JONNII KARYII KABI RASAM JUKAMATI 3:3 - KARANU KABI SAMTAM

³ Jisunii mpougo Khekalatle, “Inii n-go kasangpii tam leile, mei kata hangninanii manaaloi suleponii, mpounii Saraa mah sating sazyii tei ngoupei wolakle.”

JONNII KARYII KABI RASAM JUKAMATI 3:3 Iomraidhean Croise

METIU 16:17

Teito Jisunii mpougo kheka- latle, “Simon Bar Jonah, nang sadoi bile!” “Kadapokii sating gamto kalei gu pfiinii supiinii, pum zainii ai godakii mati mangou kapyii tei makle.

METIU 19:24

Nlailoisii Inii gonyii dakii tam leile, mah kanimei hangninanii sating gam sazyiiki liit tang karam sungnii poutungki kounah hangninanii mahum-mi kito joupat katu teinii malabwile.”

METIU 21:31

Hangna kak ki aito tapiinii mpou pfiimah kamaning kamazhii tei tiipo?” Ahnyiinii tamle, “Katingpii teiniile.” Jisunii ahnyii dakii tamle, “Inii gonyii dakii kasangpii tam leile, Aha kahamei ninado sahapwimei teinii gonyii doi reisii Saraa mah sating sazyiiki tat leile.

METIU 5:18

Kadapokii Inii gonyii dakii kasangpii tam leile, sating ninado sazyii gatu kasuta, ajaitingshang ki- teito samah kado, mak-kii tow kabam geksa kacheng hangniniido, mahlyii- hang gong matwi kasuta, galakle.

MARK 10:14

Nlenii Jisunii teitei ngou wosii, mpounii rarhiisii mpouboumei dakii tamle, “Ahnyiigo nam sulo; nahmei kachengmei gotei guda liit matulo, dapochiinii Saraa mah sating sazyii teinii ai kakummei lhangle.

MARK 9:47

Sateichii gomik hangninanii n-go kem tiimatusii lei lepochiinii, go-mik tei lat toi ailo; gomik hangna pungsii mibam kikii toikai kalei sungnii mik-lipii Saraa mah sating sazyii bamki liit kalu teinii gojangpii bibwile.

JONNII KARYII KABI RASAM JUKAMATI 1:13

ahnyii teinii zai mah kito, mak-kii pumzai mah kito mak-kii meinah mah kamaning kamazhii kito manaamakle, nlenii Saraa datole.

JONNII KARYII KABI RASAM JUKAMATI 1:5

Kava teinii kamyii kito vasii leile, sateichii kamyii teinii teigotei ngam womakle.

JONNII KARYII KABI RASAM JUKAMATI 1:51

Sateichii mpounii ahnyii dakii tamle, “Inii go- nyii dakii kasangpii tam leile, katunii sating gam laat kabam sateichii Saraa mah sating gamlui hangnii meinah sapfii mpou phyiiryiito pisii humsii kabam tei gonyiinii ngoutangle.”

JONNII KARYII KABI RASAM JUKAMATI 12:40

“Ahnyiinii mik ngou matulak tang karam jangpii ninado ahnyii mah lungswi teinii timatulak tang karam jangpii ninado ahnyiinii guda nlaigongsii, Inii ahnyiigo rakani tei tii mbipyii matulak tang karam jangpii, Saraanii ahnyii mik tiimachet aitakle, sateichii ahnyii mah lungswi tei tiimatai aitakle.”

JONNII KARYII KABI RASAM JUKAMATI 3:4

Nikodimasnii mpou dakii tamle, “Meinah hangni- nanii tingkalei kiteito dakumpii mpounii manaaloi wotangpo? Mpou- nii hangna kashang tiisii pwi moi lung liit tosii mana wobuipo?”

2 KORENMEI 4:4

Ahnyiinii malum makle, dapokii sazyii pouryii mah sara kashyii teinii ahnyii lungswi tei kamyii kikii kai aitakle. Saraamah njoi karei takum sek katu Kristamah pumtei kavamah kaang kabi rasam kito kagong, ahnyii phyiiryiito vakalei kava tei mpounii ahnyiigo mangou sutakle.

2 KORENMEI 5:17

Teijangpii mei kata hangninanii Krista dato leileponii, ahnii karanu baichemle; kaham tei tat maju aitakle; julo, karanu tei gong takle.

GALATIMEI 6:15

Kadapokii tiigyii kamalem mak-kii tiigyii malem kasu teinii samah kado makle, nlenii kasatai baichem teile.

IPISAMEI 2:1

Gonyii mah kama ninado kem hang jangpii gonyiinii tai kalei kito mpounii gonyiigo tiimaringpyii takle.

TAITAS 3:5

nyiinii kasang kamajyii kito tiikabam tha kito makle, nlenii mpoumah lungsyii kapyii kito mpounii nyiigo nlai loisii kamanaamah dwi shyii kamatei ninado rangii kamatei mah tiiranu kapyii kito mpounii nyiigo keipyii takle.

JEMS 3:17

Nlenii sagoi gamto kahum swirek kabi teinii karei rei- sang kito kamateile, teito kama- jungle, lung kamanoi, kariita kito kalei, lungsyii kati, ninado kabi hang- tei piinii katokryii, meigo maning mashyii kasu, kabijai tiinyii kasu teile.

1 PITAR 1:3

Nyii Bangpii Jisu Kristamah Apfii ninado Saraa gotei tam matoile! Mpoumah kadi lungset kati teipii Jisu Kristanii katai kito ringkakhii teipii mpounii nyiigo karanu tiilung tei pyiile. Aipii nyiigo taikalak karing maning kamalum teipii tiitokryii pyiile.

1 JON 2:29

Mpou ai kasang kamajyii teile katu gonyiinii tileponii, kasang tiisii kaleimei hang godo mpounii manaapyii takle katu gonyiinii tile.

1 JON 3:9

Saraa dato manaa kalumei hang- tei kem tiimakle. Dapokii Saraamah lwirou tei mpou dato taksupii leile, sateichii mpounii kem tiisii leiwo lakle. Dapokii ahnyii Saraa dato manaa takle.

1 JON 5:1

Jisugo Kristale katupii kamalum meihangnii Saraa nahmeile sateichii Pfiigo lungkasyiimei hang- teinii mpougodo lungsyiile.

1 JON 5:18

Saraa dato manaa kalu meihangnii kem tiisii leimakle, kadapokii Saraanah sapfii mpou teinii ahgo tiigatpii jumatousii leile sateichii sara kashyii teinii ahgo tiimashyiipei wolakle katu nyiinii tile.

1 JON 5:4

Kadapokii Saraa dato manaa kalumei hang teinii sazyii pouryiigo ngamle sateichii sazyii pouryiigo jangsai tiikalu kangam tei aile, katunii, nyiimah kamalum teile.

MATIMANGOU KAPYII 3:14

“Laodisiya, kito kalei Charsh- mah rangii dakii ryiilo, Amen sii kalat, malum kabui ninado kasang sakchyii Saraa baichem mah apum katii Ah teinii sam hang ai tam leile.