JONNII KARYII KABI RASAM JUKAMATI 13:4 - KARANU KABI SAMTAM

⁴ tingkhii malot poileibangpii, gungkhii sat tosii, mpoumah peimani tei kai aisii, mpounii peichetna hangninii poisii kiiki kikii haikang wotakle.

JONNII KARYII KABI RASAM JUKAMATI 13:4 Iomraidhean Croise

LUKNII KARYII KABI RASAM JUKAMATI 12:37

Apumpiinii nlai kagong tinglang kak kikaleimei mik raksii ninado tiidasii kalei dou kalumei tei doibile. Inii gonyii dakii kasangpii tam leile, mpounii peijou loktoi takpokii, chiitang karam jangpii ahnyiigo mbam siinii mpounii patsii ahnyiigo nga ngapyii tangle.

LUKNII KARYII KABI RASAM JUKAMATI 17:7

“Sateichii goki kaleipii teinii lu raksii mak-kii Jao koikaleipii teinii lu kito nlai kagong kak, ‘kalangsii liitlo, bamsii chiitulo, sii mpou dakii tamtang karam mei gonyii kakto ta leipo’?

LUKNII KARYII KABI RASAM JUKAMATI 17:8

Tei tungpii, Inii chii tang karam jangpii nang tiikadalo; ‘Inii chii sang sak sang kasuta gu nga ngalo, tei tainii chii sak losii mpou dakii tam lakpo’?

LUKNII KARYII KABI RASAM JUKAMATI 22:27

Kadapochiinii kadapii bibwipo, kachii tinglang kak bam kajyiipii tei manii, mak-kii nga nga kajyiipii teipo? Kachii tinglang kak bam kajyiipii tei makpo? Nlenii Inii gonyii kakto nga kangamei hangninii takumle.

JONNII KARYII KABI RASAM JUKAMATI 13:12

Mpounii ahnyii pi katha kapyii tei sang aisii mpoumah nat tei kai wosii, mpoubam kitei bamloi wosek- kii, mpounii ahnyii dakii tamle, “Inii gonyii dakii tiikapyii tei gonyii timakpo?

2 KORENMEI 8:9

Kadapokii nyii Bangpii Jisu Kristamah jumage kapyii tei gonyiinii tile, katunii mpounii mah nisii leikado mpoumah mah kaga teipii gonyiinii mahni kabui tiisii, gonyii jangpii mpounii mah kagamei tiipyii takle.

1 JON 3:11

Kadapokii “Hangninanii hang- niniigo nyiinii kalungsyii tang karamle,” katu ai saroisekto gonyii- nii shiikalu samtam teile.