JONNII KARYII KABI RASAM JUKAMATI 16:10 - KARANU KABI SAMTAM

¹⁰ kasang kamajyii mah kaang kito, dapodinchii Inii Pfiida tat tutang takle sateichii gonyiinii n-gu ngoukai lak takle;

JONNII KARYII KABI RASAM JUKAMATI 16:10 Iomraidhean Croise

1 PITAR 3:18

Kadapokii Saraa dakii pang gong pyii tang karam jangpii, kakui kama meihang jangpii kasang kamajyii katunii, Kristaniido kem jangpii binii taipyii takle hang jangpii; mpougo pumpot lamto tai malei takle, nlenii rangii lamto ringkhii matu takle;

2 KORENMEI 5:21

Krista teinii kem tiisang tiimakle, nlenii nyiinii mpougo kaswisii hangninii tiisii nja kalu kito, Saraamah kasang kamajyii tei nyiinii jaihai matu tang karam jangpii Saraanii mpougo nyii jangpii nyiimah kemtei dou njoi matu takle.

1 TIMOTHI 3:16

Nyiimah dormomah kamakum kathok sam ai kada- ziikapii dipo katu ai meikaniido mazhii kasu tei tiiwo lakle: Mpounii meinah mah pumzai pungsii gong pyiile, kasangle katu tei rangiinii mangoule sateichii sating gamlui hangnii ngoule, mpou go luihang dakii tam ralipyii takle, sateichii sazyii pouryii bamlyii hang kito malum wotakle, sateichii pumtei kava kito sating gam pangkhiitu takle.

1 KORENMEI 1:30

Nlenii Saraanii gonyiigo Krista Jisu dakii poi njapyii takle, sateichii Saraanii nyiijangpii Krista aigo nyiimah swirek kabi tiipyii takle, mpou paikito nyiihang go Saraa doito tiimadi pyiitakle; nyiinii Saraa mah kamateimei tiitakle sateichii matapii laat mpatpyii takle.

TIILAMLWI KAPYIIMEI THA JUKAMATI 3:14

Mpounii mateile ninado bile, nlenii gonyiinii Mpougo mazhiisu wole; ninado gonyiinii gonyii jangpii meigo kagi kabamei hangniniigo mpat pyiilosii gonyiinii Pailat dato khangle.

GALATIMEI 5:5

Kadapokii nyiinii rangii paito kamalumpii kasang kamajyii mah maning kamalum jangpii koileile.

ROMMEI 1:17

Kada- ponii aikikii kamalum kito kamalum jangpii Saraa mah kasang kamajyii tei mangoupyii takle, aitiisii ryii kabam takumpiinii “Kasang kamajyii meinii kamalum kito ringtangle.”

TIILAMLWI KAPYIIMEI THA JUKAMATI 17:31

Kada- pochiinii mpounii kalai kalu sapfii mpou hangninanii sazyii pouryiigo kasang kito samtak tiitang karam leimik hangninii retbam takle. Mpou gotei kataimei kak kito tiimaring kapyii aipiinii meihang dakii malum kabui tei mpounii pyiibam takle.”

TIILAMLWI KAPYIIMEI THA JUKAMATI 7:52

Gonyiipfii gonyiipou meinii tiikamage kasu Lungkakalingmei hangninii kado leigapo? Mpou mah kasang kama- jyiipii gongtanglesii gong kasunato reipii mati kapyii Saraamah sampao kapungmei hang gotei ahnyiinii gitoi aitakle sateichii aitoinii gonyiinii mpougo schoi choikaipyiisii mpougo gitoi aitakle.

TIILAMLWI KAPYIIMEI THA JUKAMATI 2:32

Jisu aigo Saraanii tiimaringpyii takle, tei kaang kito nyiihangnii sakchyii tii- ziile.

JONNII KARYII KABI RASAM JUKAMATI 5:32

Gumah kaang kito sakchyii pyiikalei kaki hangninii leile; sateichii mpounii gumah kaang kito pyiikalei sakchyii tei kasangle katu Inii tile.

JONNII KARYII KABI RASAM JUKAMATI 3:14

Sateichii mpougo kamalum meihangnii kalui kaga karing dou- matu tang karam jangpii,

JONNII KARYII KABI RASAM JUKAMATI 7:33

Teito Jisunii tamle, “Nlailoisii tinglang shangniikii Inii gonyiigo ka- swisii bamsanii, n-gu lang kamagong ahmah bam kitei Inii tat tutangle.

JONNII KARYII KABI RASAM JUKAMATI 16:5

Nlenii aitoinii n-gu lang kamagong ahda I-tat tutang takle, sateichii gonyii kak kito mei kado n-gu Nang kadaki tat tuleziipo? katu n-nhiimakle.

JONNII KARYII KABI RASAM JUKAMATI 16:28

Inii Pfii dato gongle sateichii Inii sazyii pouryii aiki gong takle, nlailoisii Inii sazyii pouryii ai toi aisii Pfiida tat tutang takle.”