JEMS 5:7 - KARANU KABI SAMTAM

⁷ Teijangpii gukangsanamei, Bangpii gong kasuta lung leh kati tei leilo. Julo, tha kathamei hangninanii mpoumah sazyiimah ti mati matu tang karam jangpii mpounii daziikapii lung lehtisii koisii leipo? Hiiboi tingryii karei ninado hiiboi tingryii kana gotei mpounii lung lum kasarhiisii koileile.

JEMS 5:7 Iomraidhean Croise

METIU 16:27

Kadapokii meinah sapfii mpou teinii mpou pfii mah pumtei kava kito mpoumah sating gamlui hang go kaswisii gong tangle, sateichii tei tinglangki meihang dakii mpou mpoumah tha taiswisii alangh pyii tangle.

METIU 16:28

Inii gonyii dakii kasangpii tam leile, aikito sat kalei ahnyii kangkanii, meinah sapfii mpou teinii sagong tiisii kagong tei ngou kasuta tailakle.”

METIU 24:27

Kadapokii leimik kapat lamto sating kapeek sek-kii leimik kaliit- lam katang vakatu takumpii meinah sapfii mpou tei gong tangle.

METIU 24:44

Teijangpii gonyiido tiikada tang karamle, kada- pokii gonyiinii maning kasu tinglang ki meinah sapfii mpou tei gong tangle.

LUKNII KARYII KABI RASAM JUKAMATI 18:8

Inii gonyii dakii tam leile, Mpounii ahnyii jangpii kalangsii tiiha tangle. Nlenii Meinah Sapfii Mpou teinii kagong tinglangki Sazyii pouryiito kamalum tei doutangpo?”

LUKNII KARYII KABI RASAM JUKAMATI 21:27

Tei tinglangki meinah sapfii mpou teinii mpou mah pumtei kava ninado tei maham kadigo kaswisii mongjyii kito kagong tei ahnyiinii ngoutangle.

LUKNII KARYII KABI RASAM JUKAMATI 8:15

Sazyii kabiki tak kaliit lwirou hangteinii, samtei shiiwo takpokii, katam kaswi ninado kabi lung kikii lukai wosii leh katipanii ati kamati ahnyii aile.”

JONNII KARYII KABI RASAM JUKAMATI 21:22

Jisunii mpou dakii tamle, “Inii gong kasuta mpounii leikatu ai Inii kamaning kamazhii leponii, teiteinii godato kadatakum tangpo? Gutai swi wolo!”

JONNII KARYII KABI RASAM JUKAMATI 21:23

Teijangpiinii boumei aipou ai tailakle katu sam ai kangsanamei kak kito tam kahitu takle; nlenii mpou ai tailakle katu Jisunii mpou dakii tam makle, nlenii “Inii gong kasuta mpounii leikatu ai Inii kamaning kamazhii leponii, teiteinii n-go kadapei tiipo?” siile.

ROMMEI 15:4

Kadaponii kabi rasam kito ryiikabam mah leh kati sateichii lung tiimadi kapyii paikito nyiinii maning kamalum tei doutang karam jangpii leimik karei kito ryii kabam hangtei nyiigo ralipyii tang karam jangpii ryiibam takle.

ROMMEI 2:7

Mei kangkanii tha kabi tei tiisii tiisii pumtei kava go sadzyii ngariit katiigo, sateichii gakalak karing go fiisii bamle. Ahnyii dateikii Saraanii kalui kaga karing tei pyii tangle.

1 KORENMEI 1:7

Teipiinii nyii Bangpii Jisu Kristago mangou tang karam jangpii koisii koisii gonyiinii rangiimah luha dou- tang karam samah kado tangkasu tiimakle;

GALATIMEI 5:5

Kadapokii nyiinii rangii paito kamalumpii kasang kamajyii mah maning kamalum jangpii koileile.

GALATIMEI 6:9

Teijangpiinii kabi tha katii kiteito nyiinii laksude. Kadapokii nyiinii lung nkhii suleponii, nyiinii rachet tang karam tinglang kabi tei gongtangle.

KOLOSIMEI 1:11

Ka-nta tei njasii lunglum kati sateichii lungleh kati hang kito, mpoumah pumtei kavamah teima- ham taiswisii pumtei hang teipiinii gonyiigo tiisangting pyiisii,

1 THESOLONIKAMEI 1:3

Kadapokii gonyiimah kamalum tei dakumpii poisii tha tiileipo, gonyii mah lungkasyii teinii dakumpii gonyiigo teisii tha tiimatupo, satei- chii nyii Bangpii Jisu Krista dakii gonyii maning kamalum tei daziikapiinii sangtingpo katu tei nyiinii maningle.

1 THESOLONIKAMEI 2:19

Kadapokii nyii Bangpii Jisunii kagong tinglang kak mpou doito nyiimah maning kamalum, ka-nta mak-kii detdi tang karam kaang tei kadapeipo?

1 THESOLONIKAMEI 3:13

Aitiisii nyii Bangpii Jisunii mpoumah kama- teimei hang go kaswisii kagong ki, nyii Pfii Saraa doito mpounii gonyiigo sajek gasii kamatei kito tiisangting pyiitangle.

HEBRUMEI 6:15

Sateichii aitiisii mpounii lung lehti sii leh kalu kito riishii tiikapyii tei doutakle.

JEMS 4:11

Kangsanamei, hangninanii hang- ninii phyiiryiikii sam kashyii tam sulo, Kangsanapii phyiiryiikii sam kashyii katam mak-kii kangsanapii go samtak katii ah teinii ajaiting- shang go tam mashyii leile sateichii samtak tiileile, gonyiinii ajaiting- shang go samtak tiileponii, gonyiinii ajaitingshang tai kaswimei makle, nlenii ajaitingshang go samtak katiimeile.

JEMS 5:10

Kangsanamei, Bangpii zei kito katam lungkakaling- mei hang gotei maning gonglo. Ahnyii gotei kamage kalak kadou sateichii lung leh katimah nda tiikamangou hangninii tiisii poipyiilo.

JEMS 5:3

Gonyiimah sanah ninado sana raguiba hangtei dwihet tiiga takle, sateichii teimah dwihet katii hang teinii gonyii phyiiryiikii sakchyii tiitangle, sateichii mi takumpii gonyiimah pumpot tei chii tangle, gonyiinii tinglang kareiki kani kahii poi nduibam takle.

2 PITAR 3:4

“Mpou gong tang- lesii mpounii riishii tiibam makpo? Mpou kadaki leikhe? Nyiipei nyiipaomei hang taitu takle, nlenii mahlyii hangtei sazyii pouryii tii ka-mpat sekto rei njoihumle.”