JONNII KARYII KABI RASAM JUKAMATI 15:6 - KARANU KABI SAMTAM

⁶ Mei kata hang- ninanii gudato taksupii lei suleponii, ahgo kha takumpii toido toile taido taiga tule; sateichii ahnyiinii teigo tei poi nkom wosii mi sumkii toikaisii rutoi leile.

JONNII KARYII KABI RASAM JUKAMATI 15:6 Iomraidhean Croise

METIU 13:41

Meinah sapfii mpou teinii mpou mah Sating gamlui lang m- mangsii meigo kem kikii chyiikakai mei sateichii kashyii kahong tha katiimei hang go mpoumah sagong sazyii kito poi ndwi wosii ahnyiigo mibam kikii toikai tangle.

METIU 27:5

Sateichii Saraa kamaning ki niteikii sanahgyii hangtei toikai aisii tat tutakle, sateichii mpounii maasii mpouroinapii siikak-tai takle.

METIU 3:10

Aitoidoruibang hang mah maa kikii aryii hoisii bamle, teijangpiinii riiti kabi mati kasu ruibang hang gotei bitoisii misumkii toikai tangle.

METIU 7:19

Riiti kabi mati kasu ruibang hang gotei bitoi aisii mi kikii toikai aitangle.

JONNII KARYII KABI RASAM JUKAMATI 15:2

Gudato kalei ti mati kasu kha hang gotei mpounii tat toileile, sateichii ti kamati kha hang gotei kisii ti mati matutang karam jangpii mpounii tiimateile.

HEBRUMEI 10:27

nlenii mashak kalei teinii Saraago mazhii kasumeigo tiimaga tang karam ngou kahing mah mi ninado samtak katiimah gong kalei gotei hingsii koitang karam tei roitakle.

2 PITAR 2:20

Kadapokii ahnyiinii nyii Bangpii ninado nyiigo keikapyiipii Jisu Kristago tikalu kito sazyii pouryiimah kashyii kahong tha hang kito nlek kalu taito, ahnyiigo kashyii kahong tha kiteikii nlailoisii jum wosii apum tii woleponii, ahnyii jangpiinii nukarei kimah sung kana kitei kisii shyiibui takle.

1 JON 2:19

Ahnyiinii nyii dato tatpat takle, nlenii ahnyiinii nyiimah makle, dapokii ahnyii ai nyiimah leponii, ahnyiinii nyiigo kaswisii lungjousii leitangle, nlenii ahnyii hang ai nyiimah makle katu mangou tang karam jangpii tatpat takle.

MATIMANGOU KAPYII 20:15

Sateichii karingmah larekbung lungkii mei kata hangniniimah zei ryiikabam tei dousuleponii, ah gotei mimah jailungkii toikai aitakle.

MATIMANGOU KAPYII 21:8

Nlenii raikaga, kamalum kaga, ngoukasaba ngam katiimei, meigo kagimei, sapwimei sapfiimei kashyii kahong tha katiimei, ashoi kapoimei, tingtu param hang go kamatamei, ninado kachuimei hang jangpiinii, hangna kashang tiisii katai, mi ninado sulphur piinii shong kalei jailung tei tangle.”