JONNII KARYII KABI RASAM JUKAMATI 1:45 - KARANU KABI SAMTAM

⁴⁵ Filipnii Nathanel go ngou wosii mpou dakii tamle, “Mosesnii ajaitingshang kikii ryii kabam Mpou gotei nyiinii dou wotakle teinii Joseph nah sapfii mpou Nazaret ki Jisu teile.”

JONNII KARYII KABI RASAM JUKAMATI 1:45 Iomraidhean Croise

METIU 10:3

Filip ninado Bartholomio; Thomas ninado aha kahapii Metiu; Alfaiyas nah sapfii mpou Jems ninado Tadios;

METIU 13:55

Ai-ai ating mah chem mara tiisii kaleipii nah sapfii mpou chiimakde? Mpou-pwitei Meri sii lat makde? Sateichii mpou sanamei tei Jems, Joseph, Simon ninado Judas tei makde?

METIU 2:23

Sateichii Lungkakalingmeinii tam kabam: “Mpougo Nazaretmei sii lat tanglesii” katam tei gong matwi matutang karam jangpii Nazaretsii kalat namdi kitei mpounii gong lungtu takle.

METIU 21:11

Sateichii meimoi teinii “Ai ai Galili sazyii kito kalei Nazaret kito kagong Lungkakalingpii Jisu teilesii tamle.”

MARK 14:67

sateichii Pitarnii mi lumsii kalei tei ngou wosanii mpoupeinii mpougo jusii tamle, “Nangdo Nazaret ki Jisugo kaswi kalei meile.”

MARK 6:3

Aipou ai tingchem kachempii Meri-nah sateichii Jems, Joses sateichii Simon sung katingpii tei makde? Sateichii mpou-taipwimei hangdo nyiigo kaswisii lunglei makde?” Aitiisii ahnyiinii Jisugo mazhii sutakle.

LUKNII KARYII KABI RASAM JUKAMATI 18:37

Ahnyiinii mpougo tamle, “Naza- ret ki Jisu tat gong leile.”

LUKNII KARYII KABI RASAM JUKAMATI 2:4

Sateichii Joseph teido Galili kito kalei Nazaret namdi kiteito, Judiya sazyii lungto kalei, Devit nam namdi Bethlehem sii kalat nitei tat pile, kadapochiinii mpou ai Devit mah atat areng sateichii kalungmei patle.

LUKNII KARYII KABI RASAM JUKAMATI 2:48

Sateichii ahnyiinii mpougo ngou- wo sek-kii, sung gasanii pwinii mpou dakii tamle, “Gunah nangnii nyii dakii aitii kalei ai dajangpiipo! julo, Go Pfii neinii swi kamagesii n-gu fii leile.”

LUKNII KARYII KABI RASAM JUKAMATI 24:27

Sateikii Moses dato sateichii Lungkakalingmei hang dato haosii mpou kaang kito kabi rasam hang kito kalei tei mpounii ahnyii dakii laat mpatpyii takle.

LUKNII KARYII KABI RASAM JUKAMATI 24:44

Sateichii mpounii ahnyii dakii tamle, “Inii gonyiigo kaswisii lung kalei kak, Inii gonyiigo kaswisii karashii kalu samkang hangtei aile, katunii, gu kaang kito Moses mah ajaitingshang kito, Lungkakalingmei sateichii tam kamatoi lhiibung kikii ryii kabam matum madum hangtei madou gong matu tangle.”

LUKNII KARYII KABI RASAM JUKAMATI 3:23

Sateichii Jisunii tha tiikahao kak ai, mpou tingkum tamrhiikii takle, Mpou ai meinii maning kalei takumpii Joseph nah sapfii mpoule, Joseph nii Heli nah sapfii mpoule,

LUKNII KARYII KABI RASAM JUKAMATI 4:22

Sateichii ahnyiihangnii mpou kaang kito kabi tei karashiile satei- chii mpou mwi kito kapat lungkasyii sam gotei shii sii sung gasii tamle, “Ai-ai Joseph nah sapfii mpou tei makpo?”

JONNII KARYII KABI RASAM JUKAMATI 1:44

Filipnii Andru nei Pitar mah namdi Bethsaida kitole.

JONNII KARYII KABI RASAM JUKAMATI 12:21

Teipiinii ahnyii teinii Galili kito kalei Bethsaida ki Filipda gong- sanii mpou dakii tamle, “Madhiika- pyiipii, nyiinii Jisugo junyiile.”

JONNII KARYII KABI RASAM JUKAMATI 14:8

Filipnii mpou dakii tamle, “Bang- pii, Pfii gotei nyii dakii mangoulo, sateichii tei tei nyiinii maraile.”

JONNII KARYII KABI RASAM JUKAMATI 18:5

Jisunii ahnyii dakii tamle, “Mpou tei I-le” sateichii mpougo schoi choikakaipii Judasdo ahnyiigo kaswisii satle.

JONNII KARYII KABI RASAM JUKAMATI 18:7

Nlailoisii mpounii ahnyiigo n-nhiitakle, “Gonyii tago fiileipo?” teito ahnyiinii tamle, “Nazaret ki Jisu gole.”

JONNII KARYII KABI RASAM JUKAMATI 19:19

Sateichii Pailatnii azei hangninii ryii wosanii krosh gamkii kaipyii takle, ryii kabam teinii: “Nazaret ki Jisu, Jehudimei mah sagong,” katu aile.

JONNII KARYII KABI RASAM JUKAMATI 21:2

Saimon Pitar, (mbiitnah sii kalat) Thomas, Galili kito kalei Kena mpfii Nathanel, Zebedinah sapfiimei hang, ninado mpou boumei kaki hangna, ahnyii ai kaswisii leile.

JONNII KARYII KABI RASAM JUKAMATI 6:42

Ahnyiinii tamle, “Ai nyiinii mpou pwi mpou pfiigo tisii kalei, Joseph nah sapfii mpou teimakde? Inii sating gamto humlesii aitoi mpounii kada takumpii tamleipo?”

JONNII KARYII KABI RASAM JUKAMATI 6:5

Teipiinii Jisunii rajang makhii, meimoinii mpouda gongkalei tei ngou wosii Filip dakii tamle, “Ahnyiinii chiitang karam jangpii nyiinii kada kito lyiitangpo?”

JONNII KARYII KABI RASAM JUKAMATI 6:7

Filipnii mpougo khekalatle, “Dinar haina mai tiirok lyiichiido ahnyii meihangnii cheng chengna kachiido buiwolakle.”

TIILAMLWI KAPYIIMEI THA JUKAMATI 10:38

teiteinii Nazaret ki Jisu rasam teile, kada takumpii mpougo Saraanii rangii kamatei ninado teimahampii thao manuk kaipyiisii mpounii tatsii tatsii tha kabi tei tiiwopo sateichii sara kashyiinii kaswi kaleimei go tii mbipyiipo katu teile; kadapokii Saraanii mpougo kaswipyiisii leile.

TIILAMLWI KAPYIIMEI THA JUKAMATI 2:22

“He Isrelmeinah, sam hang ai shiipyiilo–Nazaretki Jisu, Saraanii gonyii kak kito mpou tha kadi ninado kamadat tha hang sateichii tiika- mangou hang kamangou, teipiinii mpou ai Saraanii mazhii kapyiimeile katu tei gonyii pum sekpiiniido tile.

TIILAMLWI KAPYIIMEI THA JUKAMATI 22:8

Teito Inii khekalatle, ‘nang tapo, Bangpii?’ Teito mpounii gudakii tamle, ‘nangnii tiikamagesii kalei Nazaret ki Jisu tei I-le.’

TIILAMLWI KAPYIIMEI THA JUKAMATI 26:9

“Nazaret ki Jisu zeigo mazhii kasu tha hangtei tiitang karamlesii Inii gupum sekpiinii tiigatpii maningle.

TIILAMLWI KAPYIIMEI THA JUKAMATI 3:6

Nlenii Pitarnii tamle, “Gumah seh sana ninado kani kahii gale, nlenii gumah kabam hangtei Inii godakii pyii leile Nazaret ki Jisu krista zei kito gungtusii tat tulo.”