JONNII KARYII KABI RASAM JUKAMATI 1:34 - KARANU KABI SAMTAM

³⁴ Inii ngoutakle ninado Saraa nah sapfii mpou teilesii Inii sakchyii pyii takle.”

JONNII KARYII KABI RASAM JUKAMATI 1:34 Iomraidhean Croise

METIU 11:27

“Mahlyiihang gu pfiinii gudakii pyiibam takle; sateichii pfii tei supiinii Nah sapfii mpou gotei mei kaniido timakle, sateichii nah sapfii mpou tei supiinii Pfii gotei mei kaniido timakle sateichii Nah Sapfii mpou teinii kata hangninii dakii mpougo mati mangou tang karam jangpii kalai wokalu teisupii, mei kaniido Pfiigo timakle.

METIU 16:16

Simon Pitarnii khekalatle, “Nang karing Saraanah sapfii mpou teile.”

METIU 17:5

Mpounii tam leibangpii julo, vakabi mongjyii hangninanii ahnyiigo gomnei wotakle, sateichii julo, mongjyii kiteito rok hangninanii tamle, “Ai ai Inii lungkasyii gunah sapfii mpou teile; Inii mpougo hangkapii lung mangle, gonyii mpounii katam tei shiilo!”

METIU 26:63

Nlenii Jisunii malhii sutakle sateichii Tingditupii teinii mpou dakii tamle, “Saraa nah sapfii mpou Krista tei nangle katu, nang makle katu nyii dakii tam matutang karam jangpii karing Saraa zei kito Inii n-go riishii n-nhii leile.”

METIU 27:40

“Saraa kama- ning ki tiimagasii leimik hangtum lung kikii tiimakhii kabuipii nang, goroinapii n-go kei wolo, nang Saraa nah sapfii mpou lepochiinii, krosh gam teito hum wolo.”

METIU 27:43

Mpounii Saraa go malumle, sateichii Saraa nah sapfii mpou lesii tamle, bitakle, teitii leponii Saraanii mpougo aitoi keikapyii nyiinii jude.”

METIU 27:54

Sateichii saryiimei mei hai phyiiryii kasatpii nei mpougo kaswisii Jisugo koikalei mei teinii malyii kachyii ninado pat kalei hangtei ngou wosek-kii, hangkapii hingsii tamle, “Kasangpii mpou ai Saraa nah sapfii mpoule!”

METIU 3:17

sateichii’ julo, sating gamto rok hangninanii tamle, “Ai ai Inii lungkasyii gunah sapfii mpou teile, Mpougo Inii hangkapii lung- mangle.”

METIU 4:3

Teito Seitan teinii mpouda gongsii “Nang Saraa nah Sapfii mpou lepochiinii, kuitu hang ai tiirok ndat tolosii kakhatlo,” sii tamtakle.

METIU 4:6

mpoudakii tamle, “Nang Saraa nah sapfii mpou lepochiinii, goroinapii saimanglo; kadapokii aitiisii ryiibamle, ‘Saraanii mpoumah sating gamluigo gojangpii lang m-mang pyiisii,’ kuitu gamkii gopi deng matulak tang karam jangpii ahnyiinii n-go ahnyii bahpiinii jum matupyii tangle.”

METIU 8:29

Sateichii julo, ahnyiinii saa mpatle, “He Saraa nah Sapfii mpou, nangnii nyiigo kaswisii kadapei tiitang karam leipo? Tinglang tei gong kasunakii nangnii nyiigo tiimagapyii lesii aiki gonglei takpo?”

MARK 1:1

Ai ai Saraa nah sapfii mpou Jisu Krista mah kabi rasam abangle.

MARK 1:11

Sateichii sating gamto kahum rok hangninii shiile, “Nang ai Inii lungkasyii Gunah sapfii mpou teile, Inii go phyiiryiikii hangkapiinii lung mangle.”

LUKNII KARYII KABI RASAM JUKAMATI 1:35

Teito Sating gamlui teinii mpoupei dakii tamle, “Rangii kama- tei teinii go phyiiryii humpyii tangle, Sateichii sagoi kaki mah teimaham teipii n-go akhii lakpyii tangle; teijang teipii lungtang karam nah tei Saraa nah, kamatei sii lat tangle.

LUKNII KARYII KABI RASAM JUKAMATI 3:22

sateichii rangii kamatei teinii Sararuinah pum takumpii mpou phyiiryii humle, sateichii sating gamto rok hangninii humle, “Nang ai Inii lungkasyii Gunah sapfii mpou teile, Inii n-go hangkapii lung mangle.”

JONNII KARYII KABI RASAM JUKAMATI 1:18

Saraago mei kaniido ngousang ngoumakle, Saraago njoisii kalei, Pfii dato kalei, nah sapfii mpou teinii mpougo mati mangou pyiile.

JONNII KARYII KABI RASAM JUKAMATI 1:49

Nathanelnii mpougo khekalatle, “Rabbi,” (katunii Madhiikapyiipii) “Nangnii Saraa nah sapfii mpou teile, Nang Isrelmeinah mah Sagongle.”

JONNII KARYII KABI RASAM JUKAMATI 10:30

I ninado Pfii teinii hangniniile.”

JONNII KARYII KABI RASAM JUKAMATI 10:36

Inii Saraa nah sapfii mpoulesii Inii tam katu jangpii, Pfiinii kalai wosii sazyii pouryiikii lang m-mang kapyii ah gotei, nang Saraago tam mashyiilesii mpoumah kaang kito gonyiinii tam leipo?

JONNII KARYII KABI RASAM JUKAMATI 11:27

Mpoupeinii mpou dakii tamle, “Nle malumle Bangpii, Nangnii Saraa nah sapfii mpou Krista, sazyii pouryii gongtang karampii teile katu Inii malumle.”

JONNII KARYII KABI RASAM JUKAMATI 19:7

Jehudimeinii mpougo khekalatle, “Nyiimah ajaitingshang leile sa- teichii teimah ajaitingshang taiswisii mpounii taitang karamle. Dapochii- nii mpou roinapii mpougo Saraa nah sapfii mpou tiitakle.”

JONNII KARYII KABI RASAM JUKAMATI 20:28

Thomasnii mpougo khekalatle, “Gu Bangpii ninado gu Saraa!”

JONNII KARYII KABI RASAM JUKAMATI 20:31

nlenii Jisu ai Saraa nah sapfii mpou Kristale katu tei gonyiinii malum matutang karam jangpii sateichii malum wosii gonyiinii mpou zei kito karing tei doumatutang karam jangpii aihang ai ryiikai bamle.

JONNII KARYII KABI RASAM JUKAMATI 6:69

Sa- teichii nangnii Saraa mah kamatei teile katu nyiinii malum wotakle ninado titakle.”

ROMMEI 1:4

sateichii kamateimah rangii reng lamgpangto mpounii katai kito ringkhii kalu kito teimaham go kaswisii Saraa nahle katu tei mangoupyii takle, teitei nyii Bangpii Jisu Kristale;

2 KORENMEI 1:19

Kadapokii Silvanasnii, Timothinii sateichii Inii gonyii kak kikii tam rali kapyii Saraa nah sapfii mpou Jisu Krista, teinii “nle” katu sateichii “makle” katupii tei makle; nlenii mpounii Saraa mah “nle” katupii teile.

HEBRUMEI 7:3

Melkizedek pfii mak-kii, pwi mak-kii, mpoumah peipaomei hangninii mah kado ryiidek kabam tei gale, mpougo kalung mak-kii katai tinglang mah ryiidek kabam tei gale, mpounii Saraa nah sapfii mpou takumle; kalui gasii mpounii kanat kajum atingmei hangninii tiisii bamle.

1 JON 2:23

Nah sapfii mpougo mazhii ka- sumei hangteinii pfiigodo doumakle, nah sapfii mpougo kamazhii ah teinii pfiigodo doule.

1 JON 3:8

Kem katii ahteinii seitan datole, dapokii seitannii saroisekto kem tiile. Seitanmah tha tei tiimaga tang karam jangpii, Saraanah sapfii mpou gotei magongle.

1 JON 4:9

Sateichii mpounah sapfii mpou fiilipiigo sazyii pouryiikii lang m-mangkapyii teipii Saraanii nyii jangpii mpoumah lungkasyii tei mangoule, dapokii mpoumah paikito nyiinii karing tei doumatu tang karam jangpiile.

1 JON 5:20

Teito Saraa nah sapfii mpounii gongpyiile sateichii kasang ah gotei tiimatu tang karam sateichii mpounah sapfii mpou Jisu Krista, kasang ah dato nyii leile katu timatu tang karam jangpii, nyii dakii swikati pyiitakle katu nyiinii tile. Kasang Saraa ninado kalui kaga karing tei aile.

2 JON 1:9

Mei kata hangninanii Kristamah karali gotei kaswisii leikasu, nlenii teigo majusii tat kalei teinii Saraago doumakle. Kristamah karali kito kaleimei hang teinii Pfii godo, nah sapfii mpou godo doule.

MATIMANGOU KAPYII 2:18

“Sateichii Thyatira kito kalei Charshmah rangii dakii ryiilo: mi mishong takum katu mik kapung ninado piitmatei kalei kamaleek sa- nahgyii takumpii vakalei pi kouzhii kapung, Saraa nah sapfii mpou teinii sam hang ai tam leile.