JONNII KARYII KABI RASAM JUKAMATI 7:12 - KARANU KABI SAMTAM

¹² Sateichii mpou kaang kito meihang teinii hangkapii samtiit tutakle. Meikangkanii tamle, “Mpou ai mei kabimei hangniniile,” kakimei teinii, “Makle, mpounii meihang go chyiitatma leitakle” sii tamle.

JONNII KARYII KABI RASAM JUKAMATI 7:12 Iomraidhean Croise

METIU 10:25

Taikaswimei hangninanii mpougo Madhiikapyiipii sateichii ki kaleimei hangninanii mpou mah ki pumpii takum takle leponii lung mangtang karamle. Ki pumgpii gotei Belzabul sii lat takleponii, mpouki kalung teito kaleimei hang goteinii teisung kisii zei kashyii kashyii tei lat tangle!

METIU 21:46

Nlenii ahnyiinii mpougo jumlesii tiikido, ahnyiinii meimoi gotei hing takle; kadapokii ahnyiinii mpougo Lungkakalingmei hangniniilesii poile.

METIU 27:63

“Oja, kachuipii teinii ringkalei tinglang kak leimik hangtum taito Inii ringkhiiloi tangle sii tam kabam tei nyiinii mangai makle.

LUKNII KARYII KABI RASAM JUKAMATI 18:19

Teito Jisunii mpou dakii tamle, “Nangnii n-gu kabipii sii kadajangpii lat leipo? Mei kado bimakle, nlenii Saraa roiniile.

LUKNII KARYII KABI RASAM JUKAMATI 23:47

Sateichii Saryiimei mei hai phyiiryiito phyii kasatpii teinii pat kalei tei ngouwo sek-kii, Saraago tam matoisii tamle, “Madou supii sapfii mpou ai kama kagameile.”

LUKNII KARYII KABI RASAM JUKAMATI 23:50

Aitoinii Arimati sii kalat Jehudimei nam namdi kito lungkalei Joseph sii kalat sapfiimei hangninii bamle, mpou ai samtak katii katingmei kak ki kahaimei mei kabi sateichii kasang kamajyiimei hang- niniile;

LUKNII KARYII KABI RASAM JUKAMATI 6:45

Mei kabimei teinii kabi tei poi mpatle, mpou lung kito kalei kabi tei, sateichii kashyiimei teinii kashyii poi mpatle, mpou lung kito kalei kashyii tei, kadapokii lungto tokryiisii kalei hangtei mwinii tam mpat leile.

LUKNII KARYII KABI RASAM JUKAMATI 7:16

Teito ahnyii hang teinii kahingpii tokryiisii Saraa go toile; “Lungkakalingmei hangninii nyiikak ki gongpyii takle; sateichii Saraanii mpoumeigo kaleipyii tang karam jangpii gongpyii takle,” sii ahnyiinii tamle.

JONNII KARYII KABI RASAM JUKAMATI 6:14

Teijangpii meihang teinii mpounii tiikalei tiikamangou siiti tei ngoukalu kito tamle, “Sazyii pouryii gongtang karam Saraa mah Lung- kakalingpii tei kasangpii aile.”

JONNII KARYII KABI RASAM JUKAMATI 7:32

Mpoumah kaang kito meimoinii samtiit kalei tei Farasismei teinii shiitakle sateichii kanat kajum ting- dimei ninado Farasismei hangteinii mpougo jum matutang karam jangpii saryii kakoimei gotei lang matu takle.

JONNII KARYII KABI RASAM JUKAMATI 7:47

Farasismei teinii ahnyiigo khe- kalatle, “Gonyiigodo masii chyiitat tude?

JONNII KARYII KABI RASAM JUKAMATI 7:52

Ahnyiinii mpougo khekalatle, “Nangdo Galili kitode? Kabi rasam tei fiilo, sateichii Galili kito Lungkakalingmei mei kado patsang pat makle katu nangnii titangle.”

JONNII KARYII KABI RASAM JUKAMATI 9:16

Farasismei kangkanii tamle, “Mei aipou ai Saraa dato makle, kadapokii mpou ai bam ntak piinei leimik ryiimakle.” Nlenii kakimei kangkanii tamle, “Kem katiimeinii ai kakum tiikamangou siiti ai kada takumpiinii tiiwo tangpo?” Ahnyii kak kiteito njairiit riit pat takle.

TIILAMLWI KAPYIIMEI THA JUKAMATI 11:24

Kadapokii mpou ai kabipii ninado rangii kamatei ninado kamalumpii tokryiisii kalei sapfiimei hangniniile, sateichii meimoinii Bangpiida gong mpam wotakle.

ROMMEI 5:7

Kada- ponii kasang kamajyiimei hangninii jangpii mei kata hangninanii taipyii tang karam ai hungle, Amei kabimei hangninii jangpiiniido mei hangni- nanii taipyii tang karam ai hing tangle.

PILIPIMEI 2:14

Manam marang katu mak-kii kachyiinhii katu gasii mahlyii hangtei tiilo.