JONNII KARYII KABI RASAM JUKAMATI 4:10 - KARANU KABI SAMTAM

¹⁰ Jisunii mpoupeigo khekalatle, “Saraanii pyiikalei ninado n-gu saktang karam dwi seilosii godakii katam tei tapo katu nangnii tileponii, nangnii mpou dato khang tang karamle.”

JONNII KARYII KABI RASAM JUKAMATI 4:10 Iomraidhean Croise

LUKNII KARYII KABI RASAM JUKAMATI 11:13

Teijangpiinii gonyiinii shyiisii leikido, gonyii nahmei mah kabi tei pyiiti lepochiinii, sating gamto kalei gonyii Pfii teinii khangsii kalei ahnyii dakii kadaziikii kisii rangii kamatei tei pyiitangpo!”

JONNII KARYII KABI RASAM JUKAMATI 16:3

Sateichii ahnyiinii aihang ai tiitangle, dapodinchii ahnyiinii Pfii godo n-gudo timakle.

JONNII KARYII KABI RASAM JUKAMATI 17:3

Sateichii hangni- niisang hangninii roinii kalei kasang Saraa Ahgo ninado Ahnii lang kamagong Jisu Kristago nyiinii tikatu ai; kalui kaga karing teile.

JONNII KARYII KABI RASAM JUKAMATI 3:16

Kadapokii Saraanii sazyii pou- ryiigo hangkasii lungkasyii jangpii, mpounah sapfii mpou hangniniisang hangninii roinii kalei go tei pyiitakle, teipiinii nah sapfii mpou gotei malum kalumei hang teinii gasupii, kalui kaga karing tei doutang karamle.

JONNII KARYII KABI RASAM JUKAMATI 4:14

Nlenii Inii pyiitang karam dwitei sak kalumei hangteinii saryii- sang saryiiloi lakle; Inii pyiitang karam dwitei mpou lung kito kalui tiisupiinii ringtang karam jangpii pok kapat dwipok hangninii tiitangle.”

JONNII KARYII KABI RASAM JUKAMATI 6:35

Jisunii ahnyii dakii tamle, “Karing mah tiirok tei I-le, guda kagongmei hangteinii moi mazyii- lakle, sateichii n-gu kamalum mei hangteinii saryiisang saryiiloi lakle.

JONNII KARYII KABI RASAM JUKAMATI 6:51

Sating gamto kahum ringkalei tiirok tei I-le, mei kata hangninanii tiirok ai chii le- ponii, kalui gasii ringtangle sateichii sazyii pouryii meinii ringtang karam jangpii Inii pyiitang karam tiirok tei gumah kamyii teile.”

TIILAMLWI KAPYIIMEI THA JUKAMATI 9:11

Teito Abangpiinii mpou dakii tamle, “Tusat tosii kamajyii pwidi sii kalat pwidi kadi kitei maasanii, Judas kikii Tarsas mpfii Sol sii kalat sapfii mpou gotei fiitulo, kadaponii julo, mpounii riitasii bamle.

ROMMEI 8:32

Mpou nah sapfii mpougodo masak supiinii nyii jangpii pyiitoi kalei mpou teinii meinah sapfii mpou gotei kaswisii mahlyii hangdo nyii dakii kada takumpiinii pyiilak tangpo?

1 KORENMEI 1:30

Nlenii Saraanii gonyiigo Krista Jisu dakii poi njapyii takle, sateichii Saraanii nyiijangpii Krista aigo nyiimah swirek kabi tiipyii takle, mpou paikito nyiihang go Saraa doito tiimadi pyiitakle; nyiinii Saraa mah kamateimei tiitakle sateichii matapii laat mpatpyii takle.

1 KORENMEI 10:4

sateichii ahnyii hangnii njoi katu rangii dwi tei kaswisii sak njoi takle; kadapokii ahnyii tai swisii kalei rangii mah kuitu gam teito ahnyiinii kaswisii sak njoile, sateichii kuitu kadi teinii Krista ah teile.

2 KORENMEI 9:15

Saraamah tampei kalak luha jangpii mpougo tam matoilo!

IPISAMEI 2:8

Kadapokii kamalum paikito Saraamah jumage kapyii teipii gonyiigo keipyii takle. Teiteinii gonyiinii mahungsii tha katiihang kito doukalu mah makle, nlenii Saraanii kapyii luhale, teijangpii tei kaang kito meikaniido detdi wolakle.

HEBRUMEI 6:4

Kadapokii binii swi tii-mvapyii kalei, sating gam mah luha masei kalei, sateichii rangii kamatei mah njai dou njoi kalumei,

1 JON 5:20

Teito Saraa nah sapfii mpounii gongpyiile sateichii kasang ah gotei tiimatu tang karam sateichii mpounah sapfii mpou Jisu Krista, kasang ah dato nyii leile katu timatu tang karam jangpii, nyii dakii swikati pyiitakle katu nyiinii tile. Kasang Saraa ninado kalui kaga karing tei aile.

MATIMANGOU KAPYII 21:6

Sateichii ahnii gudakii tamle, “Ai tiisangtakle, Inii karei ninado akat, kahou ninado kalui teile. Karingmah dwipok kiteito kasaryiimei hang go Inii matapii pyiisak tangle.

MATIMANGOU KAPYII 22:17

Rangii teiniido amyiipeipwi teiniido tamle, “Gonglo,” sateichii shii sii kalei ah teinii, “Gonglo” sii tam matulo. Sateichii saryiisii kalei ah teinii gong matulo, kamareimei hangteinii karingmah dwi tei matapii sak matulo.

MATIMANGOU KAPYII 7:17

Kadapokii sagong- bam sum taito kalei Jaonah tainii ahnyiimah Jaokakoipii tiitangle, sateichii karing dwipokni katang tei ahnii chyiimang pyiitangle, sateichii ahnyiimah mik kiteito mikdwi hangtei Saraanii piit toipyii tangle.”