle! Kisii kashyii tei go phyiiryii takliit kasu tiisii kem tiiloi sulo.”

JONNII KARYII KABI RASAM JUKAMATI 7:2

Aitoinii Jehudimei mah ka-nsung mah takbai tei nagong leitakle.

JONNII KARYII KABI RASAM JUKAMATI 7:28

Jisunii Saraa kamaning kilungto tam ralikapyii kak, mpounii rok sagoisii tamle, “Gonyii n-gu ti kasangpo sateichii I kada kito gongpo katu gonyii n-gu ti kasangpo? Nlenii Inii gu maningpii gong makle; n-gu lang kamagong ahteinii kasangle sateichii gonyiinii mpou gotei timakle.

JONNII KARYII KABI RASAM JUKAMATI 7:37

Takbai kalui piinei leimik katunii, leimik kadipiinei, Jisunii gongtu sat takle sateichii rok sagoisii tamle, “Mei kata hangninanii saryiileponii, ahnii guda gongsii sak matulo.

JONNII KARYII KABI RASAM JUKAMATI 8:2

Tingchoi nukii mpounii nlailoisii Saraa kamaning kilungtei gongtakle, ninado meihangnii mpou bamni tei gongtakle, teito mpounii ntombamsii ahnyiigo tam ralipyiitu takle.

JONNII KARYII KABI RASAM JUKAMATI 8:20

Mpounii Saraa kamaning kilungto tam ralipyii kalei kak, sam- kang hang ai pyiikatoi sanahbung kaibam kalei ki shang kito tamle, nlenii mei kaniido mpougo jum makle, dapodinchii mpoumah tinglang tei rei gongmakle.