JONNII KARYII KABI RASAM JUKAMATI 17:12 - KARANU KABI SAMTAM

¹² Inii ahnyiigo kaswisii bam kalei tinglang kak, nangnii gudakii pyii kabam ahnyii gotei gozei kito Inii koipyiitakle; sateichii Inii ahnyiigo dengpyiile ninado kabi rasam kito tam kabam tei gong matwi matutang karam jangpii, maga tang karam mah nah sapfiimei tei supiinii, ahnyii mei hangninii kagodo maga makle.

JONNII KARYII KABI RASAM JUKAMATI 17:12 Iomraidhean Croise

JONNII KARYII KABI RASAM JUKAMATI 18:9

“Nangnii gudakii pyii kabam ahnyii kak kito Inii mei kagodo maga makle.” sii mpounii tam kabam samtei gong matwi matutang karam jangpiiniile.

JONNII KARYII KABI RASAM JUKAMATI 13:18

“Inii gonyii hang mah kaang kito tam makle; nlenii kalai kalumei gotei Inii tile; nlenii gumah tiirok chiikatu ah teinii guphyiiryiikii mpoupi pasui poimatu takle, sii kabi rasam kito katam tei madougong matutang karam jangpiile.

JONNII KARYII KABI RASAM JUKAMATI 6:37

Gu pfiinii gudakii kapyii hangtei guda gongtangle, sateichii guda kagongmei hang gotei Inii baasang baatoi lakle.

1 JON 2:19

Ahnyiinii nyii dato tatpat takle, nlenii ahnyiinii nyiimah makle, dapokii ahnyii ai nyiimah leponii, ahnyiinii nyiigo kaswisii lungjousii leitangle, nlenii ahnyii hang ai nyiimah makle katu mangou tang karam jangpii tatpat takle.

TIILAMLWI KAPYIIMEI THA JUKAMATI 1:25

Mpoubam toutang karam ai mei hangna kak ki aito tapiigo nangnii kalaipyii bampo katu tei mati pyiilo.

2 THESOLONIKAMEI 2:3

Mei kata kaniido gonyiigo mahjai kata hangninii piiniido chuisii hemsii ngam matu sulo, kadapokii mibamki liit tang karam jangpii mik leeng kabam, kem mah mei tei gong kasuta, Bangpiimah leimik tei gong lakle.

HEBRUMEI 2:13

Nlailoisii mpounii tamle, “Godakii gumah kamalum tei leitangle.” Sateichii nlailoisii mpounii tamle, “Saraanii n-gu pyii kabam nahmeigo kaswisii I-aiki leile.”

JONNII KARYII KABI RASAM JUKAMATI 17:6

“Sazyii pouryiito nangnii gudakii pyiikabam meihang dateikii Inii go zei tei tam mangou takle, ahnyii tei- nii gomahle ninado nangnii ahnyiigo gudakii pyiile sateichii ahnyiinii gosam swiwo takle.

PILIPIMEI 2:9

Teijangpii Saraaniido mpougo sagoisii tam matoi pyiisii, zei hang phyiiryiito kasat zei tei mpou dakii pyiitakle,

MATIMANGOU KAPYII 19:12

Ahmah mik teinii mi mishong takumle, sateichii ahphyii gamkii sagong phyiihung hangtei leile. Sateichii ahnii supii mei kakimei hangninii kaniido tikasu ryiikabam zei hangninii leile.