JONNII KARYII KABI RASAM JUKAMATI 1:1 - KARANU KABI SAMTAM

¹ Karei reisang kito samtam tei leile, samtam tei Saraago kaswisii leile, sateichii samtam tei Saraale.

JONNII KARYII KABI RASAM JUKAMATI 1:1 Iomraidhean Croise

METIU 1:23

“Julo, ralhiipei kamatei pei teinii moi mpungsii, nah sapfiimei hangninii lung tangle, sateichii ah- nyiinii mpou zei tei Immanual lattangle” (teimah kaangnii, “Saraanii nyiigo kaswileile”).

LUKNII KARYII KABI RASAM JUKAMATI 24:53

Sateichii ahnyiinii Saraa kama- ning kilungto taksupiinii Saraago tam matoisii bamle.

JONNII KARYII KABI RASAM JUKAMATI 1:14

Samtam teinii pumzai ndat totakle, sateichii jumage kapyii ninado kasang teipii tokryiisii nyiikak kito lungle, Pfii mah nah sapfiimei hangniniisang hangninii roinii tiisii kalei pumtei kava takumpii nyiinii mpoumah pumtei kava tei ngoutakle.

JONNII KARYII KABI RASAM JUKAMATI 1:18

Saraago mei kaniido ngousang ngoumakle, Saraago njoisii kalei, Pfii dato kalei, nah sapfii mpou teinii mpougo mati mangou pyiile.

JONNII KARYII KABI RASAM JUKAMATI 1:2

Karei reisang kito mpounii Saraago kaswisii leile;

JONNII KARYII KABI RASAM JUKAMATI 16:28

Inii Pfii dato gongle sateichii Inii sazyii pouryii aiki gong takle, nlailoisii Inii sazyii pouryii ai toi aisii Pfiida tat tutang takle.”

JONNII KARYII KABI RASAM JUKAMATI 17:5

Sateichii Pfii-o, sazyii pouryii tii mpat kasuniito n-gu kaswisii leikatu gumah pumtei kava teipiinii godoito aitoi n-gu pumtei kava tei pyiilo.

JONNII KARYII KABI RASAM JUKAMATI 20:28

Thomasnii mpougo khekalatle, “Gu Bangpii ninado gu Saraa!”

JONNII KARYII KABI RASAM JUKAMATI 8:58

Jisunii ahnyii dakii tamle, “Kasang kasangpii Inii gonyii dakii tam leile, Abraham go lung kasuniito I-leile.”

ROMMEI 9:5

Ahnyii teinii Hebrumei peipao dato lung humle, sateichii meinah hangninii tiisii Krista tei, ahnyii mah atat areng kitole, kalei kaga hang pyiiryiito apum tiikalei Saraago tei kalui gasii tam matoi matulo. Amen.

IPISAMEI 3:9

Sateichii mahlyii hang go tii mpat kapyii Saraa dato tat tukalei tinglang kareiki Saraamah tiitang lesii raang kabam kamakum kabai kabam tei kadapeipo katu meihang go ngoumatu tang karam jangpii,

PILIPIMEI 2:6

Mpounii Saraamah jailui kito tinglang kaleita leile, nlenii pumtei tiisii mpounii Saraago kamasam tang karam tei mpounii maning makle.

KOLOSIMEI 1:15

Krista ainii meinah mikpii ngoukasu Saraa njoi karei mikpii kangou teile. Mpou ainii baichem lyiihang phyiiryii kasat, manaa karei nah sapfii mpou teile.

KOLOSIMEI 1:17

Kristanii mahlyiihang doireisii leile, sateichii mpou dato mahlyii- hang jum njabamle.

1 TIMOTHI 3:16

Nyiimah dormomah kamakum kathok sam ai kada- ziikapii dipo katu ai meikaniido mazhii kasu tei tiiwo lakle: Mpounii meinah mah pumzai pungsii gong pyiile, kasangle katu tei rangiinii mangoule sateichii sating gamlui hangnii ngoule, mpou go luihang dakii tam ralipyii takle, sateichii sazyii pouryii bamlyii hang kito malum wotakle, sateichii pumtei kava kito sating gam pangkhiitu takle.

TAITAS 2:13

Nyiimah Saraa kadi sateichii Keikapyii Jisu Kris- tamah pumtei kava tei kadadou gong tangposii, nyiinii maning malumsii kalei satoi kapyii leimik piinei gotei nyiinii koikalei kak.

HEBRUMEI 13:8

Jisu Kristanii ndaneido, ting- neido kalui kaga tinglang katangdo njoile.

HEBRUMEI 7:3

Melkizedek pfii mak-kii, pwi mak-kii, mpoumah peipaomei hangninii mah kado ryiidek kabam tei gale, mpougo kalung mak-kii katai tinglang mah ryiidek kabam tei gale, mpounii Saraa nah sapfii mpou takumle; kalui gasii mpounii kanat kajum atingmei hangninii tiisii bamle.

2 PITAR 1:1

Jisu Krista kikalei ninado tiilamlwi kapyiimei tha tiisii kalei Saimon Pitar Inii nyii Saraa, nyii Bangpii Jisu Kristamah kasang kamajyii kito nyiigo kaswisii maikateeng njoi katu kamalum dou njoi kalumei hang dakii:

1 JON 5:20

Teito Saraa nah sapfii mpounii gongpyiile sateichii kasang ah gotei tiimatu tang karam sateichii mpounah sapfii mpou Jisu Krista, kasang ah dato nyii leile katu timatu tang karam jangpii, nyii dakii swikati pyiitakle katu nyiinii tile. Kasang Saraa ninado kalui kaga karing tei aile.

1 JON 5:7

Sateichii sakchyii tei rangiile, dapodinchii rangii teinii kasangle.

MATIMANGOU KAPYII 1:11

“Nangnii ngou- kalei hangtei larek kikii ryii wosii Charsh sana dakii, katunii, Ipisa kikii, Smarna kikii, Pergamam kikii, Taiyatira kikii, Sardis kikii, Philadelphiya kikii, ninado Laodisiya kikii teitei matat ailo.”

MATIMANGOU KAPYII 1:17

Inii mpougo ngou wosek-kii kataimei takumpii Inii mpou doito koumang takle. Sateichii mpounii mpou bah ajiilam tei guphyiiryiikii poikai pyiisii tamle, “Hingsulo, karei ninado kana tei Ile,

MATIMANGOU KAPYII 1:2

Mpounii Saraamah samtam mah ninado Jisu Kristamah sakchyii mah kaang kito, katunii mpounii ngou- kalu hangmah kaang kito sakchyii pyiitakle.

MATIMANGOU KAPYII 1:8

Tingneishang, ndoushang ninado sushang gongtang karam kadi kathang, Saraa Bangpii teinii tamle, “Karei ninado kana tei Ile.”

MATIMANGOU KAPYII 19:13

Zaipiinii towkabam peimani tei Ahnii kai leile sateichii Ahzei teinii “Saraamah samkang sii” latle.

MATIMANGOU KAPYII 2:8

“Smarna charshmah rangii dakii ryiilo: katai kito ringkhii kalu karei ninado kana, Ah teinii sam hang ai tam leile.

MATIMANGOU KAPYII 21:6

Sateichii ahnii gudakii tamle, “Ai tiisangtakle, Inii karei ninado akat, kahou ninado kalui teile. Karingmah dwipok kiteito kasaryiimei hang go Inii matapii pyiisak tangle.

MATIMANGOU KAPYII 22:13

Inii Alpha ninado Omega, karei ninado akat, kahou ninado kalui teile.”

MATIMANGOU KAPYII 3:14

“Laodisiya, kito kalei Charsh- mah rangii dakii ryiilo, Amen sii kalat, malum kabui ninado kasang sakchyii Saraa baichem mah apum katii Ah teinii sam hang ai tam leile.