JONNII KARYII KABI RASAM JUKAMATI 11:2 - KARANU KABI SAMTAM

² Meri katupei ai Bangpii mah pi pazhii kikii kairum kabi thao ruikaipyiisii mpoupei mah aphyiitaampii piit mathang kapyiipei teile, ranisii kabam tei mpoupei hiipii Lazarus teile.

JONNII KARYII KABI RASAM JUKAMATI 11:2 Iomraidhean Croise

MARK 14:3

Sateichii mpounii Betani ki kabam kak, tiigyiira tchiisii kaleipii Simon kilungto mah chiisii kalei tinglang kak, sapwimei hangninanii kairum kabi mai kating thao kui- tubung hangninii poisii gongle; sateichii mpoupeinii thao bung tei tiipaksii mpou phyii gamkii rui- kaipyii takle.

LUKNII KARYII KABI RASAM JUKAMATI 7:13

Sateichii bangpiinii mpou- peigo ngou wosii mpou lungtei mpou- peigo lungkasyii piinii tokryiisii mpoupei dakii tamle, “Hatsulo”.

LUKNII KARYII KABI RASAM JUKAMATI 7:19

sateichii sam n-nhii tang karam jangpii Bangpii dakii mpounii lang matu takle: “Gongtang lesii Jon dwi mpum kapyiipanii tam kalei tei nang manii mak-kii, nyiinii kakimeigo koitangpo?”

JONNII KARYII KABI RASAM JUKAMATI 11:21

Marthanii Jisu dakii tamle, “Bangpii, nang aiki leileponii, gu hiipii tei tailak takle.

JONNII KARYII KABI RASAM JUKAMATI 11:3

Teipiinii mpou taipwi kana teinii Jisu dakii sam tam magongsii tamle, “Bangpii nangnii lungkasyii go kangpii tei ranisii bam takle.”

JONNII KARYII KABI RASAM JUKAMATI 11:32

Jisunii kalei nitei Merinii gongsanii mpougo ngou wosek-kii, mpou doitei koumang sanii tamle, “Bangpii nang aiki leileponii, gu hiipii tei tailak takle.

JONNII KARYII KABI RASAM JUKAMATI 12:3

Teito Merinii kama- tei nard mah maikateeng kamanuk thao ser aphang hangninii poigong sanii, Jisu mah pi pazhii kikii manuk kaipyii takpokii, mpoupei mah phyii- taam teipii mpou pi tei piit mateipyii takle, sateichii ki kalung tei gam kamanuk mah kei manam kabi tei- piinii tokryii takle.

JONNII KARYII KABI RASAM JUKAMATI 13:13

Gonyiinii n-gu madhii- kapyiipii ninado Bangpii latle satei- chii gonyii teitei tiikatu tei kasangle, dapokii teitei I-sekle.

JONNII KARYII KABI RASAM JUKAMATI 13:14

Teijangpiinii gonyii mah madhiikapyiipii ninado Bangpii, Inii gonyii pi katapyii leponii, gonyiido hangninanii hang- ninii pi katapyii tang karamle.