JONNII KARYII KABI RASAM JUKAMATI 3:19 - KARANU KABI SAMTAM

¹⁹ Sateichii samtak katii tei aile, katunii Kava tei sazyii pouryii gongtakle, nlenii meinahnii kava goteisung kamyii gotei kisii maraile, dapokii ahnyiimah tha hangtei shyiile.

JONNII KARYII KABI RASAM JUKAMATI 3:19 Iomraidhean Croise

LUKNII KARYII KABI RASAM JUKAMATI 12:47

“Sateichii mpou pumpiimah kamaning kamarei tei tiwosanii, da tiida kasu sateichii mpou mah apum- piinii kamaning kamarei taiswisii tiikasu ki kaleipii gotei dat m-moi tangle.

LUKNII KARYII KABI RASAM JUKAMATI 16:14

Sanahgo kamarei, Kabijai katiimei teinii tam kalei hangtei shii wosanii, ahnyiinii Jisugo hoksii nuile.

JONNII KARYII KABI RASAM JUKAMATI 1:4

Mpou dato karing tei leile, sateichii karing tei meinah mah kava teile.

JONNII KARYII KABI RASAM JUKAMATI 1:5

Kava teinii kamyii kito vasii leile, sateichii kamyii teinii teigotei ngam womakle.

JONNII KARYII KABI RASAM JUKAMATI 12:31

Sazyii pouryii aigo samtak tiitang karam tinglang tei aitoile, sazyii pouryii mah apum katiimeigo baatoi tang karam tinglang tei aitoile.

JONNII KARYII KABI RASAM JUKAMATI 12:43

Kadapokii Saraanii tam kamatoi sung meinii tam kamatoi tei ahnyiinii kisii marai takle.

JONNII KARYII KABI RASAM JUKAMATI 12:46

N-gu kamalum mei hangteinii kamyii kito lei matulak tang karam jangpii, Inii kava tiisii sazyii pouryii gongtakle.

JONNII KARYII KABI RASAM JUKAMATI 5:44

Saraa dato kagong tam kamatoi gotei gonyiinii fiisupii hangninanii hangninii dato tam kamatoi tei poisii, gonyiinii kada takumpii n-gu malum wotangpo?

JONNII KARYII KABI RASAM JUKAMATI 7:17

Mei kata hangni- nanii mpoumah kamaning kamazhii tei tiinyii leponii, ralikapyii ai Saraa dato manii, mak-kii gumah teima- ham kito tam leipo katu aimah kaang kito ahnii titangle.

JONNII KARYII KABI RASAM JUKAMATI 7:7

Sazyii pou- ryiinii gonyiigo ngouroupei wolakle, nlenii sazyii pouryiimei mah tha ai shyiile honglesii Inii sazyii pouryii mah kaang kito sakchyii kapyii jang- piinii n-gunii ngouroule.

JONNII KARYII KABI RASAM JUKAMATI 8:12

Jisunii nlailoisii ahnyii dakii tamle, “Inii sazyii pouryii mah kavale; Gutai swikaleimei teinii kamyii kito tat lakle, nlenii karing mah kava tei doutangle.”

JONNII KARYII KABI RASAM JUKAMATI 9:5

Inii sazyii pouryiito kaleita, Inii sazyii pouryii mah kavale.”

ROMMEI 1:32

Aikatii tha tiisii kaleimei teinii tai majyiile katu tei mei aimeinii Saraamah kakhatsam tei tisii teitei katii roisupiinii tei tha katii meihang godo mazhii pyii takle.

ROMMEI 2:8

Sateichii mei kangkanii mpou jangpii roinii fiisii kasang kamajyii gotei mazhii supii kama tai swi kanyiimei gotei Sa- raanii ahnyii phyiiryiikii mpoumah rakarhii ninado ngou kahing tei rui mpat tangle.

2 THESOLONIKAMEI 2:12

sateichii ahnyiinii kasang kasu gotei malum matu tang karam jangpii Saraanii ahnyii phyii- ryiikii kama mah katei teimaham tei ahnyiikak kito tha tiimatu tang karam jangpii lang magongle.

1 PITAR 2:8

Sateichii kabi rasam kaki kito tamle, “Meigo pi pasui matutang karam kuitu, ahnyiigo tiikou tang karam kuitu kadi tei aile.” Ahnyiinii pi pasuile, dapokii ahnyiinii samtam tei swimakle; tei kakum tei ahnyii jangpii Saraanii reipii tiida kabam teile.

2 PITAR 3:3

Karei reisang kito gonyiinii ai ai tilo, katunii, kalui tinglang ki hoksii kanuimeinii ahnyii pumzainii kamarei ka-ntha hang teitei swisii, hoksii kanui tei njasii gong tam tangle,