JEMS 3:14 - KARANU KABI SAMTAM

¹⁴ Nlenii gonyii lung kito hangkapii kamaimhii ninado mpoujangpii roinii kamaning tei leileponii, gomah swirek kabi kito detdisii kasang dateito tiimatusulo.

JEMS 3:14 Iomraidhean Croise

METIU 27:18

Kadapokii ahnyiinii Barabas go ngou karou jangpiinii pyiitoi takle katu tei mpounii tile.

JONNII KARYII KABI RASAM JUKAMATI 16:2

Ahnyiinii Jehudimei mah ndwini teito gonyiigo paktoi tangle, sateichii gonyiigo kagimei kata hangninanii tiikalei aipii mpounii Saraago nga ngalei lesii maning tang karam tinglang tei gong leitakle.

TIILAMLWI KAPYIIMEI THA JUKAMATI 13:45

Nlenii Jehudimeinii meihang gotei ngou wosek-kii, kamaimhiipii tokryiisanii, Polnii katam sam gotei jetdo jet tutakle sateichii tamdo tam mashyiitu takle.

TIILAMLWI KAPYIIMEI THA JUKAMATI 26:9

“Nazaret ki Jisu zeigo mazhii kasu tha hangtei tiitang karamlesii Inii gupum sekpiinii tiigatpii maningle.

TIILAMLWI KAPYIIMEI THA JUKAMATI 5:17

Nlenii kanat kanhii kajum Tingdimei ninado mpougo kaswi kalei meihang katunii, sadhu bemei hangteinii, nrungsii kamaimhiipii tokryii takle.

TIILAMLWI KAPYIIMEI THA JUKAMATI 7:9

“Sateichii nyii pfii nyiipaomeinii Joseph go ngourousii mpougo Izip kikii joitoi aitakle; sateichii Saraanii mpougo kaswipyii sanii,

ROMMEI 1:29

Ahnyii teinii kashyii kahong, ajaitingshang kashyii, lukanyii, kamaimhii, kama- lung piinii katokryii, meigo kagi, n-girazyiipii, kachuipii, kakaloupii, kasampeipii.

ROMMEI 13:13

Nyiinii kavaki tat kalei takumpii tat majyiile; ajai kasu sateichii jou sak kapiinhii, kashyii kahong tha katii, sateichii ngou kashyii tha katii, n-gee razyii kapat sateichii kamai- mhii tei tiisude,

ROMMEI 2:17

Nlenii nangnii goroinapii Jehu- dimeile katu azei tei latsii leileponii ajaitingshang gotei bhangsii leile- ponii Saraa dato leile katu det katii tei leileponii.

ROMMEI 2:8

Sateichii mei kangkanii mpou jangpii roinii fiisii kasang kamajyii gotei mazhii supii kama tai swi kanyiimei gotei Sa- raanii ahnyii phyiiryiikii mpoumah rakarhii ninado ngou kahing tei rui mpat tangle.

1 KORENMEI 13:4

Lungkasyii teinii lung leh kati sateichii jumage kati teile, lung- kasyii teinii meigo maimhii makle, mak-kii palhiidi leimakle.

1 KORENMEI 3:3

Kadaponii gonyii aitoi katangdo pumzai kito leile, kadapokii gonyii kak kito kamaimhii sateichii n-girazyii kalei tei teipii, gonyii pum zaimei makpo, sateichii meidamei takumpii gonyiinii tatlei tak makpo?

1 KORENMEI 5:2

teitii leponii kada takumpii gonyiinii detdiwo tangpo? Gonyiinii swi kashyiipii tokryii kajyiimakpo? Ai kakum tha tiikalei mei gotei gonyii kak kito poitoi maleilo.

1 KORENMEI 5:6

Gonyii mah det kadi tei bimakle. Ahee chengniikapii athok tom hang gotei toupat matu woleile katu gonyiinii timakpo?

2 KORENMEI 12:20

Kadapokii Inii kagong tinglang kak, Inii kamarei takumpii gonyiigo Inii doukasu, sateichii gonyiinii kamarei takumpii gonyiinii n-gu doukasu malahle; n-girazyii kapat, kangourou katu, kararhii katu, mpou mpou jangpiinii kamaning, kalet kalou katii, samchet sampei katu, detkadi ninado matou kasu tei Inii ngoutang maniisii hingle.

GALATIMEI 5:15

Nlenii gonyii hangninanii hangniniigo saram kounah takumpii kamakisii chiitoi kati tiisii leileponii, machyiigat wolo, suleponii gonyii hangninanii hang- niniigo tiimagakat aitangle.

GALATIMEI 5:20

tingtugo kariita, riikuhii kajum, kangourou katu, n-gi razyii kapat, kamaimhii kati, kararhii katu, mpoujangpii kamaning, njairiit riit katu, kagu kaphang katii,

GALATIMEI 5:21

kabigo kathairou katu, jou sak kapiinhii, jou sakmaga katu sateichii tei kakum njoi tha tiisii kaleimei hang teinii, Saraamah sating sazyii tei doulak lesii Inii gonyiigo asungto kakhatsii katam takumpii Inii gonyiigo kakhatsii tam leile.

GALATIMEI 5:26

Nyiinii matapii mpou mpou det disii, hangninanii hangniniigo kara- rhii katu, katairou katu tei tiisuleje.

GALATIMEI 6:13

Kadapokii tiigyii malem kaleimei katangpiinado ahnyii sekpiinii ajaitingshang tei swimakle; nlenii ahnyiinii gonyiimah pumzai kito detdi wokabui jangpii, gonyiigo tiigyii malem matunyiile.

PILIPIMEI 1:15

Kangkanii kasangpii kamai- mhii ninado n-girazyii jangpii sateichii kangkanii kabi lungswi jangpii Kris- tamah kabi rasam tei tam ralipyiile.

PILIPIMEI 2:3

Mpou mpou jangpii roinii kamaning kito, mak-kii kakadak lungswi kito samah kado tiisulo, nlenii lung manoisii mpou mpou pum sung mei kaki kaki- meinii kisii bilesii maning matulo.

1 TIMOTHI 2:4

nyiigo keikapyii Saraamah mik doito ai ai ngoukabi ninado kamajyii teile.

1 TIMOTHI 6:4

mpounii tang katii teipii sagoitu takle... sateichii mpounii samah kado timakle. Mpounii samtam hang jangpii ka n-gi kazyii kanyii, pumzai mah matou kasu kamarei ka-ntha tei leile, sateichii aipiinii kamaimhii katu, swilung nja kasu, tam kamashyii, kashyii swi kamaning,

TAITAS 3:3

Dapokii ndounii nyiido kapang kamang, katam swikasu, dhiisii tat katu, kathaam kathaam pumzai mah kamarei ka-ntha ninado kasamou hang mah kikaleimei tiisii kem ninado kamaimhii kito nyii tiilung lungsii meihangpii nyiigo ngourousii ninado nyiinii ahnyiigo ngourousii leile.

JEMS 1:18

Mpoumah karing kounah hang kak kito nyiinii riiti karei hangninii tiimatu tang karam jangpii mpoumah kamaning kamarei kito kasang mah samkang teipii mpounii nyiigo manaapyiile.

JEMS 3:16

Kada- pokii kamaimhii ninado mpoujangpii roinii maningsii kalei nitei adok tiikasu ninado tha kashyii kahong hangtei leile.

JEMS 5:19

Gu kangsanamei, gonyii kak kito mei kata kangkanii kasang kito dhiisii tat tuleponii, sateichii mei kata kangkanii ahgo pang nlaigong leponii,