JONNII KARYII KABI RASAM JUKAMATI 2:11 - KARANU KABI SAMTAM

¹¹ Mpoumah tiikamangou siitihang mah karei reisang ai, Galili kito kalei Kena kito Jisunii tiimangou takle, teito mpoumah pumtei kava tei mati mangoutakle, ninado mpoumah bou- meinii mpougo malum wotakle.

JONNII KARYII KABI RASAM JUKAMATI 2:11 Iomraidhean Croise

JONNII KARYII KABI RASAM JUKAMATI 1:14

Samtam teinii pumzai ndat totakle, sateichii jumage kapyii ninado kasang teipii tokryiisii nyiikak kito lungle, Pfii mah nah sapfiimei hangniniisang hangninii roinii tiisii kalei pumtei kava takumpii nyiinii mpoumah pumtei kava tei ngoutakle.

JONNII KARYII KABI RASAM JUKAMATI 1:17

Kadapokii ajaitingshang tei Moses paito pyiitakle; nlenii jumage kapyii ninado kasang tei Jisu Krista paito gongle.

JONNII KARYII KABI RASAM JUKAMATI 1:43

Adoi piinei leimik tei Jisunii Galili ki gongtangle katupii sat totakle, sateichii mpounii Filip go dou wosii, Jisunii mpou dakii tamle, “Gutai swi wolo.”

JONNII KARYII KABI RASAM JUKAMATI 1:50

Jisunii mpou dakii khekalatle, “Inii n-go kadiitbang kangkii ngoulesii katam jangpii nangnii n-gu malum leipo? Aidoito kisii tha kadi kadi tei nangnii ngoutangle.”

JONNII KARYII KABI RASAM JUKAMATI 10:41

Sateichii mei hang- kanii mpouda gongsii tamle, “Jon-nii siiti tiikamangou mah kado tiimakle, nlenii Jonnii sapfii mpou aipou mah kaang kito katam hangtei kasang takle.”

JONNII KARYII KABI RASAM JUKAMATI 11:15

Gonyiinii malum kabui tiisii, gonyii jangpii Inii mpougo kaswisii teiki bam kasu ai I-ntale. Nlenii nje nyii mpouda maale.”

JONNII KARYII KABI RASAM JUKAMATI 11:47

Teipiinii kanat kajum ting- dimei ninado Farasismei hangteinii katingmei hang gotei pang nkom wosii tamle, “Nyiinii kadapei tii- tangpo? Kadapokii sapfii mpou ainii tiikamangou siiti hangka tiitakle.

JONNII KARYII KABI RASAM JUKAMATI 12:18

Aijangpiiniido meimoi teinii mpougo mang kadou takle, dapodin- chii mpounii tiikamangou siiti ai tiitakle katu tei ahnyiinii shiitakle.

JONNII KARYII KABI RASAM JUKAMATI 12:37

Mpounii tiika- mangou siiti hangniikii ahnyii doito tiikido, ahnyiinii mpougo malum makle;

JONNII KARYII KABI RASAM JUKAMATI 12:41

Isaiyanii Jisu mah pumtei kava tei ngou kalu jangpii mpounii mpoumah kaang kito tamle.

JONNII KARYII KABI RASAM JUKAMATI 14:13

Sateichii nah sapfii mpou paikito Pfii mah pumtei kava tei ngoumatu tang karam jangpii, gonyiinii gu zei kito kakhang hangtei Inii tiipyii tangle.

JONNII KARYII KABI RASAM JUKAMATI 16:27

kadapokii Pfii sekpiinii gonyiigo lungsyiile; dapodinchii gonyiinii n-gu lungsyiile, sateichii Inii Pfii dato gongle katu gonyiinii malum wotakle.

JONNII KARYII KABI RASAM JUKAMATI 16:30

Nangnii mahlyii hang tile, sateichii meikado n-go kachyiinhii tang karam gale katu aitoinii nyiinii titakle; aipiinii Saraa dato nang gongle katu nyiinii malumle.”

JONNII KARYII KABI RASAM JUKAMATI 2:1

Teito leimik hangtum kashang piinei Galili kito kalei Kena sii kalat ranam kito myii kapang hangninii pat takle, sateichii Jisu pwi teikitei leile.

JONNII KARYII KABI RASAM JUKAMATI 2:23

Jisunii kaakamaju takbai tinglangki Jerosalem kito kabam ki kak, mpounii tiikamangou hangtei ngou wosii meihangkanii mpougo malum wotakle.

JONNII KARYII KABI RASAM JUKAMATI 3:2

Mei aipou ainii tinghum Jisuda gongsii mpou dakii tamle, “Rabbi, (katunii Madhiikapyiipii) nangnii Saraa dato kagong ralika- pyiimei hangniniile katu tei nyiinii tile, kadapokii nangnii tiikalei siitihang ai Saraanii mpougo kaswi suleponii, meikaniido tiiwo lakle.”

JONNII KARYII KABI RASAM JUKAMATI 4:3

Mpounii Judiya kito tatpat tosii, Galiliki tat tuloi takle.

JONNII KARYII KABI RASAM JUKAMATI 4:46

Teijangpii mpounii dwipii jou tiikadat kapyii Galili kito kalei Kena kitei nlaigong takle, sateichii Kaipar- nam kito sagong mah bam njoi katu kasagoi bam poisii kaleimei hang- ninii leile, ninado mpounah sapfii mpou tei ranisii leile.

JONNII KARYII KABI RASAM JUKAMATI 4:54

Judiya kito Galiliki gong wosii Jisunii nlailoisii hangna kashang tiikamangou siiti ai tiitakle.

JONNII KARYII KABI RASAM JUKAMATI 5:23

Nah sapfii mpougo sadzyii ngariit tiikasu ahteinii nah sapfii mpougo lang ka m-mang Pfiigo teido sadzyii ngariit tiimakle.

JONNII KARYII KABI RASAM JUKAMATI 6:14

Teijangpii meihang teinii mpounii tiikalei tiikamangou siiti tei ngoukalu kito tamle, “Sazyii pouryii gongtang karam Saraa mah Lung- kakalingpii tei kasangpii aile.”

JONNII KARYII KABI RASAM JUKAMATI 6:2

Sateichii meimoinii mpoutai swileile dapochiinii mpounii rakanimei dakii tiikamangou siiti hangtei ahnyiinii ngoutakle.

JONNII KARYII KABI RASAM JUKAMATI 6:26

Jisunii ahnyii dakii khekalatle, “Inii gonyii dakii kasangpii tam leile, gonyiinii n-gu fiikaleinii tiikama- ngou siiti ngoukalu jangpiinii makle, nlenii gonyiinii tiirok tei chiiwosii moi maghii kalu jangpiiniile.

JONNII KARYII KABI RASAM JUKAMATI 6:30

Teito ahnyiinii mpou dakii tamle, “Teitiileponii nyiinii ngouwosii n-go malum wokabui jangpii nangnii kadapei kamadat tiikamangou siiti tiipyii tangpo? Nangnii kadapei tiimangou tangpo?

JONNII KARYII KABI RASAM JUKAMATI 7:31

Nlenii mei hangkanii mpougo malum wosanii tamle, “Kristanii kagong tinglang kak, mei aipounii tiikatu tiikamangou siiti hang doito kisii ahnii tiiwo tangpo?”

JONNII KARYII KABI RASAM JUKAMATI 9:16

Farasismei kangkanii tamle, “Mei aipou ai Saraa dato makle, kadapokii mpou ai bam ntak piinei leimik ryiimakle.” Nlenii kakimei kangkanii tamle, “Kem katiimeinii ai kakum tiikamangou siiti ai kada takumpiinii tiiwo tangpo?” Ahnyii kak kiteito njairiit riit pat takle.

2 KORENMEI 3:18

Sateichii nyiihang ai jusong supiinii Saraamah pumtei kava gotei jusii, mpoumah njoi kikii pumtei kava hangninii kito hangninii kikii tiikalikai aitakle, kadapokii rangii tiisii kalei Bangpii dato ai ai gongle.

2 KORENMEI 4:17

Kadapokii ai kacheng ninado shangniikii jangpii nyiinii doukalei kamage ainii nyiinii doukalei kamage ai sung disang dikisii nyii jangpii dikaki kalui kaga pumtei kava tei pung gongpyii tangle.

2 KORENMEI 4:6

Tii mpat kareiki Saraanii kakhatle, “Kamyii kito kava tei vamatulo.” Aimah njoi Saraa ainii mpoumah kava tei nyii lung kitodo vamatule. Kava ainii Krista ju kito vakalei Saraamah pumtei kava tei nyiigo timatule.

1 JON 5:13

Saraa nah sapfii mpou zei kito kamalum gonyii dato kalui kaga karing leile katu gonyiinii titang karam jangpii, Inii ai ai ryii leile.