JEMS 4:1 - KARANU KABI SAMTAM

¹ Gonyii kak kito satii saryii ninado n-gi razyii hang ai kada kito patpo? Gonyii pumpotmah njai hang kito saryii tiisii kalei gonyiimah kamarei ka-ntha hang kito makpo?

JEMS 4:1 Iomraidhean Croise

METIU 15:19

Kadapokii lungchui kashyii, meigo kagi, meinou meinah- go kashyii katii, kashyii kahong tha katii, kachui, kasang kasu sakchyii katii, meisam tam kamashyii ai lung kito patle.

JONNII KARYII KABI RASAM JUKAMATI 8:44

Gonyii ai gonyii pfii seitan dateitole, sateichii gonyii pfii mah kamarei ka-ntha hang tiitang karam tei gonyii mah kamaning kamazhii teile. Ahnii nu saroisekto meigo kagi kabaameile sateichii kasang gotei kaswisii tha tiitang karam samah kado gale; dapochiinii ahda kasang tei gasang gale. Ahnii kachui sam katam kak nunuto kalei ahmah jai taiswisii malhiile, kadapokii ahnii kachuipiile ninado teimah pfii teile.

ROMMEI 7:23

nlenii gupumpot mah njaihang kito kalei gulungswinii maziipyii kalei ajaitingshang gotei, sateichii gupumpot mah njaihang kito kalei kem mah ajaitingshang mah maring- pouchyiimei tiimatu tang karam jangpii ajaitingshang kakinii saryii tiisii kalei tei Inii ngoule.

ROMMEI 7:5

Nyiinii pum zai lamto lung kalei tinglang kak, ajaitingshang teinii tiimarak kapyii nyii pum nyii zainii kamarei ka-nta hangtei nyiipum pot mah njaihang kito, katai mah ati-mati matutang karam jangpii atha tiisii bamle.

ROMMEI 8:7

Teijangpii- nii apum azai mah kamaning teinii Saraa go ngou karoumeile; kadaponii teitei Saraa mah ajaitingshang kang nkang makle sateichii nkangdo nkangpei wolakle;

GALATIMEI 5:17

Kada- pokii pumzai mah kamarei ka-ntha teinii rangiigo mazhii makle, sateichii rangiimah kamarei ka-ntha teinii pum zai go mazhii makle. Ka- dapokii gonyiinii kamarei kamarei tei tiimatulak tang karam jangpii, hangna ai hangninanii hangninago mazhii makle.

KOLOSIMEI 3:5

Teijangpii gonyii lungto sazyii pouryiimah kamaning kamarei tha tiisii kalei, katunii, sapwimei sapfiimei kashyii kahong tha katii, matei kasu, matei kasu marai majang katii, kashyii go kamarai sateichii lukanyii (ai tingtugo kamaning mahjai hangniniile) gotei tiitat ailo.

2 TIMOTHI 2:23

Nlenii kapang kamang ninado tikasu ngoukasu sam kajyii katu teipiinii n-gi razyii tii-mpatle katu tei tisii teiki teito nlek wole.

TAITAS 3:3

Dapokii ndounii nyiido kapang kamang, katam swikasu, dhiisii tat katu, kathaam kathaam pumzai mah kamarei ka-ntha ninado kasamou hang mah kikaleimei tiisii kem ninado kamaimhii kito nyii tiilung lungsii meihangpii nyiigo ngourousii ninado nyiinii ahnyiigo ngourousii leile.

TAITAS 3:9

Nlenii ka- mang sam kajyii katu, meilui meiha lungpat saroisam katam, n-girazyii katii, sateichii ajaiting- shang mah kaang kito ka n-gi katu, aihang kito nlek wolo; kadapokii aihang ai liipat gale ninado kadakle.

JEMS 1:14

Nlenii mpou mpou- mah kashyii kamaning kamarei teinii chyiikatat teipii sateichii mai kalu teipii meihang go hemwole.

JEMS 4:3

Gonyiinii khangle sateichii doumakle, kadapokii gonyiimah pum- zainii kamarei ka-ntha hang kiteikii tiimaga tang karam jangpii gonyiinii maning maasii khangle.

1 PITAR 1:14

Katam kaswi nahmei takumpii, gonyiinii tikasu tinglang kareiki pumzai mah kamaning ka- marei hangtei fiiloi supii,

1 PITAR 2:11

Lungkasyiimei, gonyiinii sapum- nah tiisii ninado shangniikii jangpii lungkalei sazyii pouryii meinah tiisii! Tinglang kaleita gonyii mah rakot go saryii tiisii kalei, pumzaimah kamaning kamarei hangtei tiisulosii Inii gonyiigo khang leile.

2 PITAR 2:18

Kadapokii swikaga kapang det kadi sam tamsii, kama kito lungsii kaleimei hang dato nlek wosii lungpat haosii kaleimeigo pumzaimah kamarei ka-ntha hang- teipiinii hemle.

2 PITAR 3:3

Karei reisang kito gonyiinii ai ai tilo, katunii, kalui tinglang ki hoksii kanuimeinii ahnyii pumzainii kamarei ka-ntha hang teitei swisii, hoksii kanui tei njasii gong tam tangle,