JONNII KARYII KABI RASAM JUKAMATI 5:22 - KARANU KABI SAMTAM

²² Kadapokii Pfiinii meigo kado samtak tiimakle, nlenii mei hangnii Pfiigo sadzyii ngariit katii takumpiinii, nah sapfii mpou gotei sadzyii ngariit tiimatu tang karam jangpii, mpounii samtak katiihang tei nah sapfii mpou dakii pyii aitakle.

JONNII KARYII KABI RASAM JUKAMATI 5:22 Iomraidhean Croise

METIU 11:27

“Mahlyiihang gu pfiinii gudakii pyiibam takle; sateichii pfii tei supiinii Nah sapfii mpou gotei mei kaniido timakle, sateichii nah sapfii mpou tei supiinii Pfii gotei mei kaniido timakle sateichii Nah Sapfii mpou teinii kata hangninii dakii mpougo mati mangou tang karam jangpii kalai wokalu teisupii, mei kaniido Pfiigo timakle.

METIU 16:27

Kadapokii meinah sapfii mpou teinii mpou pfii mah pumtei kava kito mpoumah sating gamlui hang go kaswisii gong tangle, sateichii tei tinglangki meihang dakii mpou mpoumah tha taiswisii alangh pyii tangle.

METIU 28:18

Jisunii ahnyiida manang gongsii tamle, “Sating ninado sazyii pouryii lungto kalei teimaham hangtei gudakii pyiibam takle.

JONNII KARYII KABI RASAM JUKAMATI 17:2

Kadapokii nangnii mpou dakii kapyii hang gotei mpounii kalui kaga karing tiilung pyiimatu tang karam jangpii meilui kalung hang phyii- ryiito nangnii mpougo teimaham tei pyiibam takle.

JONNII KARYII KABI RASAM JUKAMATI 3:35

Pfii teinii nah sapfii mpou gotei lungsyiile sateichii mpoubah kikii mahlyiihang tei pyiibam takle.

JONNII KARYII KABI RASAM JUKAMATI 5:27

Sateichii nah sapfii mpou tei meinah sapfii mpou katu taiswisii samtak katii tei mpounii mpou dakii teimaham pyiitakle.

JONNII KARYII KABI RASAM JUKAMATI 9:39

Jisunii tamle, “Mik ngou kasumei teinii ngou matutang karam jangpii, sateichii mik kangoumei teinii mik chet matutang karam jangpii, Inii samtak tiitang karam jangpii sazyii pouryii gongle.”

TIILAMLWI KAPYIIMEI THA JUKAMATI 10:42

Sateichii kabi rasam ai meidakii tam matutang karam jang- pii, sateichii kataimei nei karingmei mah samtak katii Saraa Bangpii mimatu wokalu tei Ah aile...katu sakchyii pyiitang karam jangpii mpounii nyii dakii kakhatpyii takle.

TIILAMLWI KAPYIIMEI THA JUKAMATI 17:31

Kada- pochiinii mpounii kalai kalu sapfii mpou hangninanii sazyii pouryiigo kasang kito samtak tiitang karam leimik hangninii retbam takle. Mpou gotei kataimei kak kito tiimaring kapyii aipiinii meihang dakii malum kabui tei mpounii pyiibam takle.”

ROMMEI 2:16

Samtak katii piinei leimik gumah kabi rasam taiswisii Saraanii Jisu Krista paito ameinah mah kama- kum hang gotei samtak tiitangle.

2 KORENMEI 5:10

Kadapokii mpougo samtak tiimatu tang karam jangpii, Kristamah samtak katiibam doitei nyiihangnii gongtang karamle; sateichii pum- potmah tiilung kito mpou mpounii tiikabam hang katunii, kabi kado kashyii kado, mpou mpounii douka- majyii taiswisii mei nsang nsangnii doutangle.

2 TIMOTHI 4:1

Saraa doito sateichii karingmei nei kataimeigo samtak tiitang karam Krista Jisu doito mpoumah mangoukapyii ninado mpoumah sagong mah sating sazyiigo latsii Inii pyiileile.

1 PITAR 4:5

nlenii karing godo katai godo samtak tiitang karam jangpii tiidasii kalei Saraa dakii tiikabam tha hangtei ahnyiinii mangou tangle.