JEMS 5:16 - KARANU KABI SAMTAM

¹⁶ Teipiinii gonyiigo tii-mbi- pyii matu tang karam jangpii, gonyii hangninanii hangninii dakii kama tei tam mpatsii hangninanii hangninii jangpii riita pyiilo. Kasang kama- jyiimei mah riita kakhang ki ai hangkapiinii katei teimaham tei leile.

JEMS 5:16 Iomraidhean Croise

METIU 21:22

Sateichii gonyiinii kamalum tei leileponii, gonyiinii riita kakhang hangtei gonyiinii doutangle.”

METIU 3:6

sateichii ahnyii mah kem hangtei tam mpatsii Jordan karyii kito ahnyiinii mpou dato dwi mpum wotakle.

MARK 1:5

Sateichii Judiya bang ninado Jerosalem namdi kito kalei mei hangnii gongsii Jon-nii katam shiile sateichii ahnyii mah kem hangtei tam mpatsii Jon nii ahnyiigo Jordan karyii kito dwi mpumpyiile.

LUKNII KARYII KABI RASAM JUKAMATI 9:6

Teito ahnyiinii tatpatsii nam namki maasii kabi rasam tei tam ralipyiile ninado katii kanhiimei go bamlyii hang kito tii-mbipyiile.

JONNII KARYII KABI RASAM JUKAMATI 9:31

Saraanii kem katiimeigo shiipyii makle, nlenii mei kata hangninanii Saraago kamatamei tiisii Mpounii kamaning kamarei tei tiisii leile- ponii, Saraanii ahgo shiipyiile katu nyiinii tile.

TIILAMLWI KAPYIIMEI THA JUKAMATI 10:38

teiteinii Nazaret ki Jisu rasam teile, kada takumpii mpougo Saraanii rangii kamatei ninado teimahampii thao manuk kaipyiisii mpounii tatsii tatsii tha kabi tei tiiwopo sateichii sara kashyiinii kaswi kaleimei go tii mbipyiipo katu teile; kadapokii Saraanii mpougo kaswipyiisii leile.

TIILAMLWI KAPYIIMEI THA JUKAMATI 19:18

Malum kalumei ahnyii kak kito meihang kaniido gongsii ahnyii mah tha tiikalei tei latsii tam mpatle.

TIILAMLWI KAPYIIMEI THA JUKAMATI 8:24

Teito Simonnii khekalatle, “Gonyiinii tam kalei tei hangninii kado guphyiiryii gong kasu tiisii, gujangpii gonyiinii Bangpii dakii riita khangpyiilo.”

ROMMEI 3:10

Ryii kabam ai takumle: “Kasang kamajyii mei kado gale, gale, meikado gale;

ROMMEI 5:19

Kadaponii mei hangninanii katam swi kasu jangpii mei hangkago kem katiimei tiimatu katu takumpii, hangninii mah katam kaswi jangpiiniido mei hangkago kasang kamajyii mei tiimatu tangle.

KOLOSIMEI 1:9

Kaang aijangpii nyiinii gonyii kaang kito shii kalu piinei sekpii, gonyiinii rangiimah swirek kabi ninado swikati hang kito mpoumah kamaning kamarei tei swirek kati teipiinii tokryiipyii matutang karam jangpii nyiinii gonyii jangpii Saraa dato kariita tei takmakle.

1 THESOLONIKAMEI 5:17

Taksupii riitalo;

1 THESOLONIKAMEI 5:23

Kamajungmah Saraa pumsek teinii gonyiigo mashangsii tiima- teipyii matulo; sateichii nyii Bangpii Jisu Kristanii kagongki gonyiimah rangii, rakot ninado pumrong hangtei sajek gasii bisii bam matulo.

1 THESOLONIKAMEI 5:25

Kangsanamei, nyii jangpiiniido riitapyiilo.

HEBRUMEI 11:4

Kamalum jangpii Abel-nii Ken sung kisii Saraa dakii kisii kabi kakarat pot tei pyiitoi takle; teimah paikito Saraanii mpoumah luha kapyiihang phyiiryii teikii kamazhii sakchyii pyiisii, mpounii kasang kamajyiimei hangniniile sii kamazhii sakchyii doutakle; mpounii taitakle, nlenii mpoumah kamalum paikito mpounii aitoido tamsii leile.

HEBRUMEI 11:7

Kamalum jangpii Nohanii mik ngoukasu tha hang mah kaang kito tiiloi sulosii tam kakhat tei dousanii mpou ninado mpouki kalung mpung go keipyii tang karam jangpii mpounii lungliitsii malyii garyii hangninii liwotakle. Aimah paikito sazyii pouryiigo mpounii malesii tam takle, sateichii kamalum kito gong katu kasang kamajyiimah mahtou toutang karam mei hangninii miwotakle.

HEBRUMEI 12:13

sateichii pi katwi tei ashaangrou kiteito poitoi aisu- piinii tii mbiwo kabui tiisii gonyiinii gonyii pi jangpii pwidi tiimajyiilo.

HEBRUMEI 13:18

Nyii jangpii riitaseilo, kada- pokii mahlyii hang kito kasang tei tiinyiisii kalei, kabi kashyii tikabui lungswi kamatei tei nyiida leile katu nyiinii malumle.

1 PITAR 2:24

Kem kito tai aisii nyiinii kasang kamajyii kito ringtang karam jangpii mpou sekpiinii Krosh gamto mpoumah pumpot kikii nyiimah kakui kama hangtei pungpyii takle; mpoumah rajam jam teipiinii gonyiigo tii mbipyii takle.

1 JON 3:22

Sateichii nyiinii kakhang hangtei mpou dato doule, kadapokii nyiinii mpoumah kakhat- sam hangtei swisii mpounii kamarei tei nyiinii tiile.