JONNII KARYII KABI RASAM JUKAMATI 17:3 - KARANU KABI SAMTAM

³ Sateichii hangni- niisang hangninii roinii kalei kasang Saraa Ahgo ninado Ahnii lang kamagong Jisu Kristago nyiinii tikatu ai; kalui kaga karing teile.

JONNII KARYII KABI RASAM JUKAMATI 17:3 Iomraidhean Croise

MARK 9:37

“Mei kata kangkanii ai kakum nahmei kacheng kak kito hangniniigo gu zei kito lukaipyii leponii, n-gu lukai leile, sateichii mei kata kangkanii n-gu lukai leponii, n-gu lukai makle, nlenii n-gu lang kamagong mpou gole.”

LUKNII KARYII KABI RASAM JUKAMATI 9:48

Sateichii ahnyii dakii tamle, “Mei kata kangkanii gu zei kito nah kacheng aigo lukai lepochiinii, n-gu lukaiziile; sateichii mei kata kang- kanii n-gu lukai leponii, n-gu lang m-mang kapyiipii godo lukaiziile; kadapochiinii gonyii hang kak kito kacheng cheng sangpii teinii kadi disang piile.”

JONNII KARYII KABI RASAM JUKAMATI 10:36

Inii Saraa nah sapfii mpoulesii Inii tam katu jangpii, Pfiinii kalai wosii sazyii pouryiikii lang m-mang kapyii ah gotei, nang Saraago tam mashyiilesii mpoumah kaang kito gonyiinii tam leipo?

JONNII KARYII KABI RASAM JUKAMATI 11:42

Sateichii tinglang kaleita nangnii gumah kariita shiipyiile katu Inii tile. Nlenii nangnii n-gu lang magong pyiile katu ai dato sat kaleimei hang ainii malum matutang karam jangpii, Inii ahnyii jangpii ai ai tam takle.”

JONNII KARYII KABI RASAM JUKAMATI 14:26

Gu zei kito Pfiinii lang magong tang karam tiikahapii, rangii kamatei teinii gonyiigo mahlyii hang ralipyii tangle ninado Inii gonyii dakii tam kabam hangtei maning gongloi matu tangle.

JONNII KARYII KABI RASAM JUKAMATI 17:18

Nangnii n-gu sazyii pouryiikii lang kamagong takumpii, Inii ahnyiigo sazyii pour- yiikii lang mpat takle.

JONNII KARYII KABI RASAM JUKAMATI 17:21

ahnyii hang ai hangninii tiimatu tang karam jangpii Inii riita leile; nangnii n-gu lang magongle katu sazyii pouryiinii malum matu- tang karam jangpii, he Pfii-o, nangnii gudato sateichii Inii godato kalei takumpiinii, ahnyiinii nyii dato leimatu tang karam jangpii Inii riita leile.

JONNII KARYII KABI RASAM JUKAMATI 17:23

Inii ahnyii dato sateichii nangnii gudato kalei teipii ahnyiinii sajek gasii hangninii tiimatutang karam jangpiile; katunii nangnii n-gu lang magongle sateichii nangnii n-gu lungkasyii takumpiinii nangnii ahnyiigo lungsyii takle katu tei sazyii pouryiinii timatu tang karam jangpiiniile.

JONNII KARYII KABI RASAM JUKAMATI 17:25

Oh kasang kamajyii pfii, sazyii pouryii- nanii n-go timakle, nlenii Inanii n-go titakle; sateichii nangnii n-gu lang magongle katu tei ahnyiinii titakle.

JONNII KARYII KABI RASAM JUKAMATI 17:8

Kadapokii nangnii gudakii kapyii samhang tei Inii ahnyii dakii pyiitakle sateichii ahnyiinii teitei lukaiwo takle, sateichii Inii godato gongle katu tei ahnyiinii kasangpii titakle sateichii nangnii n-gu lang magongle katu tei ahnyiinii malum takle.

JONNII KARYII KABI RASAM JUKAMATI 3:17

Daponii Saraanii meinah sapfii mpou gotei Sazyii pouryiigo samtak tiimatu tang karam jangpii sazyii pouryiikii lang m-mang makle, nlenii mpou paikito sazyii pouryiigo keipyii matu tang karam jangpiiniile.

JONNII KARYII KABI RASAM JUKAMATI 3:34

Kadapokii Saraanii lang kamagong mpou teinii Saraa sam tam leile, dapokii mpounii rangii tei ajhii masaksii pyiimakle,

JONNII KARYII KABI RASAM JUKAMATI 5:44

Saraa dato kagong tam kamatoi gotei gonyiinii fiisupii hangninanii hangninii dato tam kamatoi tei poisii, gonyiinii kada takumpii n-gu malum wotangpo?

JONNII KARYII KABI RASAM JUKAMATI 6:57

Ringkalei Pfii teinii n-gu lang kamagong takumpii, sateichii Inii Pfii jangpii ringkalei takumpii, n-gu kachiimei hangteinii gu jangpii ahdo ring tangle.

JONNII KARYII KABI RASAM JUKAMATI 7:29

Inii mpougo tile, dapokii Inii mpou datole, sateichii mpounii n-gu lang magongle.”

JONNII KARYII KABI RASAM JUKAMATI 8:19

Teijangpiinii ahnyiinii mpougo tamle, “Go Pfii kadaki leipo?” Jisunii khekalatle, “Gonyiinii n-gudo gu Pfii godo timakle; gonyiinii n-gu tileponii, gonyiinii gu pfii godo titangle.”

1 KORENMEI 15:34

Gonyiimah swi kitei swiling gong wolo, sateichii gonyii mah kakui kama pwidi hangtei rat toi ailo. Kadapokii mei kangkanii Saraamah swirek kati tei gale. Ai ai Inii gonyiigo tii nroutang karam jangpii tam leile.

1 KORENMEI 8:4

Teijangpiinii tingtu dakii pyiitoi kalei chiitakgo kachii mah kaang kitonii, “Tingtuparam teinii kasang karing tei gale,” sateichii “hangninii tei roisupiinii Saraa kaki gale katu nyiinii tile.”

2 KORENMEI 4:6

Tii mpat kareiki Saraanii kakhatle, “Kamyii kito kava tei vamatulo.” Aimah njoi Saraa ainii mpoumah kava tei nyii lung kitodo vamatule. Kava ainii Krista ju kito vakalei Saraamah pumtei kava tei nyiigo timatule.

PILIPIMEI 3:10

katunii, Inii mpougo ninado mpoumah ringkakhii mah teimaham gotei tikabui jangpii, sateichii mpoumah kamage kalak hangtei dou njoi kabui ninado mpoumah katai kito mpougo njoi kabui jangpii,

PILIPIMEI 3:8

Gu Bangpii Krista Jisugo kati tei kisii maiteeng kaki jangpii mahlyii hangtei Inii kagale katupii poitakle. Mpou jangpii mahlyii hangtei Inii rat toi aitakle, sateichii mazhii kasulesii Inii poi takle.

1 THESOLONIKAMEI 1:9

Nyiinii gonyiida kagong kak gonyiinii nyiigo kada takumpii lukaipyiipo, sateichii gonyiinii tingtugo matasii kalei kito, kasang ninado karing Saraago nga ngatang karam jangpii,

2 THESOLONIKAMEI 1:8

tei tinglang kak Saraago mazhii kasumei ninado nyii Bangpii Jisumah kabi rasamgo swikasu meigo Saraanii powrui tangle.

HEBRUMEI 3:1

Teijangpii Saraanii lat kalu, kamatei gukangsanamei, nyiinii tam mpatsii kalei kamalum mah kanat kajum tingdipii tiimatu tang karam jangpii Saraanii lang m-mang kapyii Jisu gotei maninglo.

2 PITAR 1:2

Saraago sateichii nyii Bangpii Jisugo mashangsii kati kito jumage kapyii ninado kamajung tei gonyii dato moibui matulo.

2 PITAR 1:3

Mpoumah pumtei kava ninado bikakimah njai dou njoi matutang karam jangpii, nyiigo lat kapyii, Saraa ahmah kamatei teimaham teinii Saraa kamaning mah kasang tiilung lungtang karam jangpii, mpougo kati paikito nyiinii doukamajyii tei nyiigo pyiitakle.

2 PITAR 1:8

Kadapokii aihang ai gonyiimah tiisii tangkasu tiisuleponii, nyii Bangpii Jisu Kris- tago matwi mashangsii titang karam jangpii aihang ainii gonyiigo tiikamahat ninado ti mati matu kasu tei tiilakle.

1 JON 1:2

Sateichii karing tei mangou takle, sateichii nyiinii teitei ngoutakle teijangpii nyiinii teimah kaang kito sakchyii tiisii sateichii Pfiigo kaswisii kalei ninado nyii dakii mati kapyii kalui kaga karingmah kaang kito nyiinii gonyii dakii saa mpat leile.

1 JON 1:3

Nyiinii ngoukalu ninado shii kalu tei gonyiiniido nyiigo kaswisii njai dou njoi matutang karam jangpii, nyiinii gonyii dakiido saa mpat leile; sateichii nyiinii njai dou njoi tang karam ainii Pfii sateichii mpounah sapfii mpou Jisu Kristago kaswisii nja katu kitole.

1 JON 2:23

Nah sapfii mpougo mazhii ka- sumei hangteinii pfiigodo doumakle, nah sapfii mpougo kamazhii ah teinii pfiigodo doule.

1 JON 4:6

Nyiinii Saraa mahle, Saraago katimei hangteinii nyii sam shiile, Saraamah kasumei hang teinii nyiisam shiimakle, aipii nyiinii kasangmah rangiigo ninado kasang kasu rangiigo tile.

1 JON 5:20

Teito Saraa nah sapfii mpounii gongpyiile sateichii kasang ah gotei tiimatu tang karam sateichii mpounah sapfii mpou Jisu Krista, kasang ah dato nyii leile katu timatu tang karam jangpii, nyii dakii swikati pyiitakle katu nyiinii tile. Kasang Saraa ninado kalui kaga karing tei aile.