JONNII KARYII KABI RASAM JUKAMATI 15:2 - KARANU KABI SAMTAM

² Gudato kalei ti mati kasu kha hang gotei mpounii tat toileile, sateichii ti kamati kha hang gotei kisii ti mati matutang karam jangpii mpounii tiimateile.

JONNII KARYII KABI RASAM JUKAMATI 15:2 Iomraidhean Croise

METIU 13:12

Kadapokii kaleimei dakii kisii pyii tangle, sateichii mpounii hangka leitangle, nlenii kagamei datonii mpoumah kalei katang teido poitoi aitangle.

METIU 13:33

Mpounii ahnyii dakii ndasam kaki hangninii tamle, “Sating gam sazyii teinii sapwimei hangninanii thokui ajhii hangtum kikii pungtu kasuta, poisii kai kalei ahee aitakumle.”

METIU 15:13

Mpounii khekalatle, “Sating gamto kalei gu pfiinii ling kasu ruibang hang gotei maa pai mpat tangle.”

METIU 21:19

sateichii pwidi kuto kadhiitbang hangninii ngousii mpounii teiki katang tat patle, nlenii mah kado dousutakle, nhii roinii takle. Teito mpounii ruibang gotei tamle, “Nangnii ati matisang matiloi lakle,” teisek-kii kadhiitbang tei kiga takle.

METIU 25:29

Kadapokii kaleimei hang dateikii kisii pyiitangle sateichii mpounii hangka leitangle, nlenii kaga ah dateito ah mah kalei katang tei poitoi aitangle.”

METIU 3:10

Aitoidoruibang hang mah maa kikii aryii hoisii bamle, teijangpiinii riiti kabi mati kasu ruibang hang gotei bitoisii misumkii toikai tangle.

METIU 3:12

Mpoumah marhii tei mpou bah kito leile sateichii mpounii mpoumah lu-thai tei tiimatei sagei aisii mpoumah ati tei athiibou kikii poi ndwi tangle, nlenii araang gamtei miitsang miit kasu mibam kikii toikai aitangle.”

METIU 7:19

Riiti kabi mati kasu ruibang hang gotei bitoi aisii mi kikii toikai aitangle.

MARK 4:20

Sateichii sazyii kabi kikii ralikai kabam ahnyii teinii sam tei shii wosii lungkikii lukai wole sateichii ati tei kangkanii tamrhii, reksiirok, ninado hai katang matile.”

LUKNII KARYII KABI RASAM JUKAMATI 8:13

Kuitu phyiiryii tak kaliit teinii, ahnyiinii kabi rasam tei shiitakle, sateichii ntasii lukaiwo takle. Nlenii maa kaga jangpiinii tinglang shangniikii malumkai takpokii, ajai kaju tinglang gong sek-kii, ahnyii tei koutakle.

JONNII KARYII KABI RASAM JUKAMATI 15:1

“Kasang darkha bangtei I-le, sateichii darkha toipyiilu katiipii tei gu Pfiile.

JONNII KARYII KABI RASAM JUKAMATI 15:16

Gonyiinii n-gu kalai makle, nlenii gonyiinii mangsii ti mati matutang karam jangpii ninado gonyii mah ti tei leimatu tang karam jangpii sateichii gonyiinii gu zei kito Pfii dato kakhang hangtei mpounii gonyiigo teitei pyii matutang karam jangpii, Inii gonyiigo kalai takle ninado bam kaipyii takle.

JONNII KARYII KABI RASAM JUKAMATI 15:3

Inii gonyiigo ralikapyii teipiinii gonyiigo tiimateipyii aitakle.

JONNII KARYII KABI RASAM JUKAMATI 15:6

Mei kata hang- ninanii gudato taksupii lei suleponii, ahgo kha takumpii toido toile taido taiga tule; sateichii ahnyiinii teigo tei poi nkom wosii mi sumkii toikaisii rutoi leile.

JONNII KARYII KABI RASAM JUKAMATI 15:8

Gonyiinii ti hangniikii matisii, aitiisii gonyiinii gumah boumei tiikatu aipiinii gu Pfii mah pumtei kava tei mangoule.

JONNII KARYII KABI RASAM JUKAMATI 17:12

Inii ahnyiigo kaswisii bam kalei tinglang kak, nangnii gudakii pyii kabam ahnyii gotei gozei kito Inii koipyiitakle; sateichii Inii ahnyiigo dengpyiile ninado kabi rasam kito tam kabam tei gong matwi matutang karam jangpii, maga tang karam mah nah sapfiimei tei supiinii, ahnyii mei hangninii kagodo maga makle.

ROMMEI 11:17

Nlenii tingkaa kangkanii tuiga leponii sateichii nangnii Saraa- mah sungchyiibang tiisii ahnyii kak-kii n-go masetkai pyiisii sung- chyiibang mah njai tei ahnyii go kaswisii nangnii dou njoisii leileponii.

ROMMEI 11:22

Teijangpiinii Saraa mah lungkasyii ninado mpou sam kahung tei julo kou kalei meilamkii mpou sam kahung tei pyiile, nlenii nangnii Saraamah lungkasyii kiteito taksupii leileponii, golamkii mpou- mah lungkasyii teitangle; suleponii n-godo that ndangtoi tangle.

ROMMEI 8:28

Sateichii Saraanii mpougo lungkasyiimei hang dakii katunii, mpounii tiimatu kanyii kamaning kamarei kalei tai swisii lat kalumei dakii bitang karam jangpii tha hang kaswisii tiipyiile katu nyiinii tile.

1 KORENMEI 13:1

Inii meinah mah sateichii sating gamlui hang mah lat katham katham tambuisii lei kido malahle, nlenii Inii lungkasyii tei gu dato galeponii, I-ai sagyiikoi kapat mak-kii lak kalei pung hangninii takumle.

TAITAS 2:14

Mpounii nyiigo kakui kama hang kito poi mpatpyii tang karam jangpii satei- chii nyiigo mpou kuto kalei kama- teimei tiimatu tang karam jangpii sateichii tha kabi tiinyii matutang karam jangpii mpou pumsek tei mpounii nyiijangpii pyiile.

HEBRUMEI 12:15

Saraa mah jumage kati kiteito tai nlaitu kasu tiisii machyiigat wolo. Mei kado “kakaabang” hangninii tiisii pokpat ahmah hiikara teipiinii kaki hang- kiigo tiimashyii katu takum matu sulo.

1 JON 2:19

Ahnyiinii nyii dato tatpat takle, nlenii ahnyiinii nyiimah makle, dapokii ahnyii ai nyiimah leponii, ahnyiinii nyiigo kaswisii lungjousii leitangle, nlenii ahnyii hang ai nyiimah makle katu mangou tang karam jangpii tatpat takle.

MATIMANGOU KAPYII 3:19

Inii lungkasyii hang go duido duile, raatdo raatle, teipiinii lungnhiilo sateichii lung kaliwolo.